an guatn morgen und an scheenen tåg (sunntåg)!
ies des scheen, wenn's um siebene erst sexe ies.
kuhle - håst wohl niet vagessn, dein wecker zruckzanstelln? außa - du håst an funkwecka, der måcht des automatisch.
a so a bledsinn - summazeit, wientazeit - briengen tuatz eh niex und zeit ies zeit. und fier de enerschie-erspårnis (unschuldsvamuhtung), wås des uhrnzaaga-umanåndadrahn briengen soll, kånnst dir nietamal an enerschie-riegl kaafn. hauptsåch a påår leitln kriagn an zeitumstellungs-tschettläg. hihi.
åba mir ies wurscht, wia se tuan taan, i bin eh ållaweil da zeit hientaher. und mei beste zeit ies sowiaso schon vurbei ... odawia.
und gschniebm håtz aa, a påår zehntimetta. so dass hålt weiß ies rundummadumm. und a biessale schneibtz noch ållaweil. åba eh niet gåraso vül. valleicht könnent die enkalan, wenn sie heit' auf bisuch kummen, a schneemannkale baun. rodln geht hålt noch niet, hextens åaschrusln.
