Greaß eich olle mitanand,

i hoff ihr hobs die gonze stade Zeit guat übarstondn?
I wünsch eich von Herzen fröhliche Weihnachten und für 2018 olls Guate, Gsundheit und Glück und dos as holt olle noch a bissale umanondazoasn tuats.
Gonz lieabe Griaß aus München Elisabeth!

Servas olle mitanand,

Donkschean für eira liabn Einträge, i hob mi supa gfreit.
Jo dos glab i, dos du in Kanada Kasnudln mochst mit gonz dick Buttar drauf, dos gibs holt echt lei bei di Karntna!! I moch in München a imma anne und i kriag mein Schottn (wos nimmsnt du in Kanada?)dafür direkt von meina Schwesta ausn Gurktol und die Nudelminze kimmt aus unsarn Gortn daham. No jo bis Kanada zan umiführn is holt a bissle weit?
Getrocknete"Nudelminze" und an Schottn des terfst amol in Deitschland suchan!!!Findast net..a fost nirgends mer bei uns daham in Kärntn, also won ihr weita Kasdnudln mochn wollts bauts "echte" Nudelminze on und mochts an Schottn selba..!!!
Aha und Keckslan tuats a schon olle fleißig boackn, wird nocha wohl wos guats ausar kemman? Soln ma zan probiern kumman???

Oba nit dos eich so geat wea uns as letzte Wochenend ban Tollwood Festival in München (übrigens i sog eich, kummts amol, dos is dar scheanste alternative Weihnachtsmorkt dar Welt..hot sogar die Cher gsogt..und jeden Tog zwoa Mol a ondare LIVE-Band (schauts ins Programm vom Hexenkessel).. also sogt doch glott a echta Preiß er is dahoam dafon gongan, weil sei Olte seit an Monat nix ondars tuat as wia Keckslan bockn und er mog gor koane...!!??
Gonz lieabe Greaß und mocht's guat und eßts holt die Keckslan weg fürn Ehefriedn!

Greaß eich olle mitanand!
I bin die Elisabeth ausn Gurktol und schon vierzig Johr in München.
Eire Seitn und eire Witze kenn ich schon gonz vül Johr und i moch jedn Tog in dar Fruah die Seitn auf und schau wos in Villach für a Wetta is.
I bin traurig, dos eire Freind nimma sand und so donkbor für olls wos ihr bis hiaz mit diesa Seitn auf die FUßlan gstellt hobs.
Ma dos war echt schean wons ihr noch weita mochn tats, weil für mi is dos echt a großes Stück Hoamat.
I hob mar vorgnumman in a poor Johr won i die Rente hob wieda in unsar scheanas Landle zan zruckgean.
I wünsch eich von gonzm Herzn olls Guate mit lieabe Griaß ausm Bayernlond.
Elisabeth!