grias eich!

jo, de sunn scheint a bissle do. wos i holt so durch des baugitta durchsigg.
vlt kummt jo doch noch da summa retour, wer waaß ;)

gestan honi mi in da wohnung gschafftig gmocht. d.h. mehr im vurzimma. hob ausgmolt. 2 färbig. a richtig kräftiges lila auf zwa wondseitn und auf da deckn, und de restlichn wände a voll schrilles grün. is a bissle gewöhnungsbedürftig, oba schaut nit schlecht aus. steil holt.

wohnzimma kummt aa nuch dron. oba des wert a bissle dezenter. aa 2-färbig. olladings lei hölfte hölft. untn rum a dunklares orange-braun bis zur lichtscholtahöhe und noch obn hin donn a gölb-creme-forb. vlt find i aa nuch a scheene bortn zum dazwischnpickn.

irgendwie muass i de wohnung a bissle ondas gestoltn, damit i nit ibaroll de knabberspurn von mein baby sigg. sie hot sich jo untn bei de mauerkantn ziemlich guat ausgitobt ghobt

oba ans sog i eich. i bin voll hinig. gestan hob i nuch in da frih meine behondlungen ghobt, wo i wieder urdentlich hergnummen wurdn bin und onschliessend de kraxlarei auf da laata mit pinsl und wolzn. uuuuffff!!!

morgäääähn,

aus dem koltn, graun wean.
is jo schon wia im novemba. huuuuschiiiiiiibrrrrrrrrklapperfrier................

daweil tat mei bodekortn noch bis 9.9. laafn. wert wohl nix mehr gibraucht werdn ;)

winsch eich an scheenen tog!

grias eich noch ana wochn urlaub im koltn, feichtn burgnlond!

bin oba eh schon seit freitag wieda zruck. worm wors nit, trockn aa nit wirklich, oba scheen wors trotzdem. olles is bessa ols in da stinkign stodt do und in dem lautn von baustölln umzingltn biro.

i hoff eich gehts guat und es is olles xund und munta.

beim nochlesn honi ma schon gidocht, haaa, hiatzand kriag ma wieda nochwuchs do herinand, oba des wor wohl lei a kurzauftritt von de zwa. woher se aa imma kummen.

so, und i wer den erstn orbeitstog obschliassn und in prota nochfohrn zu de freind. de kinda hobn heite wieda schulbeginn ghobt und es is schon tradition, dos se mit senen am erstn schultog in prota gehn. muass i doch glott aa hinfohrn ;)

pfiat eich daweil und a dickes bussale mol wieda.....
wert eh vül zu wenig gebusslt

grias eich!

im moment stürmts gonz urdentlich do drausdn und regnan tuats aa.
wert wohl nix mit an scheenen sunnign urlaubswochn werdn wenn des so weitageht.

@schoba: wondaschuach konn i daham lossn näxte wochn. des i a so aa klanes nestl, do brauchst nit vül schuach zum wondan. liegt glei bei oberwart und haaßt mönchmeierhof. ungefähr 6 einwohner und 3 kiah. mehr is durt nit ;)
des anzige wos ma sich durt onschaugn konn is de burg schleining. oba de kenn i hiatzand aa schon auswendig :D

pooh, mir tuat heite wieda mei gnack weh. hob schon aniges on pulvalan eingwurfn. hülft nix. weri mi anfoch hamschleichn und schlofn. dirft a reaktion von meina hupfarei sein. am mittwoch bei da einzlgymnastik hot mi "mei" domina auf so a klettawond aufegstöllt. 30 minutn auf de komischn buntn gummiwöpis do umasteign und dabei a komisch, varenkte figur holtn. schon am obnd hob i des ibaroll gspirt und gestan in da frih hob i an potzn musklkota ghobt. bis heite hot sich des ins gnack aufezogn.
i maan, de wüll aus mir an schwarzenegger mochn....

grias eich in olle richtungen!

hoff es geht eich guat.

i hob mei vakühlung aa so guat wie ongebrocht, geh schon wieda brav orbeitn seit montog. huastn is holt imma noch recht stork. oba wos solls.

nächste wochn hob i urlaub gnummen und fohr a bissle zu freind ins burgenlond. hob ma den wettabericht grod ongschaugt, schaut jo nit bsundas aus fir näxte wochn. daweil hätt i mi schon so gfreit ghobt, doss i a bissle aus wien ausse kumm und luftschnoppn konn. weri wohl donn durt erst wieda lei im haus umasitzn miassn.
na guat, wenns echt nix is und lei regnet, donn fohr i holt wieda ham. send jo lei 120 kilometa zum fohrn. dos is donn nit so schlimm.

morgn in olle richtungen!

mei fiaba is weg. zumindest bis jetzt. schnupfn is aa schon leichta. lei da huastn is hortnäckig und stork. oba des is eh imma so bei mir. des dauert donn a poor wochn, bis der gonz furt is.

heite nocht honi oba nix guat gschlofn. gestan worns 2 wochn ohne meina supamaus.

bis zum 2. oktober is jo noch a zeit hin. und i waaß eh noch nit, obs gehn wert, dos i kumm....

morgeen!

wert glaab i schon a bissle bessa. fiaba is neama hoch, lei mehr temperatur, holsweh is weg, schneitzn tua i mi aa lei mehr 15 onstott 30 mol in da stund ;)
da huastn is olladings lässtig wurdn. mir tuat schon da gonze bauch weh, von da vüln huastarei. wert oba siha aa biold weg sein denk i.
und wenn i murgn kaa tempereratur mehr hob, donn wüll i ausse a bissle. donn weri an kollegen im gortn besuchn.

na, so anfoch "an neien zulegn" tua i ma siha nit.
is jo ka schuach, wo de sohln obegongen is und du da hiatzand anfoch a neies poor kaafn gehst...

mei phoebe is nit zu ersetzn....

hust-schnupf-krächz!

noch olles do und voll in aktion. oba wert schon bessa. i hoff am wochnend is vurbei und i konn wieda ausse, wenns bodewetta kummt.

daweil schlof i eh lei nur und schau damisch.

oij, bea, warum host nix friaha xogt?? und i rea die aa nuch on.... :(
nuch a grund mehr, warum i bold wieda fit sein muass, damit ma wieda auf a glasl gehn kennen....

@schoba: danke firn drucka. na danke, i wer eh von mama aa vasurgt togsiba. und wirklich hunga oda so honi eeh kaan. des anzige wos i brauchn kennt, is an automatn, wo ma sich einestöllt, am knopf druckt und schon is olles, wos ma nit hobn wüll wieda weg ;)
host du sowos??

wie gehts dir?

grias eich!

@ruflo: na, nix bessa. im gegenteil. 39 fiaba de gonze nocht. bin heite daham gebliebn.
und hiatzand lieg i do auf da couch, allan. sunst hot sich imma mei hasi dazuaglegt und hot mi xundgepflegt. schiach, des dahamsein ohne weißn pölza :(

morgääääähn!

i hob a vakühlung dawischt. i rotz uma seit heite nocht und da hols brennt wia feia. lei fiabagmessn honi heite in da frih nit und bin in de orbeit maschiert. hiatzand kennt i einschlofn. hoffentlich is der mist bold wieda weg. den schmorrn brauch i jetzt wie an kropf....

eich winsch i an hoffentlich gsundn und ruhign tog.....

heite gibts kaa bussale, weil sunst steck i eich on aa nuch

hallo eich ollen!

i hoff es geht eich guat.

dickes bussale fir jedn anzelnen....

morgen olle mitnond!

danke fir die liabn worte. i wert wohl noch a bissle brauchn. i hobs glaab i noch gor nit so recht realisiert. i sigg sie noch ibaroll umahupfn und pass dauernd auf, doss se ma nit unta de fiass springt beim gehn....

a freind von mir hot ma gestan für mei klaane maus a gedichtl gschickt. des wüll i eich aa zagn:

Für die kleine Phoebe:

Kleines Seelchen in der Nacht,
hast mir soviel Glück gebracht,
mußtest gehen, bist nun fort,
weit an einem schönen Ort.
...Regenbogen, Wasserfall,
grüne Wiesen überall,
spielen, toben, frohes Treiben,
hier willst Du ganz sicher bleiben.
Kleines Seelchen warte dort,
wart auf mich an diesem Ort,
eines Tages, Du wirst sehen,
werden wir uns wiedersehen.


und i hoff, mir seg ma uns recht bold wieda......