Home

Gästebuch

Wörterbuch

Witze

Die TOP 15

Postkarten

Download

Info

 

Dos Gästebuach vom Villacher.NET

105 Beiträge gibts von 'wastale'. (Ålle zagn)
An neichn Beitråg eineschreibn | Die Top 15 ånschaun

wastale am 11.11.2018 08:22  (vua 5 Tåg)
 @ z nix
Da steh ich nun, ich armer Tor !  Und bin so klug als wie zuvor !

12.11.2018 10:57:
 So wås gheart se nit !!!

An gschenktn Gaul schaut ma nit ins Maul !
Såg ma.
Åba dås !!!
Na dås geht går nit !!!
A so a tschaupate Feichtn nåch Wien auße liefarn ?
I waß jå nit wås f'ra Tscherfl fir dås varåntwortlich is, dåß ma so an Kratzl varschenkt ?
Da Transport kostat a vielfåchhes von dem wås da döge Kümmerling wert is !!!

Oda wollt ana die Wiena tratzn?

I schom mi !!!

s wastale


12.11.2018 11:13:
 Und nåcha gibt's noch a påår dö dås noch schean redn wöllnt !!!
Schomt's eich !!!
wastale am 10.11.2018 10:05  (vua 6 Tåg)
 Der Schatzgräber

Arm am Beutel, krank am Herzen, schleppt' ich meine langen Tage..............
So fångt die Ballade ån.
Und mit: "Tages Arbeit, Abends Gäste!
Saure Wochen Frohe Feste!
Heart se auf.

Åba wal die gånze Gschicht schwar zan varstehn is, håb i probiert zan übasetzn

Ålsdånn:       
                                                        Da Schåtzgråba 

                                   vom Göte (åba vom Echtn, nit vom Patenonkl)
               
                                               (frei übasetzt von wastale)

Ka Geld im Såck und Nervnkrånk
huckt er auf seina Sorgnbånk.

Und tuat beim umasimmuliern 
går mit'm Teifl gschpussariern

Lei Geld måcht glücklich fållt eahm ein,
an Goldschåtz find'n warat fein.

So fångt er dånn in finst'ra Nåcht,
zan gråbn ån, dås lei so kråcht.

Um zwölfe wår er klan darschuntn,
lei Tåla håt er kane g'fundn.

Doch zwögn's der gånzn Schintarei
wår sei Gehirn auf amål frei !

Då is eahm dånn a Liacht aufgångan,
wia er sich wieda könnt darfångan.

Muaßt lei von jed'n öpås nehman,
dånn tuast leichta durch dås Leb'n kömman !

A bisl hagln auf'n Tåg
aufd' Nåcht dånn Gäste, (wonn wer måg.)

In da Natur viel Zeit vabringan,
lafn, tånzn, umaspringan,
viel låchn
und oftamål a Liadle singan !

Dånn übastehst ( gilt als versprochen)
A oftamål a saure Wochn !

Nit imma lei dem Geld nåchjågn
dånn låsst se ålls viel leichta trågn !!!

@ nix
I waß jå nit, ob du dås so gmant håst, åba so håb i di varståndn.
Mir gfålln't deine Beiträge gånz guat !

In da fibi a dix Bussarle zruck, in pfeiferle wia imma "good luck"
in da Barbara und dem Martin an schean Gruaß
wånn die Eisnbeissarin a wieda amål wås schreibn tatat, tatat mi a gfrein.

Und in Ålle a schean's Wochenend

s' wastale
wastale am 08.11.2018 15:44  (vua 8 Tåg)
 Und ich sah ein Licht von weitem
und es kam gleich einem Stern
hinten aus der fernsten Ferne,
eben alls es zwölfe schlug.
Und da galt kein Vorbereiten
heller ward's mit einen Male
Von dem Glanz der vollen Schale
die der schöne Knabe trug.

An schean Pfigste in Ålle
wastale am 02.11.2018 08:16  (vua 14 Tåg)
 Dånkschean pfeiferle !

Ba uns håma a Glick mit'm Wetta ! Gott sei Dånk.

Åba dö in Obakärntn send richte wåhr ane årman Leit !!!
Den gånzn Dreck und die Letn im Haus, die Stråßn und Bruggn weckg'rissn, dås Dåch åbgedeckt, ka Strom usw........
Dås is wohl a Graus !!!
Dö tomb mir wohl dabårman !
Zumål dås jå nit dås erste Mål is .
Seit Jåhrhunderten !!!  passiert dås imma wieda då obn !
Und trotzdem baun't se wieder ålls auf und richt'nt wieda ålls schean her !
Wal dås söna Daham is und wal dås so a scheane Gegend is.

Liabe Möll - Gail - Lesach - Gitsch und Drautåla i winsch eich ålls Guate und vor ållm,
dås der Bund und dås Lånd sönere Versprechn einhåltn und eich helfnt !

wastale am 26.10.2018 05:28  (vua 21 Tåg)
 Supa Idee, oba heint is jå Tåg der Fahne !
Und a Bier ohne Alkohol is wia a Heppalanzögga auf'n Wäschschtrick:
Dås Beste is nit drin !

Fröhliches Wandern !

wastale am 22.10.2018 07:11  (vua 25 Tåg)
 @ pfeiferle
Oba geh, tua di nit selba åbemåchn !
Is gånz anfåch:
"Geld regiert die Welt"

Liabe Grüsse in Ålle und a scheane Wochn

s  wastale
wastale am 20.10.2018 18:06  (vua 27 Tåg)
 @ znix
Huch, då bin i åba går nit deina Meinung !
Richtig soll haßn: zuständig wäre die Politik !
Kånn sie åba nit, weil sie sich in da Geislhåft von a påår % Globalplayers befindet !
Und dås mit'm Nåchdenkn is a so a Gschicht....
Då kimmt gånz drauf ån wer, üba wås und vor åll'm wia laut nåchdenkt.
Weil wånn da dem System znachna kimmst nåcha kånn dås åba sehr, sehr ungsund wern !!!

I wer åba außn Vn bestimmt ka Poltikforum måchn, åba dås håb i sågn müaßn.

In Ålle a scheans Wochenend
Und imma schön fröhlich bleiben!
wastale am 19.10.2018 14:50  (vua 28 Tåg)
 @ z nix

A und is dås hiatz nåcha guat oda schlecht ?
Wal i kenn mi då nit so recht aus !
Is nit Kuba a a Republik ?
Und muaß ma nit in ana Repulik die Stimm åbgebn ? ( Dås Recht geht vom Volk aus......... am Wåhltåg)
Dås will i åba a nit, weil dås kenn i schon und nåcha håb i jå går nix meh zan sågn.
Mir håm'se imma gsågt so a "mir sein mir" denkn is schlecht !!!
Åba als Europäer warat dås dånn wieda guat. Wia hiatz ?


wastale am 14.10.2018 06:53  (vua 33 Tåg)
                                @ fibi
           
                             

         🌻 Åll's Guate zan Geburtståg 🌻

An Geburtståg ohne Schmerzen,
den wünsch i dir von gånzen Herzen.
A, dåß du imma glücklich bist
und auf dås VN nit vargisst.
Åll's wås du planst soll dir gelingen,
es soll dir Glick und Freid a bringen.
Tua recht schean feiarn, trinkn, essn
und a auf's tånzn nit vargess'n !
So wia da Sunntåg heint voll Sonnenschein,
Soll's imma in dein Leb'n sein !!!


wastale am 04.10.2018 13:11  (vua 43 Tåg)
 Griaß eich !

Jo uhhh wia kånn den dås sein ?
So a scheans Wetta und die Wiena und die Graza gfriernt fåst ein ?

Jå und z nix wia gibt's den dås ?
270.000 !!! -  in Worten zwahundartsiebzigtausend Einwohner håt Graz !
Und då waratat nit Ana(e) dabei der 
(dö) mit dirTennis spieln tatat ?  Ha ???
Is jå nit zan glabn !

@ Martin und Barbara
I glab die kurze Hosn kennt's einpåckn, wal die Nächt wern'd imma länga.

@ fibi
A guata Schnåps zur rechtn Zeit, hatzt ein und sorgt für Heiterkeit !

@ pfeiferle
I hoff' du bist wohl xund!
Bist a weane seltsåm momentan !?
Gestarn wår i Wiesnmårkt !
Håb går nit gwißt, dåß so viel Leit gibt auf da Welt !

@ eisnbeisa
Håb i lång gibraucht zan übasetzn !
A "pfatsch" haßt niesen ?
( dås geht eh noch)
åba, dåß "tutschn" schlåfn haßt, hån i nit gwißt.
Dås åba oftamål wer zwögn's dö blåbn Kigalan, oda so wås Ähnlichem siaß werd, 
kånni mir vurstelln.
Und dås in oft Ana da  Gauna lieaba is wia der Polizist a !
Wås åba die Kern ånbilångt..... mit dem kånn i går nix ånfångan.
Manst du, die Kern, oda den Kern ?
Bei  " die Kern" fålln mir die Kernbuamn ein!
Åba für dö bist du noch z'jung.
Und bei dem "Kern" fållt mir Kettenreaktion und Krümml ein !
I was nit du bringst mi gånz durcheinånda !

I hoff' es nimmt dås kana Ernst,
weil du im Lauf ds Lebens lernst,
wås auf da Welt so umhergeht,
jå sowieso ka Mensch versteht !

s wastale

wastale am 30.09.2018 07:06  (vua 47 Tåg)
 Guatn Morgn

@ eisnbeisa
Hiatz håst mi åba in Varlegnheit gebråcht !
Üba dås kollektive oda individuelle Denk'n von dö Schlehdornkigalan hob i noch går nia nåchgidenkt.
Dö årman Hund dö. I reiß se anfåch zomb'n Stängl von da Staudn åba.
A manst send se deswögn so hantig?
Oba warum send den nåcha die Kirschn nit hantig?
Vielleicht gfriert sönan åba ban 1. Frost dås Hirn ein und sö vargessn zum Hantigsein?
I kenn mi går nemma aus!
Tåtsåche  is, wonn se aus da Trugn kömmant send se ginau so unhantig wia nåch'n 1. Frost.
I glab sö gfreint sich nåch da Kält'n anfåch aufn Schnåps.

An schean Sunnti
wastale am 29.09.2018 08:20  (vua 48 Tåg)
 Guatn Morgn

Hiatz muaß i, (bivor i auf'n  Wiesnmorkt geh) noch gschwind wås sågn.

@ eisnbeisa:
So glåcht håb i schon lång neamma !
Dås gfållt mir wia du schreibst !!!
Du bist richte wåhr a wåschechte Kärntnarin. A bist du aus'm Gailtål oda Mölltål?

Zu deina Fråg:
Jå bei uns då håt's vurgestarn minus 1Grad g'håbt, is oba nit so wichtig, weil i tua die Schlehdorn 
üba die Nåcht in die Tiefkühltrugn.
Und wonn ihr zwa Wiena - "Kärntnadirndlan" schean brav seibs schick i eich zan Nigalå a Flaschle zan kostn.

Dås mit die Bildlan einfügn funzt leida neamma do herinn.
I glab da Chef då kümmert sich neamma går so viel um die Seitn.

@ fibi: Krone auf dei Haupt, wal du die eisnbeisa mitgebråcht håst !!!

So und hiatz geh i mit meina Prinzessin Wiesnmårktumzug schaugn, a Bråtwurscht schnabln und an "Pfiff" Bier trinkn.

Pfüat eich dawal

wastale am 28.09.2018 16:38  (vua 49 Tåg)
 Jå uhhh nåre, schaug amål on !!!
Is jå fåst so wia Weinachtn un Oastarn gleichzeitig.
Es gfreit mi åba richte wår, dåß wieda "Ålle" då send !

In pfeiferle und seina Erika an schean Hochzeitståg ohne Rossschwånz und ohne Orkan !  (åba a leichtes Frühlingslüfterl auf'd Nåcht  kånn nit schådn)
In da fibi an wårman Janga, oba an lången damit nix obgfriert !!!  (Jagatee hülft a)
In da eisnbeisa, dås ihr die Zeit nit davonlaft ...(I bin aus St. Veit oba Wölfnitz kenn i a gånz guat. A bist nåch da Schul immaramål furtgångan a ?)
In Martin und seina Barbara viel Xundheit und Kråft !
Und last but not least in z nix, den Boris Becker oder Ähnliches 

Bei uns då is sooo a scheans Wetta und so wår i heint Schlehdornkigalan klaubn. Mit dö måch i an Likör an guat'n.
Bis zum Krampustog is er nåcha firte.

Und zan End

Sei wia sei
stirbt's Ross, bleibt's Hei

A scheans Wochnend in Ålle !

s wastale


wastale am 26.09.2018 07:57  (vua 51 Tåg)
 Griaß di eisnbeissa(rin)

Wonn die fibi mit ana Turtn kömman is...... nihm i ån.....
Also: 
Ålls Guate zan Geburtståg, hintn nåch !!!

I bin jå lei da Neie, åba trotzdem gfreit mi, dåß du nåch 6 Jåhr wieda amål do einaschaugst.
Is a bisale so als wonn die Sunn aufgehn tat.
Går so viel send jå niama, dö då schreibnt.
Irgenwie schåd'
Vielleicht schaust hiatz wieda öfta amål vorbei.
Tatat mi gfrein!


wastale am 20.09.2018 18:06  (vua 57 Tåg)
 Wollte jemand vor 1961, mit der Tramway in Klagenfurt , von Annabichl zum Bahnhof, mußte er-sie am Heiligengeistplatz umsteigen.
Dås Gedichtle von Wilhelm Rudnigger ståmmt aus der Zeit danåch.

Da Plentnbauer mit viel Gschnauf
steigt auf sein åltn Esl auf.

Dås er's darpåckt es eh a Glick
an zweitn Esl, håt er am Strick.

Dås is in Annabichl gwesn,
i bin beim "Blumanstöckl" gsessn,
siehg dås, laf hin und tua den Baua frågn,
warum loßt di den vom Esl trågn ?

Er gibt zur Åntwort: "Waß jå eh !
Ka Tramway mehr ! Und bei dem Schnee
wer i nit z'Fuaß zan Båhnhof wåndarn
I bin hålt g'scheida wia di Åndarn.

Den brauch i åba nit bedauern,
denk i - und såg zan Plentnbauarn:
" No tuast hålt mit'm Esl reitn !
Åba såg:  zu wås brauchst du den Zweit'n ?"

D'rauf sågt er: "Fråg nit går so tumm,
am Heiligengeistplåtz steig i um !"

Liebe Grüße in Ålle

@ pfeiferle
never give up
gach werd die fibi schon wieda einaschaugn, werst sehgn!




22.09.2018 19:47:
 @ pfeiferle

I måch mir wiklich Sorgn um di !!!
Hoffentlich is dir bei dem Sturm nix passiert ?
I pray for you
Seitn 1 von 7
Nächste Seitn>>

Suachn:   

 
     

 


Panoramablick über Villach/Känten


Panoramablick vom Gipfel der Gerlitzen auf 1.909m
Richtung Westen

Blick über den Faaker See Richtung Mittagskogel

 

edition lebenszeit

Villach Villacher Bier Wuhte Trinken Stammtisch Community Chat Postkarte Greeting Card Grusskarte Grußkarte Kaernten Oesterreich Drau VSV Lei Lei Lei-Lei Schotten Wörterbuch Brauerei Volksmund Dialekt Kärntnerisch Kaerntnerisch Kärnten Villacherisch Fasching Karneval Carneval Anrufbeantworter Ansage Handylogo Nokia Download Villaha Bartl Most Schotten Finkenstein Warmbad Webcam Arnoldstein Auen Manzenreiter Satire Theater Spittal Klagenfurt KAC Kärnten Down Under KDU Alpenhighlander Highland Games Kärntenkaro Tartan Rettl edition lebenszeit KG - Lebensgeschichten | Biografien | Firmenportraits Mag.a Dr.in Lisa Rettl First-Carinthian-Highland-Club