Griaßeich Leitln!
Ma, brauch eich eh nix dazöhln, geht wieda mål rund bei mia. Oba geht ma guat, bin xund und sozialvasichat. Wås wüll ma mehr?

Asowåsbledes heast - am 2. Oktoba wea i nit kennan. Då muaß i nåch Amschtadam zu an Termin... nit hez on a Kaffeschop denkn, jå... in da Fiama! Unsa Europazentrale is durt (deswegn samma jå ålle so lustig). Vüleicht kånn i mi iagendwia noch davur druckn, schau ma amål.

Åba die Wochn davur bin i in Kerntn, bei unsare Heiländ-Geims! I håb eich eh gråd a Einlådung gschickt. Wer kane kriagt håt: www.dieschotten.com - då steht olles!
Warat schen, wenn a poa von eich an Sprung vabei schaugatn bei uns olte Kittlbrunza, tat mi total gfrein!

I knotz mi jetz auf die Kautsch und wea an klanen Fuaßbållschlåf einlegn

t nåcht, måchtsas guat!
_{liacht aus}

salute meine liabn leit!
nana, ka ångst, i hon scho nit vagessn auf eich, oba es is so, wie da ruflo sågt, a murds stress. oba nit dass i jamman tat, es is holt so, håb i ma a sölba so ausgsuacht. mia homma in da firma aniges umgstöllt (olles, außa di mebl) und i bin jetz fir wås åndares zuaständig. haßt oba: zruck zum start und olles neich! des håt den vurteil, dass ma nit långweilig weat. wås tat i denn a tuan mit stundnlånga freizeit? dånn hett i zeit zum ummaraunzn und des wa a a schaß :)
oba sunst gehts ma supa! gsund bin i und mei bessare hölfte, und des is di hauptsåch! und in a poa jahlen geh i eh in pension (de 40 joa oda so sitz i auf ana oaschbåckn ob)!
eich gehts a guat - waß i olles, i schaug wohl imma wieda an sprung vabei, håb oba oft nit den kopf, wås zum schreibn (nåch 400 mails, 15 besprechungen und 3 vuaträg am tåg gehts lei mehr bzzzzzz in meina birn) - oba i wea schon wieda mehr zeit håm, so båld i in meina neichn funzion a bissale fita bin. oda måch i dånn scho wieda wås åndas? wer waß?

sodale. jetzt kummt glab i a regn daher. eh recht, woa eh schon olls so trockn

pfiatenk und hålz die uhrwaschl steif!
da wuhte

Schnecki - da Computa oabeitet mit vaschiedn große Zåhln. Fia Zåhln ohne Kommastölln (Ganze Zahlen) vawendet ma "Integer" Zåhln. Und då gibts a vaschiedane: Short, Long, Double, undsoweita. I håb on ana Stöll "Short" vawendat und de geht lei bis 32767, dånn is aus. Und beim 32768. Einträg håts gspunnan. Jetzt håb i durt auf "Long" umgstöllt und des geht bis iba 2 Milliardn.
Compri?
de.wikipedia.org/wiki/Integer_%28Datentyp%29

håb schon gfundn, den bock! solltat wieda olles gehn!
folls nit, bittschen möldn!
(des kummt davon, dass ihr so vül do einaschreibtz! då håt a intetscha-wert niama getån, der is bei 32767 aus! jetzt gehts bis 2147483647, des reicht a weil!)
WEITA SO!

DÅNKSCHEEN
eich liabn Leit fir die vüln Glickwinsche!!
Bledaweis is gråd heit bei mir wieda mål da volle oabeitsstress ausgebrochn, deswegn håb i mi no nit fria möldn kennan. Oba wås solls, meine Kundn kennan hålt kan ånstånd und nehman ibahaupst ka richsicht auf mein buaztåg. Sauarei, heast!
Oba jetzt muaß i eh zaus und mit'm Hund amål a runde gehn, des braucht da Hund und a da Wuhte. Feian tua i so wie jedes joa, nämlich nix. Näxtes joa måch i vielleicht wås greßares, weil is jå a Runda, oba woascheinlich nit im Jänna sondan 6 Monat späta... weil då is summa, die Sun scheint bis am Åbnd und man kånn Grülln und im Freien tschechan - is jå vüüül gscheita! Då låd i eich noachan eh olle ein... es weat hålt woascheinlich in Wien sein, oba des is jå a nit aus da Wölt!
Pfiateich und noch an schenen Åbnd!
da Wuhte

woa, pfeifale, des schaut oba lecka aus!
måchst ma bittschen an hocka saschimi?
mmmmmmmmmm...

"wenn die KACler besser seind, nåachan solln se aa gwiennen"

ruflo, des sieg i sunst a so,
oba nit beim DARBY!

då is ma wuascht wer gwinnt, oba hauptsåch da VSV!

Sodawassa, die Sosn fias Fodü san featig, jetz geh i mi noch sauba måchn, weil so kånn i nit ins neie Joa ummesiffln...

Eich ålln an guatn Rutsch, passts auf enk auf, seids a amål a bissl brav und vur ållm, bleibts xund - i mecht eich näxte Sülwesta a wieda ålle då håm!

da Wuhte

Olls guate, Frounze!
Kummst dem 40er a imma näha, wås

@Fibile: i kånn a oft nit schlåfn. vur ållm beim autofoan. vielleicht bist dånn muagn am åbnd so miad, dasst schon um 11e pfeiffst... schlecht's teiming, hätt i gsågt :-)
wås treibst denn muagn?

he he, då gehts zua, bist narrisch

wenn des so weitageht, dånn brauch ma fia unsa näxtes treffn des kogresshaus, weil die genottinga niama reichn weat.
serwas martin, schen dasst a wieda då bist! wås laft in xiberg?
wås måchts denn zum jåhreswexl? mir san bei freinde von uns, de håm a buzi und mit dem is am sülwestapad lei hålbso lustig - obwohl mir durthin eh kane 10 ressa bringan tatn, dafia bin i schon z'ålt.
sodala, i geh no a bissale eishockey schaugn.
pfiateich!
da Wuhte

Griaßenkgottollemitanånd!
Jåjå schau, drei neiche Exilantinnan bei uns då herinnan, supa!
Då winsch i eich doch vül Spaß in unsara klanen Famülie!
da Wuhte

Schene Weihnåchtn eich ålln!
Tschuldign, i bin bsi hetzt noch nit dazua kumman, eich a schenes Fest zum winschn, oba des hol i jetzt jå nåch. Gehz eich wol ålln guat, ha? Håbts wås schenes untam Christbam ghåbt? I håb von meina bessaren hölfte 10 Gitarrn-Stundn gschenkt kriagt, damit i båld reich und berühmt wea. Vielleicht kånn i eich näxtes Joa dånn schon mit Stülle Nåcht einhazn!
Eich noch an schenen Christtågåbnd, tuabts ma xund bleibn und, wie da Kaisa imma sågt: a amål a bissl brav!
da Wuhte

sers cooley!
i hob grod den web-server ibasiedlt, deswegn woa a holbe stund sendepause. solltat oba wieda olles lafn - und folls nit, sogts es ma bittschen!

guate nocht!
da Wuhte