|
|
|
| ruflo am 12.02.2012 08:32 (vua 4964 Tåg) |
Bei minus 11 Grad schneibtz. Niet stårk, åba iemmahin. Und da Blaase låsst aan denkn, dass es noch vüüüül költa ies, als wia es Temparameta ånzaagt. Die Stråßn ies schon wieda weiß. Da Wienta zagt uns hålt, wås er kånn. Åba näxte Wochn solls jå scheen långsåm a biessale würmer werdn. Hoffn mir's hålt, dass es wåhr ies.
An guatn Morgen
und an erbaulichn Sunntåg
wientsch i eich.
Es nutzt ållas nix, i muaß mi wårm einwuzzln und auße miet meine vierhaxertn Kumpl. De brauchn des. Und wenn aana sågg "bei dem Weetta jågt man kaan Hund vur die Tier" - der kennt die Sally und den Bello niet. Auf gehts!
Bea - mei Olympus låss i bei dera Költn dahaam, oda i måch mein Annurack auf und tua sie auf mein Wampale wårm håltn. Åba mit Hantsch auf die Händ, oda miet nåckerte gfrurane Fienga is nix lustig zan Fotegrafirn, derwegn låss i's maastns bleibm. Und so riechtig Lust håb i aa kaane niet. Lei schnöll wieda eine in die wårme Stubm ...
|
| ruflo am 11.02.2012 09:51 (vua 4965 Tåg) |
Beale, tua niet z'vül studiern, aanfåch horuck und ruckzuck drauflos, werst sehgn, passt schon. Bis Du di guat auskennst aanfåch auf Automatik gehn, åbdruckn und werst sehgn, die tollstn Büldln kånnst uns wieda zaagn. 11.02.2012 09:57:Seas Irmile. Bei uns ies es saukålt und triab. Waht a eisiga Wiend. Håt in da Fruah sogår a biessale gschniebm, åba hiatzt håtz wieda aufgheart. Bin gråd von da Einkaafstuhr nåch Feistritz hintakummen. Steht jå wieda a Sunntåg bivur und då is die Gefåhr, dass mir vahungern tuamt, wenn i niet einkaafn fåhr, wölten groß.
Und die Runde miet mein "gsölchtn Hund" håb i aa schon absolwiert.
|
| ruflo am 11.02.2012 06:35 (vua 4965 Tåg) |
wås ... kuffee ... mmmmmhm ... bin schon då ...
guatn morgen und an scheenen såmstig!
11.02.2012 06:40:
Und kuhle: "stiahl und tisch fress ma nit, de hom jo kane stölzn lei de vom schwain gsölcht oda grian haupsoch es is wos drauf und guat gebrotn soll sie sein.
von wegn gsöcht: wo isn dei gsölchta hund die sally oda hot da bello sie gfressn? ungsölcht." --- naa die Sally lebt noch und låsst di griaßn. |
| ruflo am 10.02.2012 08:04 (vua 4966 Tåg) |
Jå, Freitåg ies. Wieda a Wochn vurbei. Hoffntliech a båld die Költn. De ies niet gråd es Beste fier so ålte Gibeine wia i se håb. I wårt schon schwar aufs Fruahjåhr, auf Schneerosn (bliahn eh wåhrscheinlich schon auf da Windischn Höh, åba wer werd denn im Schnee ummagråbm), auf Schneeglöcklen und Krokus, auf Tulpm und Narziessnen und vur ållm auf würmere Tåg. Daweil haaßts hålt åbwårtn und Tee trinkn.
Wientsch Eich an guatn Morgen, an scheenen Freitig und a scheens Wochnend.
10.02.2012 08:16:<<<"wos is schrecklich? mast eppa mi? oda die antnen?">>> Es gips hålt niet lei Höhlnfurscha, sundern a noch so a Årt Höhlnmentschn. Då werd ålls gfressn wås vurbeilaaft und wås Fiaß håt. Außa Tiesch und Stüahl. Und iegahl obs kruschplt oda niet - den Krågn åbe muaß es.
I håb åba kaa Ångst niet, dass i aa amål weckgfressn werd, weil wer wüll schon sowås Zaaches aufn Grüllspieß steckn. Außer dem Bauchspeck ies da Rest unvadaulich. Des måg jå nietamål a Niandatåla. Hihi.
|
| ruflo am 08.02.2012 06:40 (vua 4968 Tåg) |
Hallo, Schnecki - då im V-Net siehg i zwår niex, åba da Link funzt prima. An klaassn Fülm håst då gmåcht, schaugt suppa aus.
Wieda håts bei uns a grausliche Költn, i wientsch Eich derwegn an guatn Morgen und an wunderscheenen Tåg
|
| ruflo am 07.02.2012 18:26 (vua 4969 Tåg) |
Ginua fier heit'. Da Petzi raucht schon wia da Kuhle mit gschmugglte Tschick. I hau mi in den Stresslesssessl. Bei mir ies noch ka Bråndwundn drauf und aa kaa Murmelade niet. (Aufm Stresslesssessl)
Wientsch eich an nettn Åbnd und bleibz xund. |
| ruflo am 07.02.2012 15:14 (vua 4969 Tåg) |
Hihi - Muattabrett håt er wieda Ständer - xund schaugt des aus! Falleicht ies des sowås ännlieches wia Vieh ackra. Odaso ... Muatta im Kastl - i wer' hienig ... I zabreesl mi. |
| ruflo am 07.02.2012 15:06 (vua 4969 Tåg) |
Dånkscheen Herr Wölltmaasta fier die Aufklehrung. Hiazt waaß i Bischeid.
Lei - 1200x1200 Punkte (des seind jå 1 440 000) ... fier wås denn so vül, ha? Tststs - aan hienta jedm Såtz, des reicht jå. Und gachamål a Frågezeichn und a Ruafzeichn warat niet schlecht.
Wennst, wia i, öfters a Büldl ausdruckest, ies nåch meina Meinung a Tintnsprietza nix schlechta wia a Läsadrucka. Bei Deine Pieroårbeitn und fier den Äppl ies natierlieh a settenes tajares Stieck schon a Muaß. Gwallität muaß ebn sein, kost's wås es wüll.
Und friesche Patrohnen - wås wüllst denn damit, ha? wüllst uns daschiaßn?
|
| ruflo am 07.02.2012 11:57 (vua 4969 Tåg) |
Jå ies schlecht, wenn man in da Ehe wohl a Büld håt, åba kaan Ton  Und mei Mietzale håt ållerhånd, åba kaa Muattabrett. Oda Muattaschtellasch oda wås des ies.
Valleicht ies des dås, wås ållaweil kruschplt, wenn's Lenale kochn tuat. ??? Oda könnet a Holz vur da Hiettn seihn, wenns a Brett ies.
Des låssn eh vül Diandlen hiatzt austauschn, weil's bei seinen niet aus Holz ies, sundern aus an kfährliechn Süllükohn. Brauchntze åba nåachan an neichn Etui-puhr-le-tütt, weil da ålte niamma passn tuat.
|
| ruflo am 06.02.2012 09:31 (vua 4970 Tåg) |
Jå wånn Irmile, des waaß i niet, då muaßt schon unsern Eggsbärtn fier ålles frågn, den Wöltmaasta Kuhlattnig. 06.02.2012 09:36:I wår hiatzt bei unserm 8 km entferntn "Nåhvasurga" in Feistritz einkaafn, damiet dass mir niet verhungern tuam und då ies es noch költara wia bei uns aufm Berg herobm. Und schneibm tuats niet lei bei uns, sundern aa im Drautål, und des bei dera Költn. |
|
|
|
|
