Jåjå, dås Rating ... åba die Bea håt schon recht, maan i, des ies niex wia a kåltes Måchtgeschiabach. Iergendwia håmtze då die Ami-Böck zua Gärtnern gmåcht. Oda bessa xågg, håt siech "Gods own country" wieda amål sölba als Riechter ieber åndare Stååtn auserkoren. Könnet man aa sågn "Wer sölba im Glåshaus sietzt, solltet niet miet Staana schmeißn". Åba die höxtvaschuldetn Amis tuan siech jå leicht. Miet an neichn Kriag (ies hiatzt da Iran drån??? Oda gheart då noch wer ånders zur "Achse des Bösen"???) werd die ohnehin milliardnschwaare Wåffn- und Kriagsmaschinarie mit Milliardn und Milliardn ångekurblt, und schon laaft die Wiertschåft wieda rund. Miaßat man den Herrn Gråfn M.-P. frågn, gegn wen Ösireich an Kriag fiehrn und die Teirofaita einsetzn können taatet, damiet dass unsa Vatrauenswürdigkeit wieda auf Trippl-ÄÄÄ steign tuan taatet...
Jå, hiatzt fiendet also die tägliche Kruschplarei in Abano Terme stått. Tua di lei guat erholn, Andale, und dazähl uns hålt, wenns d' hientakummst, wås fier aane kruschpelige Kruschpeleien du durt untn gekruschplt håst.
An guatn Morgen
und an wundascheenen Sunntåg
wientsch i eich
und bei uns werd heit beim Ebnerwirt a Wüldbretschmaus gekruschplt.
