|
|
|
| ruflo am 04.01.2012 11:04 (vua 5003 Tåg) |
Kuhle, bist du da Schårfriechta? Schuljotiehn? Gnådnschuss? Alektrischa Stuhl? Pfui Teixl, hearst. Mir håmma schon aanige Huntalan und Katzlen auf senern letztn Weg bigleitet, håmma sie einghåltn bis dass se ieba die Regnbognbruckn drieba marschiert seind, åba hingrichtet håmma noch nietamål a Maus. Sogår de håmma in aana Giettafålle eingfången, ause getrågn in Gårtn und wenn sie båld wieda in da Kuchl wår, håmma des hålt wiedaholt. |
| ruflo am 04.01.2012 06:55 (vua 5003 Tåg) |
Jå heee, Pfeiferle ... spiennst - mienus zwanzg Gräder --- tststs, då muaßt di åba fest in dein Gulta einwickln! I wientsch dir a gemiatliche wårme Nåcht und siaße Träume (von Kaasnudln, Hochosterwitz, Genottehöhe, Sanktfeita Wiesnmårkt, ...) und deina liabm Erika aa.
Jå åba Herr Wöltmaasta, wo seimma denn ha? Kåtz hinrichtn, naa sowås hearst!
Hallo Melanie!
Scheen, dass d' uns gfundn håst. Und mir hoffn, dass du aa bei uns bleibst und uns a biessale wås dazählst. Mir gfrein uns!
An guatn Morgen und an scheenen viertn Jänna wientsch i Eich ålln!
|
| ruflo am 03.01.2012 06:54 (vua 5004 Tåg) |
Maaa, Schnecki, ies des liab von eich, wia des schauggs auf uns... wenn mir eich niet hättetn... tuamma sozusågn bei eich schmarotzen... Beim 3-SAT seimma jå wohl mir aa a biessale biteiligt.
Seas Pfeiferle. ZDF, ARD und so weita - des seind Sender de mir per Satellit mit unsre Schiessln aus da Lufft fången tuamt und de oft ginua dem ORF zaagn, wia man's richtig måcht.
An guatn Morgen und an scheenen Tåg wientsch i Eich ålln. Weettamäßig ies es jå niet so scheen, derzeit regnts und wåhrscheinlich werds båld schneibm.
|
| ruflo am 02.01.2012 10:34 (vua 5005 Tåg) |
i wår hiatzt auf da reibeisen-bank mei göld holn, damiet dass i murgn aa noch wås håb.
åba warum haaßt de åbgikierzt "Räuba"???
@kuhle: jå und? tuat sie doch ållaweil. zumiendestns oba die wolknen.
tua lei a biessale wårtn, werst sehgn, gach wertz kruschpln.
|
| ruflo am 02.01.2012 10:00 (vua 5005 Tåg) |
dånkscheen frounz, samma aana meinung.
und niet lei sky - aa die åndern guatn programme, de's gottzeidånk gibt (gratis): arte, ZDF neo, ZDF Info, 3-Sat, ARD eins extra, ARD eins plus, Eins Festival, DMAX, Servus-TV, die drittn programme von da ARD, info-senda wia z.b. N24 und so weita, und natierlich die SKY-programme. fier de man wohl zåhln muaß, åba von de man wenigstns eppes håt.
åba gschmäcka und waatschn sein hålt vaschiedn.
|
| ruflo am 02.01.2012 07:54 (vua 5005 Tåg) |
jåjå schnecki, håst schon recht.
also: tschuligunk ORFerl. wer' i niamma tuan. wår går niet scheen von mir.- wo du doch die gleichn serien bringst wia die priwatn, die gleichn åbgståndenen fülme wia die priwatn, lei ohne åbspånn hålt (weil fier den bleibt kaa zeit, wenn man werbn miassn tuat) - åba ies eh bessa so, dawert da fülm wenigstns niet so lång,
- wo du uns eh soooo guat imfurmiern tuast vurållm im ORF 1 miet pieppiepgåggåg (haaßt "zibfläsch"),
- wo deine weetta-schous in ORF zwaa a ächte schou sein tuamt, bsunders mit der frau wo riechitgaweise "kummer" haaßt, undsoweita undsoweita.
du måchst eh ållas ginau so, wia die werbefünanziertn priwatsenda. und aan eigenen spurtsenda håst uns aa beschert. es wichtigste vom spurt is wohl noch ållaweil im ORF hauptprogramm. åba "ORF suppasport" - oda wia des haaßt, - bedient "die sportlichn råndgruppmen" und beriechtet hålt ieber sowås, wås kaum aan intarissiert: schlatzkugelescheibm, tischfuaßbåll-pfitschigågerln und tåschnbiellard und sowås. also ächte und wiechtige imfurmatziohn.
nochamål: tschulige ORF. wo du uns so suppa imfurmirn tuast miet der tolln werbunk bies weit in die nåcht eine. årmes zet-de-eff, årme a-er-de, de hearn mit so aana imfurmatziohn schon um åchte auf d' nåcht auf.
då hättet i lei fråge: warum miaßn mir fier di zåhln, wo du uns eh den gleichn schaaß vursetzn tuast wia die priwatn?
an recht an guatn und xundn morgen wientsch i eich und an nettn, ånginehmen tåg!
02.01.2012 08:16:beißerle - gfrei mi mit dir und tua di guat erholn!
irmile - jå, ålltåg ... i wientsch dir an bsunders scheenen! |
| ruflo am 01.01.2012 10:34 (vua 5006 Tåg) |
kuhle, wia man sågg ies wurscht, hauptsåch es schmeckt.
irmile - naa, brummschädl håb i kaan, åba a wuht im bauch, dass es ierger niamma geht. es neiche jåhr fångt also schon guat ån. i gifft mi sowås von iebern ORF, dass i des går niet sågn kånn. a sauarei, a bodnlose frechheit wås de siech alaubm tuamt. im aansaprogramm "wir sind kaiser" - nåch zehn minutn aus und schon wieda gips werbung. (nåch fuffzg oda mehr werbefülmlen seit viertlåchte)
werbung, werbung, werbung, ... und des am sülwesta-åbnd. sex- oda siebmmål des gleiche zåhnbierschtl- oda ixlutz-tiata. in an programm, fier des mir zåhln derfn - und går niet schmål. und wås dem fassl den bodn iens gsicht driescht: knåpp vur miettanåcht der fülm "dinner for one" und safurt drauf die "neiche" wersiohn von dem tolln fülm als werbunk fier ixixixlutz. wenn des lei iergendwia gehn taatet, sich von dem scheiß-(tschuligunk!)-ORF åbmöldn --- åba geht jå niet. de raubrietta wolln senare beute, sunst kriagst es miet da justizia zum tuan.
fier wås i mi aufreg waaß i niet, weil es werd eh niet beessa. im gegntum. die ORF-gebührn steign und die werbezeit werd aa noch a-u-s-g-e-d-e-h-n-t.
|
| ruflo am 01.01.2012 04:39 (vua 5006 Tåg) |
jåjå, da ruflo ies schon dådedå und wientscht eich ålln ållas, wås man zum najen jåhr hålt so wientscht. Und ålle enkare wientsche solln in erfüllung gehn. |
| ruflo am 31.12.2011 07:30 (vua 5007 Tåg) |
an guatn morgen und an scheenen letztn tåg im jåhr wientsch i eich. tuabbes lei scheen fajern und guat ins neiche jåhr eine rutschn,
åba schon aa a biessale aufpassn,
dass des niet ins schleidern kummtz
|
| ruflo am 31.12.2011 00:13 (vua 5007 Tåg) |
AHA - werrnberg is samoa. då håmtze aanfåch aan tåg ausm kulenda gstriechn. weil murgn, dås haaßt seit zehn minutn "heit" ies erst da 31. dizemba und noch kaa neichs jåhr.
und weil hiatzt gråd da letzte tåg im jåhr ångfången håt - kuhle, waaßt eh, der haaßt sülwesta odaso - gratulier i hiatzt unserm frounze gånz herzlich:
Zum Geburtståg liaba Frounz
unsre herzlichstn Glückwünsche,
ållas Guate,
xund bleibm und
an gånzn Haufn
wundascheene Tåg im neichn Lebensjåhr!
|
| ruflo am 30.12.2011 11:22 (vua 5008 Tåg) |
naaa. i bin rudolf the rednosed renntier.
åba mummentahn ies mei nåsn weiß, weil i håb sie mit niwoh (des ies a hautgrehm!) dieck eingschmiert. tuat guat und dem mietzale gfålltz, de tuat siech ållaweil zakuhgln, wenn sie mi ånschagt.
und kuhle, von wegn wundascheena tåg: du biest a ålta bösimist. oda haaßt des besimist? a biessale "ob die miss muss" tuat niet schådn und aa niet weh.
|
| ruflo am 30.12.2011 09:03 (vua 5008 Tåg) |
mmmmmhm - szegediner mit semmelnkneedeln - des warat wås fier mein buam sein våta ...
a biessale håb i mi - nåch 10 stundn schlåf - wieda aufdarapplt. schnupfm und huastn seind noch då, åba es fiaba ies weck. werd schon wieda. i såg jå ållaweil "ungraut vageht niet!"
an guatn morgen und an wunderscheenen tåg wientsch i eich. und bleibz xund, miaßtz mir jå niet ållas nåchmåchn. odawia. |
|
|
|
|
