|
|
|
| ruflo am 01.12.2011 07:22 (vua 5038 Tåg) |
jå beißerle, ies völlig feenohmähnal wås siech då im briaftaschle tuat. kaum ies a biessale wås drienn, ies schon wieda furt. niggeloh und christkindle ... ob de eppa klauen tuamt? |
| ruflo am 01.12.2011 06:32 (vua 5038 Tåg) |
an guatn morgen und an guatn start in den letztn monat vom jåhr wientsch i eich.
bei uns is es wieda scheen, so wia schon seit wochn. i maan, i brauch ihn jå niet und mir ies liaba ohne, åba a biessale schnee könnet hiatzt schon kummen. die kinda wårtn schon so schwaar drauf und die schifåhra aa. nåjå - vielleicht werd die frau holle jå doch gaxt ihre gultern und polstern ausschiettln. odawia.
martin, scheen dass d' wieda amål einagschaugt håst. |
| ruflo am 30.11.2011 06:55 (vua 5039 Tåg) |
hallo beißerle - mir håbm aa a eingespartes krånknhaus dådedå bei uns, es klinikum klafu. då werd aa gspårt auf teixlkummausa und die årbeitzbidingungen fier die ärzte, schwestern und es pflegepersonal werdn ållweil schwieriga. ob des eppa die patziäntnen aa merkn werdn???
und dås liabe klaane gschöpfle miet dem pölzmantale und dem unwidastehliechn blieck is a junga tschiwawah, der gheart an besuch, der gestern bei uns wår. håb i glei miassn a büldle måchn. ies also niet, wia da kuhle maant, a kukkurentz fier die sally.
an guatn morgen und an scheenen letztn nuvembatåg wientsch i eich! |
| ruflo am 29.11.2011 10:07 (vua 5040 Tåg) |
<<<"mah is bei eich a so obagongen heite nocht? i hob gmant di sündflut is wieda do so wia domolswists eh wos i man.">>>
ha? wia? in da nåcht ies es åbagången? jå wås denn nåachan? bei uns is niex åbagången, kaa tröpfle. håst feichte traam ghåbt kuhle? oda eppa går ins bett gludlt? |
| ruflo am 27.11.2011 09:25 (vua 5042 Tåg) |
an guatn morgen und an wunderscheenen sunnign erstn apfentsunntåg eich ålln!
naa, i håb niet vaschlåfn, i wår schon in ålla fruah miet unsre huntalan untawex. sunne låcht, kålt ies es aa niamma so wia ån den vagångenen tågn. i maan, es weetta werd siech scheen långsåm ändern und werd nix dauern, håmma schnee. oda aa niet.
pfeiferle - mir håbm amål an schäferhund ghåbt der wår völlig taub und bliend wår er aa, åba er wår derwegn ållaweil lustig und fidel. da tierårzt håt xågg, solång dass sei nåsn riechtig funzt, ies er a vollwertiga hund.
niet vageessn, heit es erste kierzle ånziendn!!!
maa fibile, wia du fleißig biest!
i håb mir den AgFe daspårt und håb guat gschlåfn.
|
| ruflo am 25.11.2011 18:04 (vua 5044 Tåg) |
andale sei froh, dass d' z'feig wårst. könntest hiatzt kaane rieppalan mehr habern. seind goottzeidånk massnhåft leitln, de fier sowås z'feig seind. i könnet aa schon lång niamma auf da windischn kuhtelletz vatülgn.
fibile, tuat mir so laad, dass es dir nix guat gången ies. und ies hiatzt wohl wieda beessa?
schaug lei scheen auf di, mir brauchen di!
jå, des mit dem großn schwårzn vogl is a drama. menschliche tragödie kånn man aa sågn. åba wia i schon gestern xågg håb: kaa mentsch ies a schachtale, dås man aufklåppm und eineschaug kånn. "wie's da drinnen aussieht, geht keinen was an". und oft ginua können aa de, de "ållas" erklärn können, die psychiata, sowås niet verhindern. oft ginua fåhrn sie sölba den kårrn aufn holzweg. und dabei denk i niet amål lei allaan auf den dokta wurscht. "die seele ist ein weites land..." wennst dir die liadatexte vom l.h. ånschaugst, kummt dir die vamutung, dass siehalieh nit lei sei krånkheit allan schuld wår ån dem, wås då gschehgn ies.
gnua miet dem obagscheitn gschwafl - i wientsch eich an nettn åbnd und späta a guats nachtle. |
| ruflo am 25.11.2011 09:21 (vua 5044 Tåg) |
siehgstes, gehtawieda. v.net wår scheintot, hiatzt ies er wieda lebendig. wientsch eich an guatn morgen und an tåg, der so sunnig ies wia bei uns. |
| ruflo am 24.11.2011 16:43 (vua 5045 Tåg) |
@beißerle: i bin a olympus-fan und bleib a dabei, åba wenn die fråge lautet nikon oda canon, taatet i schon sågn nikon. ob i då wohl recht håb?
@ludwig hirsch: mir tuats aa laad, åba wås wüllst måchn. so geht aana nåch'm åndern. kånnst hålt kaan aufmåchn wia a schachtale und in sei hiernkastl einschaugn. des kånn meistns niet amål a psychiata. seine tiaftraurign liada wårn fier mi schon seit långem a hinweis auf seine tiaftraurign gedånkn. a luftikus tuat siech då leicht, a tiafsinniga und depressiva mensch leidet ån sein wöltschmerz und geht oft drån z'grund. oda lieg i då fålsch und er håt ån aana schweren krånkheit gliettn? auf ålle Fälle RIP ludwig.
|
| ruflo am 24.11.2011 07:29 (vua 5045 Tåg) |
valleicht ies dei kåtale a mutant und werd scheen långsåm a hiendle werdn. muasst hålt aufpassn: sobåld du siehgst, dass er ånfångt es haxle aufhebm, werds kfährliech ...
;-)
|
| ruflo am 24.11.2011 07:00 (vua 5045 Tåg) |
an wunderscheenen guatn morgen und an scheenen tåg wientsch i eich. und den kuhle werds frajen: endlich ies a bei uns a biessale hochnebl. åba die sunne kummt bestiemmt. sie bleanggatzt sugår schon a biessale iebern åltnberg her.
kuhle, da berg in da miettn ies da rosnnock und niet da mirnock. da mirnock ies am rechtn büldrånd und die zunderwänd seind rechts nebm dem rosennock. schaug dir am bestn es büldl auf flickr ån, då håb i die berg fier di beschriftet.
|
| ruflo am 23.11.2011 17:31 (vua 5046 Tåg) |
dånkscheen beißerle, fier dei gritiek. bin hålt so a ålta sudheefn, und aus seina haut kånn kaana niet ausa.
deine büldn auf fatschepuck seind wia iemma a schou. aans beessa wia es åndare.
@kuhle: jå, der berg rechts ies da mirnock und in da miettn des ies da rosennock.
@irmile: du biest a schåtz! ies aanfåch scheen, dass mir di und du uns gfundn håbm.
@fibile - antn numma aans: i hoff, es geht dir guat und mir gfrein uns, dass du in da zweitn antn a guate freindin gfundn håst. quaaak!
@chrischtele: vagiess lei nit vur lauta putzn und saubamåchn auf's villacher.net, du ghearst zu unsara ståmmmånnschåft!
@schnecki: dånkscheen fier deine vüln scheenen bülda und dånkscheen fier dei freindschåft zu uns villachernettlern.
@pfeiferle: wohnst weit weit weg von uns, auf da åndern seitn vom großn teich, åba in unsre gidånkn biest uns iemma nåh. liabe griaß nåch kanadium, natierlich aa ån dei erika!
und nåchdem i hiatzt ginua bauchgepienslt håb, såg i pfiateich fier heit und wientsch eich an scheenen åbnd. |
|
|
|
|
