|
|
|
| ruflo am 17.10.2011 16:22 (vua 5084 Tåg) |
wås, da schädl brummt? i kenn den spruch a biessale ånders, mehr miet'm zweitn gsiecht und so. und heuraten nutzt då aa niex, eha "fahren lassen". aa bärocksied und hüppamangan hölfn wenig. fibile, i mann da kuhle ies wohl aa wöltmaastavon gottes gnådn, åba als dockta taatet i mir an åndern suachn. mei mitgefühl håst jednfålls. |
| ruflo am 17.10.2011 07:43 (vua 5084 Tåg) |
hallihallo - seas irmi - gehtzdawohlguat? scheens weetta håmma: wolknlos, -1°. åba åb mitte woche solls wieda schiach werdn. glaab i niet, i glaab lei des wås i wüll. aufhåltn låsst sich de kålte und unfreindliche zeit eh niet. am mittwoch kriag i meine wientareifn aufegschrauft. bleedsinn - mei aute natierlich. i brauch kaane reifn niet, i håb eh meine zwaa meda lillien.
an guatn morgen an scheenen montåg und a erfreuliche neiche wochn wientsch i eich! |
| ruflo am 16.10.2011 22:04 (vua 5085 Tåg) |
uiiii - hiatzt hån i zwaa - i waaß lei niet wohienhenkn. falleicht baade ieberanånd aufn bauch - der ies jå groß ginua.
dånkscheen, dånkscheen, danke! ihr seibbes soooo liab zu mir.
und sifi - keine åhnung wås då los ies. åba lei niet die giduld valiern, werd schon gaxt beessa werdn. oda aa niet. åba die hoffnung stierbt z'letzt.
16.10.2011 22:05:
kuhle: gips kånn åba aa gånz åndrieg ausschaugn. erinnerst di ån mein plutzer?
so, i geh in die haja und såg guatnåcht.
"da toad" (tatort) wår heite wieda amål sowås von durchsiechtig. i, wånn i kumissehr waarat ... nåjå - låssn mir des. ies schon spåt und mir fålln schon die guggilen zua. pfiateich.
|
| ruflo am 16.10.2011 16:41 (vua 5085 Tåg) |
kuhle, du ålta höllnfurscha, håst des hiatzt gsehgn im programm ARTE "Naica - die Höhle der Riesenkristalle". des wår echt aufregend. bis zu 13 m långe riesnkristalle (kalziumsulfat, gips) in da "Cueva de los Cristallos" in Naica in Mexico. muaßt da unbedingt eineziahgn, wenn des amål wiedaholt werd.
terfst niet lei ållaweil fressn, fressn, fressn, muaßt a gaxtamål es brugramm fier dein flåchbüldschierm vurm riläcks-sessl studiern...
|
| ruflo am 16.10.2011 10:47 (vua 5085 Tåg) |
irmile dånkdascheen. i wer' sie ausschneidn vom büldschierm und umahenkn, wenn mir heit zu unserm sunntågsvagniegn fåhrn: essn auf da windischn und mir werdn fier di a purtziohn kaasnudln mietbestölln.
herrliches hierbestweetta håmma - ka wölkle am hiemml, åba derzeit kaum null gräder. untn im drautål huckt noch die neblsuppm - åba mir in tausnd metta seehöhe seimma hålt doch a biessale "drieber".
|
| ruflo am 16.10.2011 08:10 (vua 5085 Tåg) |
an guatn morgen, an scheenen sunntåg und griaßeich die madln (bussale),
seas die buam!
åba hiatzt kriag i die sülbane tåpfakeitzmidailje: i håb gestern (mit mein mietzale) den florian kupfablech im tefau bies zum schluss ångschaugt. bis zum schluss!!! und hiatztn wer' i schaugn, dass i iergendawo gienstig fuffzig alektroherde kriag. de stell i in aana reih' auf, schålt sie ein und renn ieber die gliehendhaaßn plåttn drieber. damiet dass i aa ins ginnespuck der reckorde eine kumm und außerdem kriag i nåachan die guldene tåpfakeitzmidailje aa noch. die kelag werd mier dafier wohl a påår killowattlen atomstrohm zur vafiegung stölln.
maiine dahmen und härren ... a so a schwåchsienn, hearst ... des ies jå schon krånk ... und miet aan einråd über aufgstöllte flåschn fåhrn ... de wiessn wohl aa niamma, mit wås fier an fienga in wås fier a loch ... wettndas is a schaaß dagegn. und in sex wochn kummt der alluminijummessing schon wieda daher. wer' i hålt wieda zuaschaugn. wås tuat man niet ållas aus liehbe.
und es näxte mål ies eh die apfentsendung, då wertz schon niet so schliemm werdn. hunderttausend kerzilein und sternsprietzerlen und weihnåchtsmanndi mit rauschebärtlen aus watta, klingelingeling und lullehaja, engilein mit silberhåår, de auf an strieck aufghenkt durch die lüffte flåttern, kunstschneevaschniebene biehnenlåndschåft mit weinnachts-baumilein undsoweita. und miettndrin da flo mit seine sterndlen des schlåger- und folgsmusikhiemmels.
|
| ruflo am 15.10.2011 16:06 (vua 5086 Tåg) |
naa, bea unsa enkale fåhrt miet als bitreuerin (therapeutin, oda wia da kuhle sågg "domina") fier die spurtla. waaßt eh, wenn aana wås bei seine muckseln håt, aan kråmpf odaso, ... sölba tretn braucht se niet mietm mauntänpaik. die begleita huckn schon in an aute. seind jå 1200 årge killomehta ieba stock und staan aufe bies nåch cooktown. |
| ruflo am 15.10.2011 11:19 (vua 5086 Tåg) |
jåjå, pao lee, die ieblihen vadächtign seind dådedå. und fier uns gültet aa die unschuldigkeitzvamuhtigung. scheene griaß !
unsa diandle ies guat in australia glåndet, schon von sydney nåch cairns weitagflogn und raaft durtn mit die plåppageier, kookaburras, kennguruhs und koalahs umanånda. krokodeil maan i håt sie noch kaans niet gsehgn odawia. und von 18. bies 27. dauert der "ernst des lebens" ( www.crocodile-trophy.com/index.html ). nåachan gehts noch bis mitte dezemba per karawann kreiz und kwehr durch daunanda. werd siehalieh wundascheen und a neicha lebnsåbschniett. ålls guate kathele, wenn du des in iergend aan intanetzkuffee lesn tuast. |
| ruflo am 14.10.2011 16:58 (vua 5087 Tåg) |
****************************
fiers fibile: es pfeiferle aus kanada håt mi gånz vazweiflt ångruafn und mi gebetn, dir herzlich zum geburtztåg zan gratuliern. sei pc ies noch niet so weit, dass er dås persönlich måchn kånn. also: i bin i sei postillon d'amour und wientsch dir in sein nåmen und im nåmen von da erika ålles guate zum geburtståg!***************************************************************** |
| ruflo am 14.10.2011 12:50 (vua 5087 Tåg) |
pass auf, dass d' niet deine kuntacktliensn mietiessest, sunst kånnst von dem, wås åndare då heriennen schreibm gaxt går nix mehr lesn und vastehn. ;-))) |
| ruflo am 14.10.2011 10:28 (vua 5087 Tåg) |
14.10.2011 10:31:ålln åndern an guatn morgen und an scheenen freitåg.
bin heit' a biessale späta drån, weil i z'erscht einkaafn fåhrn håb miassn und aufm friedhof nåchm rechtn schaugn. (damiet ållas in urdnung ies, wenn i kumm... ;-)))
|
| ruflo am 13.10.2011 15:41 (vua 5088 Tåg) |
in goottznåm - stienkafiaß, kaasinga, gummistiefl und duffteggsblosiohn, wååssastoffbärocksied und hüpperkallimangahn (z'erscht die kaasa drien bådn und nåachan damit gurgln ...) - naa biettscheen hearst, herr dockta wöltmaasta - då bleib i schon liaba bei da natuhrmädizihn als wia bei dem rackettntreibstoff und der grausliechn roatn brühe. då kånnst jå glei die kaaskwargln in såzsäure steckn - de stienkn a ewigkeit niamma.
hetschepetsch und schlehdorn und åndriges zeigs, wås die natuhr uns schenkt. und wenns sein muaß eppes, wås mir mei hausårzt vaschreibm tuat, jå.
www.flickr.com/photos/dueller
farm7.static.flickr.com/6118/6239814441_5cf632bf62_b.jpg |
|
|
|
|
