|
|
|
| ruflo am 13.10.2011 06:56 (vua 5088 Tåg) |
jåjå, die semperits.... i kenn sie wohl noch. und fier die diandlen håts aa wås g'gebm, då håmtze xågg "was die natur nicht gibt, gibt semperit". åba des håmtze glaab i niet auf die fiaß ångizogn.
an guatn morgen und an scheenen tåg eich ålln! i bien jå niet die kriestakummer oder der wadlsåck vom URF - åba i maan, es werd a heitara tåg werdn. seind fåst kaane wölklen am hiemml. |
| ruflo am 12.10.2011 17:17 (vua 5089 Tåg) |
då düftlt wås. åba niet von da kuchl eina - i maan des ziacht von wernberg aufa und seind in kuhle seine semperits ... oda de kennguruhs, wås er schon jåhrelång håbm tuat. oda seins falleicht die gummistiefl?
|
| ruflo am 12.10.2011 10:51 (vua 5089 Tåg) |
fibile - jå wenn man des wiessn taatet ... åba aans ies sieha: wenn wås gschiecht, da bank siehalieh niet, sundern die bleedn seind iemma mir. åba bis hundattausnd teiro håftet jå da stååt fier die spåreinlågn. lei - wer iesn des, da stååt? ies also "ghupft wia gsprungen". schaug lei (wennst es göld åbhebst) dass du an haufn pupir und niet hårtgöld kriagst, weil des taatet unterm kopfmpolsta schon schiach druckn, des vüle blech.
liab biest auf da bea ihre büldln...
jå, von australien håb i aa ållaweil gitraamt, åba weita als wia bies chiang-mai und zum mekong håb i's niet gschåfft. und hiatzt ies es z'spåt. zwaa, drei stund im fliega ies es macksimum fier mi, mehr geht niamma. unsa diandle werd falleicht schon in cairns umaspazirn.
auf an telefont bin i wohl schon durchn uhrwåld g'riettn, lei liaba warat i hålt in an kennguruh sein beitelen durch die gegend ghopplt. åba ålls kånn man hålt aa niet håbm.
kuhle - wås dees ållaweil fier a witziges weetta håbbes in wernberg. bei uns ies es lei mehr triab und von da sunne können mir lei traamen. falleicht kriagn mir aa a biessale wäs åb. åba ies eh wurscht - hauptsåch bei eich låcht se vom hiemml. seimma niex neidig und vagunnen eich aa wås. oda siehgst die sunne eppa lei zwengsn krieppe-fiaba? auf ålle fälle: guate bessarunk, du årma heita.
|
| ruflo am 12.10.2011 06:28 (vua 5089 Tåg) |
seas pfeiferle, schlåf guat und traam wås scheens!
=========================================================
nå bravo - des ies a gschicht: 800 millionen valust bei da ...-bank, nåchdem sie erst vur kurzm a milliardnhülfe vom stååt (von uns) kassiert håbm. då werdn siech gråd noch aanige müllionen erfolgsprämie fiern vurstånd ausgehn. odawia. åndraseitz håb i mir vurgnummen, dass i då heriennen niamma ummameckern wüll: also ruflo håltz maul. wientsch gscheita ålln, de då noch eina schaugn
an guatn morgen und an nettn mittwoch! |
| ruflo am 11.10.2011 08:04 (vua 5090 Tåg) |
dir aa irmi, an wunderscheenen tåg und an intarisantn ausflug.
ålln då hariennen an guatn morgen
und an erfreulichen tåg.
unsa enkale fliagt heit' fier zwaa monat nåch australien. z'erscht als physiotherapeutische betreuerin bei da "crocodile trophy" und ånschliaßend als rucksåcktouristin kreuz und quer durch downunder bis nåch tasmanien. mir hoffn, dass es ihr guat geht und sie xunda wieda hienta kummt. guate reise, diandle und schaug auf di! schutzengale ies aufm weg und werd di bigleitn. |
| ruflo am 10.10.2011 16:28 (vua 5091 Tåg) |
nåjå -von wegn wårm - es håt 7,2°. und die sunne scheint.
@Fibile, tuat mir laad, dass dei aufruaf niet mehr erfolg ghåbt håt, åba du håst schon recht: die leitln seind großnteils ignorantn.
i håb mir aa vurgnummen, dass i då nix mehr einaschreib, wås mir auf da sööl druckt und mi bilåstet. außer uns påår eifrige villachernettler, de då mehr oda weniga reglmäßig wås eina schreibm - wen intarissirt des schon? und man kånn jå aa von kierchtågssuppm, schweinsbraatl und rieppelen guat läben.
"za wås soll des guat sein?". da ehemålige bundeskånzler håt in dem fåll recht ghåbt, wenn er xågg håt "hände falten - goschen halten!". man kånn aa sågn: "wia gott wüll, i hålt stüll"
ignoranz, duckmausertum, radlfåhramentalität (nåch obm duckn und nåch untn tretn) und vawåndte gesinnungen seind bei uns leida weit vabreitet. "wås geht des mi ån. de då obm wern's (sich) schon riechtn" und dass de des ålles so guat können, de då drobm, siehgt man jå hiatzt bei de unschuldsvamuhtetn skandale.
i bin sowås von ångfressn, dass i dir des går niet sågn kånn. i maan, a treffendes sprichwurt is då aa "lei die dümmstn kälber wähln ihre schlåchter selber!"
also scheen brav sein und maul håltn. es nutzt eh åls nix:
"ihr da OHM macht WATT ihr VOLT!" haaßt da ilektrikaspruch bei unsre nördlichn nåchbårn, denen gehtz ånscheinend gleich wia uns. und kaana regt siech auf. und kaana håt a kurasche und haut aufn tiesch. tuat jå lei weh da eigenen faust, wenn ma fest ginua zuadriescht. und den tiesch schert des an dreck. "wås kümmert's die eiche, wenn a hund zuawebrunzt?"
|
| ruflo am 10.10.2011 07:46 (vua 5091 Tåg) |
schneibm tuatz und kålt ies es. måcht niex:
hab sonne im herzen
und pizza im bauch
denn dann bist du glücklich
und satt bist du auch!
wientsch eich an guatn morgen und an erfreulichen 10. oktoba.========================================================== pfeiferle - des ies maan i so a wissns-kwizz. und dass er ållaweil gwiennt, då ies er sölba schuld da kuhle, warum ies er denn so gscheit.
|
| ruflo am 09.10.2011 07:48 (vua 5092 Tåg) |
null grad, åba wenigstns wolknlos ies es, also passst schon. muaß man siech hålt a biessale würmer ånziahgn. zum beischpül a långe untagaatte odaso. und a tschudlhaubm und fiengahantsch. aan lämpatscheck drieber und nåachan geht schon dahien auf die hunderunde. und dahaam laaft eh die håckschnietzlfernhaazung gånz prächtig. ies gimiatlich in ålle ziemma. und in da kuchl aa. sugår aufm häusl ies es so scheen wårm, dass de hümörrhüden niet jammern brauchn.
i hoff, eich gehtz aa so guat und i wientsch eich an guatn morgen und an scheenen sunntåg.
__________________________________________________________
www.flickr.com/photos/dueller
farm7.static.flickr.com/6232/6225203963_4521db3c25_b.jpg
|
| ruflo am 08.10.2011 06:16 (vua 5093 Tåg) |
seas pfeiferle! schlåf guat.
seas eiropa - an guatn morgen und an scheenen såmståg!
kuhle - i bin froh, dass i kaane niernspieß niet håb. a påår staana reichn aa schon. |
|
|
|
|
