kaa wunda, dass dei haazung laaft. håmma jå vur kurzm aa iewehnt ghåbt (schon wieda aans), des håt ghaaßn "kärnten läuft". und nåch da fett plantsch håtz die fett pink gebm am wertasee. Bis då alle fårtbm vom regnbogn und noch åndare mehr durchgeåckert sein (hihi: åckern, gåckern, speck-, honig-, erdäpfl- röstkartoffl-, riennfleisch-, suppmheanda-, reindling-, kaasnudl-, sallamifest und wås waaß i wås noch), bis de durch sein, kummt jå harrlie-däwiedsohn miet zähntausend maturradln, und gummigummi und podiepänting wår aa schon.
und bei de -zig vaånståltungen, wo i mi hiatzt niamma drauf ariennern kånn, oda de wo i drauf vageesn håb, möchet i mi höffliechst intschulign.
vurlauta gultuhr und fressarei håb i jå nietamål aufn carinthischn sommer gidenkt - und des ies schåd, weil der ies wohl am maastn wert, dass man drån teilnehmen tuat. då bei uns gehtz zua wia bei die åltn rehma: panem et circenses.
lei miet panem schauggs niet so guat aus, weil des broat ies schon soo taja, dass siech aa mehrkind-durchschniettz-familje des kaum mehr leistn kånn. und die maastn fästiwitättnen seind eh lei fier die bussi-bussi-brummi-gsöllschåft, de wo in die orf-seitnbliecke dahaam sein tuamt. und so håt gånz eestareich es gånze jåhr a äugl gschmiessn auf kärntn. jå. bien neigierig, ob dei haazung aa in die seitnblicke kummt?
