sodala: einkaafn in feistritz - alädikt, hunderunde - alädikt. und wås gips sunst neichs im scheuchtum kärnten? eigntliech niex. de ieblichn vadächtign seind ållaweil noch då.
lei am wertasee - då jågt aa iewähnt des åndare. kaum ies "fett plantsch" vurbei (då hupfn niet lei die scheuche, sundern aa die åndern brumminentn in weiße leilacher eingwiecklt umanånda von aana bahr zur näxten, von aan puffet zum åndern und werdn natierlich sått bies zum åbkotzn) - schon kummt die "starrnacht", då werd uns sugår im tefau ållas vurgsetzt, wås man hålt so ållgimein als starr bizeichnet. und kaum ies es letzte sterndilein in wertasee eineghupft, schon kummt "pitschwolle-ball". åba des ies ållas niet acktuell, weil hiatzt haaßtz "kärnten läuft" (davon? åba vur wås? de, wo man davonlaafn könnet, de laafn jå aa mit.)
gottzeidånk miaßn de årmen brummis aus da bussi-bussi-gsöllschåft niet allaan fier die hurrendn kostn aufkummen, weil mir seimma jå aa noch då und fier wås gips supwentziohnen, ha?
und so wurschtln mir uns hålt von aana festiwitäht zur åndern - åba sunst gips nix neichs in unserm scheuchtum. naa, ållas beim åltn. schåd, dass de bei der hüpper-alpe-adria hiatzt a wentiehl zuagedraht håbm, sunst könnetn mir noch vül mehr wertasee-iwentz måchn.
