|
|
|
| ruflo am 21.07.2011 17:52 (vua 5173 Tåg) |
muattamahle håb i schon aa, åba es maaste seind bei mir vatamahle. waaßt eh, settane, wo vom kürper wegstehn tuamt. sågntze hålt warznen aa dazua. håt ma da herr dockta schon aanige åba gsaablt, åba håb i noch ginua. håmtze wåhrscheinliech a warznschweinggale wolln bastln, dersebm wia se mi gmåcht håbm. ies senen niet gånz gilungen, åba fåstbeinåhe. und tittlwarznen håb i aa so ungifähr zwaa bis draje.
kuhle, håst går niex xågg, wiavül nudalan dass du ghabert håst. bin i åba schon a biessale intäuscht.
mir håmma heite ajaschwammalansoß mit erdäpfl g'gessn. wårn 67 klaane und zwaa a biessale greßare. ajaschwammalan. und 7 ertäpfl. mehr kånn i niet, i bin jå kaa frießling niet. sågntze guhrmant dazua. odawia. liaba hättet i eh kneedl ghåbt, åba wås niet ies, ies hålt niet.
und hiatzt schleich i mi ause ausm fiellahanett und såg pfiateich und bleibz scheen braf. gelle! bis i wieda amål kumm.
|
| ruflo am 21.07.2011 09:32 (vua 5173 Tåg) |
heit' gips wieda strenge grenzkontrolln aufm wurzn. und se håmt in radio kärntn gmöldet, dass se ginau schaugn werdn, ob då niet a giwiessa kuhle zan dawieschn warat. es auto werd tutal ausanånda gnummen und zafledat. und wehe, wenn då a stången tschieck z'vül zum fienden ies. kuhle pass auf! de von årmut bidrohtn trafick antnen håmt a äugle auf di!
|
| ruflo am 21.07.2011 07:17 (vua 5173 Tåg) |
hallo pfeiferle, scheen dass d' auf uns noch niet gånz vageessn håst. gehtzdawohlguat und deina erika aa? låss di lei niet z'vül stressn und tua lei so, wia's leicht geht. mir seimma jå kaane tee nager mehr odawia.
_______________________________________________________ zwieschnbericht von da werbefront: i fråg mi schon scheen långsåm, wem da ORF gheart. ob des noch UNSER sender ies, oda ob den siech schon a fierma untern någl griessn håt. gestern auf d' nåcht, zwieschn dreiviertlåchte und viertlneine - in aana hålbn stund!!! - wårn zwieschn weetta, spurt und seitnbliecke 10 ( Z E H N ) werbe-einschåltungen von der möblfierma miet dem rotn sessl. und des lei im programm ORF 2. jå seind de hiatzt komplett naarrisch wurdn odawia? und wenn aana maant, nåachan ies schluss mit da werbarei - haha, då kånn i jå lei låchn. dabei könnet man plärrn.
naa, wenn i niet muaß (weils mietzale den hanseeee oda sunst an kuhltuhrträga sehgn wüll) schaug i mir des programm niamma ån. danke, mir reichtz.
------------------------------------------------------------------------------
und hiatzt wientsch i eich an guatn
morgen und an nettn tåg.
21.07.2011 07:20:seas irmile. is ållas rotscha in köln? liabe griaß und bussale!
siehgst, de probleme håbts ihr niet, bei eich gips nåch åchte kaa werbung mehr in die öffis. |
| ruflo am 20.07.2011 08:23 (vua 5174 Tåg) |
husch isse furt, unsa irmile. a so a gschaftige weis'. åba i bin aa furt, weil i miet die huntalan geh und nåachan nåch fiellah fåhr. kummt eh in zwaa drei stundnen da kuhle unterm gulter ausa gekrochn, der werd eich schon dazöhln, wås es neichs gips am fressaliensecktor. pfiateich bis aufd'nåcht
|
| ruflo am 20.07.2011 08:01 (vua 5174 Tåg) |
jåjå, tuabbes lei ziettan, miassn mia då in kärntn aa. ziettan mir im duett. tralala. und långe hosn - ohne geht heit eh niex. lei långe gaatte brauchn mir niet, so friesch ies aa wieda niet.
wientsch eich an scheenen guatn morgen und an ångenehmen tåg.
die sally - jå pfuiteixl hearst ... - liegt unta mein schreibtiesch und schnårcht und f... - jå saggrasaggra, håt de gestern liensn gfressn oda i, ha? oda håt se am end går faule aja von de laufantalan vatülgt???
20.07.2011 08:18:beißerle, a mågst kaane nåckertn haxn niet?
zu mir håt amål aana xågg: "aa håst du miet aana krah wadln gitauscht? und håt die krah nåachan gekraht 'bitruhg, bitruhg!' ha?"
åba auf sulchene kompotte oda komplotte oda komplomente odawiamadåsågg reagir i ieberhaupt niet, weil der wår eh lei neidig auf meine lucksusfiaß. håb i eh scheene beine. wia a reh. lei niet so plump.
|
| ruflo am 19.07.2011 11:51 (vua 5175 Tåg) |
so ies richtig. wenn ma jemåndn zum essn einlådet, soll man ihn niet zum spüln aa noch vaurteiln.
mir essn heit linsneintopf mit hauswierschtln drin. huiii, des werd a gaude, wenns nåachan wieda böllert. hihi.
|
| ruflo am 19.07.2011 11:10 (vua 5175 Tåg) |
jå wås wüllst denn noch ålls fressn, ha? leichtkäfalan und watschlantnen, froschschenkl und weinbergschnecknen miet knofiputa, heuhupfa mit wokgimiese, ganslleba von årme mit gwålt krankgstopfte und gmarterte viecherlen, ...
du warast wås als eggsbärte fier die frantschöschitsche guhrmähkuchl als haubalevateila. scheene griaß vom herrn bocuse.
i bleib liaba bodnständig bei unsre kaasnudln, bei ritschert und reindling. und i brauch aa kaan schampuhs, solång i lei a hefale fiellaha kriag.
19.07.2011 11:24:dånkscheen fibi, dass du mit mir mitleidest beim fernsehn. åba zum untaschied von frieher seimma jå niamma gezwungen, den ORF einzanschåltn. lei zåhln miassn mir hålt ållaweil noch, gånz gleich ob mir wolln oda niet. gips jå heitigntågs ginua altanatiefen. und wenn siech die kieniglhåsn vom kieniglberg wundern, dass die zuaschauerkwohte ållaweil mehr sinkt, kånn man lei sågn "sölba schult!" |
| ruflo am 19.07.2011 10:34 (vua 5175 Tåg) |
de antnen seind witzige viecha. de wiessn niet, zu wölcha familje dass sie ghearn tuamt, weil de marschiern ållaweil im GÄNSEmarsch bei uns über die eben, gånz ohne antngewatschl. und seit unsa nåchbår de håt, håbm die spanischn rotn nåcktschneckn bei uns kaane meta mehr.
|
| ruflo am 19.07.2011 08:14 (vua 5175 Tåg) |
jå, kwaaaaak – scheen dass unsre zwaa laufentalan aa då sein.
fibile, tua lei scheen aufsåmmln des gold, wås dir die morgenstund bescheren tuat. Werst sehgn, gaxt biest reich. und bea – des mit da ixixixlatz-familie geht mir sowås von aufs säckli – i bin richtig wüld. Gestern håt siech de depperte famülie von åchte bies viertl neine auf d’nåcht sex mål in den färnseha gschliechn, der meiner ies. Wås tuamt denn de då driennen? I wer a fliagnklatsche nebm mein flåchmånn legn und de hundling de aufdrienglichn gaxt daschlågn. i - wenn i amål a neichs kastl oda sowås brauchn tuan taatet - i waaß ginau, dass i vurm rotn sessl fliechtn tua, weil i vülz'vül ångst håb, dass i då drien in dem möbelhaus aan von dera famülje bigegnen tuan taatet.
a so a sauarei des, då zåhlt man fernsehgebührn für so an schaaß? Warum bringen de des in deitschlånd zsåmm, dass es nåch åchte ka werbung in die öffis mehr gibt und „unsa“ URF haut da pausnlos de depperte familie, aktivia, neiche zåhnbierschtln, xichtskrehm und håårfårb um die uhrwaschl und auf die guggerlen.
und wenns d' aamål (ies eh sehr söltn) an guatn fülm im URF schaugst: då gips kaan schluss, kaan åbspånn, lei damiet dass de wieda die debile famülje durch die gegnd hupfn låssn können. Und a bechale von da fierma "dann ohne" drauf, damiet die darmwiend flåttern.
i fiend, da URF sollat endlich aufhearn von uns göld zum kassirn und siech seine „tolln“ sendungen von lutz und ko fünanzirn låssn. schweinarei sowås, des soll a öffentlich rechtlicher sender sein mit büldungsauftråg? (hanseee mit senner bernenhund)
i kriag die kriese. vur lauta zurn måg i im URF die guatn programme, de's wohl aa gibt, går niet ånschaugn. weil kaum gfreist di ån wunderscheene universum-bülder, schon schleicht siech wieda die ausgliehene lutz-oma durch die gegend.
auf de "büldung" vom URF kånn i vaziechtn. arte, 3-Sat, ZDF neo, info, theater; ARD eins extra, eins plus, usw.usw. - dafier brauchst nix zåhln. und wennst a biessale aane krotnen iebrig håst: die tollen programme vom bezåhl-satelitn, då kriagst wirklich wås klaasses, fåst ohne wärbunk.
ORF?
NEIN, DANKE!
und nåchdem i hiatzt a biessale dåmpf åbglåssn håb' (is wiechtig, sunst eggsbludirt da ruflo!) wientsch i eich an guatn morgen, an scheenen tåg und schieck eich a büldle von die kreizna laufantalan.
www.flickr.com/photos/dueller
farm7.static.flickr.com/6022/5942806511_c04d8d0a96_b.jpg
|
| ruflo am 18.07.2011 17:14 (vua 5176 Tåg) |
jå, bea. kenn i ålls - und noch aanige sachalan mehr. und gråd heit' ies es wieda amål gånz årg. kånnst im pschyrembel blaattln, falleicht fiendest noch wås neichs fier mi.
i såg pfiateich bis hoffntlich båld wieda und wientsch eich ållas guate. bussale und tschau. |
| ruflo am 17.07.2011 09:37 (vua 5177 Tåg) |
jå bea, suppa! schåd, dass mir im v-net kaan "gefällt mir"-knopf håbm, den taatet i druckn, druckn, druckn, ...
du håst dein flåchbüldla noch iemma niet startn können? gottzwüllnnaa, nåachan håst jå gestern åbnds den hanseee miet sein senner bernenhund aa niet gsehgn? marantana, des ies wohl schåd.
iegahl, wås des heite tuabbes (mir fåhrn zum sunntågsschmaus auf die windische und sunst går niex) - an guatn morgen und an wunderscheenen sunntåg wientsch i eich. |
| ruflo am 16.07.2011 11:54 (vua 5178 Tåg) |
jå, frieher håst aan knopf zum ein- und ausschåltn, aan zum sendasuachn, aan fier lautundleisig ghåbt. hiatzt håst fier ålls lei mehr aan und der kånn fuffzg funziohnen, åba kaa nurmal bigåpta mäntsch waaß, wås des fier funziohnen sein tuamt und fier wås de guat sein. und die färnstajarung ies dafier so vull miet knöpf, gånz årg. muaß i oft auf an greißla von frieher denkn, der wo xågg håt "terfs a biessale mehr sein?" - und schon håst zehn decka mehr von dera wurscht im papierl ghåbt. jåjå, so ies se, de ielegtrohnigg!
16.07.2011 17:25:16.07.2011 17:29:biero ohne steckdosn? de håmt gidenkt, du håst a hängebauch-schweinggerle. hihi.
so aane indelligäntzpästien, nana... |
|
|
|
|
