|
|
|
| ruflo am 08.07.2011 15:46 (vua 5186 Tåg) |
@coolati: andale, i bin seit ieber 10 jåhr in pension und i håb an nåchfolga, der siengt wia a glöckle. also brauchst kaa ångst niet håbm, es siengen bei uns stierbt niet aus. |
| ruflo am 08.07.2011 10:30 (vua 5186 Tåg) |
naa, i sing kaane liadlen mehr, de zeitn seind vurbei. geht niamma. weil i nix mehr hear, kånn i singen aa niamma. oda häxtens so fålsch, dass sugår die mäus davon gehn. is praktisch im gårtn, då kånn i damiet die wultschga vatreibm. wenn mi die nåchbårn hearn, wiessntze: aha, da rudi tuat wühlmäus vatreibm!
an guatn morgen und an scheenen freitåg wientsch i eich! |
| ruflo am 07.07.2011 18:31 (vua 5187 Tåg) |
fier mi geht nix mehr weita då heriennen, i geh hiatzt bleamlen giaßn , jausnen und nåachan schaugn obs im tefau wås neichs gips. pfiateich bis båld wieda. |
| ruflo am 07.07.2011 09:11 (vua 5187 Tåg) |
naa, i håb niet vaschlåfn, i wår schon fleißig: bieschn gegossn, miet de huntalan a runde gedraht und a gsetzle geplärrt: murgn geht die fåst 200-jährige geschichte der volksschule kreizn endgültig zu ende. da ållaletzte schultåg. aus ies. vurbei. und weil i sölba fåst vierzg jahrlen ån der aanklassign bergschual als dorfschualmasterle gwierkt håb, die leitln und die gegend kennen und liab håbm glernt håb, tuat mir es herz weh. aa wenns mi hiatzt als pensionistn niamma direkt betrifft. so stierbt es lånd. es gschäft - wo man von da untagaatte bis zu die eingfrornen hienign heanda, von die gummistiefl bis zu die strumpfbåndgiertl ållas kriagt håt, wås man hålt so zum lebm braucht, ies zuagsperrt, aanige gåsthäuser seind niamma, da pfårra kummt vom nåchbårort, hiatzt ies die schual aa geschichte ...es ies traurig.
åba es weetta ies wenigstns a traum, und des ies jå aa wås.
i wientsch eich an guatn morgen und an scheenen tåg.
|
| ruflo am 06.07.2011 09:12 (vua 5188 Tåg) |
irmile, du tuast mir laad. iergendwia bin i froh, dass i lei mehr blastigzeigs in mein mund håb. muaß i zwår aufpaassn wenn i wås zaaches iess, dass nit meine beisserlen ausafliagn und allanig weitakojen ohne meiner - åba damiet kånn i lebm. i wientsch dir jednfålls dass du des guat ieberstehst, mit meeglichst wenig wuwa.
@andale: >>>"die holtung de ma hot"<<< håltung ies es wenigste, wås mir håbm. stöll dir aanfåch vur, du liegst dahaam in dein riläx-stuhl. und des wås schmurglt, ies dei lenale, de wo dir wås guatz in da kuchl zum essn brutzlt. mit a biessale pfantasie schåfft man des leicht. |
| ruflo am 06.07.2011 08:18 (vua 5188 Tåg) |
jå fibile - du schon bei die wampierln gwesn? ruhtiene oda ies wås ernstes? i wientsch da jednfålls ållas guate und hålt dir die daumen.
eich ålln an guatn morgen und an scheenen tåg ån dem wunderscheenen tåg. haaß werdz heit' werdn! |
| ruflo am 05.07.2011 09:44 (vua 5189 Tåg) |
andale, låss di niet beim schmuggln dawieschn. ies kfährliech! du terfst müllionen oda noch mehr wåschn, vauntrajen, hammliech im koffale ieber die grenz briengen oda sowås, passirt da låååång niex, lei wennst a stangale tschick illigahl ieber die grenz schmuggln tuast, werst bistiemmt safurt in håndschölln åbgfiehrt und kummst in tschumpus. lei schullotiehn gips kaane mehr und den gålgn håmtze maan i aa åbgschåfft. und leitln vagiftn tuamtze bei uns zur stråf aa niet, oda mit alecktritzität vaschmurgeln, des tuamtze lei "in gods own country", im lånd da unbigrenztn unmeeglichkeitn. |
| ruflo am 05.07.2011 07:08 (vua 5189 Tåg) |
jå, beale, seimma die riechtign kummentatohren. lei da URF håt uns zwaa noch ållaweil niet entdeckt. werdn mir amål miassn beim atefau oda beim pulsfier ånfrågn, ob de uns wolln taatetn.
und so geht aana nåchm åndern*). tåg. heit ies schon wieda a neicha då. i maan er werd uns a scheens weetta bringen. und eich ålln nur scheene stundn. des wientsch i eich und dazua noch an guatn morgen.
http://wimmie.bei.funpot.net/d.php?id=f6604dba731942e1 (då seind scheene büldln drin aus gånz eiropa)
__________________________________
*) sietzt a åltes våtale in da kuchl, im herrgottswienkl. entfleucht ihm a leisiga, åba derwegn kräftiga. maant er: "jåjå, so geht hålt aana nåchm åndern!"
|
| ruflo am 04.07.2011 07:42 (vua 5190 Tåg) |
neicha tåg - zaasn mir hålt weita, göll kuhli?
>>> "hob mi um a gonze stund auf da uhr vaschaugt"<<< andale, muaßt a tickitahl-uhr nehmen, niet a tickitack-uhr, då kånnst die zieffern scheen åblesn. bei da tickitack-uhr seind jå zwaa oda drei zaager, då ies man leicht ieberfurdert.
wientsch eich an guatn morgen, an nettn tåg und an guatn wochnånfång. |
|
|
|
|
