|
|
|
| ruflo am 31.05.2011 11:46 (vua 5286 Tåg) |
beale --- i gfrei mi mit dir!!!
siehgstes, dei innare natuhr und es daumendruckn, wås des ausgips! und zwengs meina tua da lei kaane surgn nietm måchn, i tua eh lei so långsåm dahientschurrn, wia's hålt gråd geht. und trienkn tua i aa ginua. wås i fier an vabrauch ån minuralwåssa håb, ies schauderliech. und z'miettåg wer' i mir glått an radla a noch vagunnen. an villacher-radler natierlich. |
| ruflo am 31.05.2011 07:14 (vua 5286 Tåg) |
kaane wolkn seind am hiemml, dafier a haufn sunnenschein. und i bin aa wieda då (åba noch niet im hiemml, sondern noch mit baade haxn aufm festn bodn der tåtsåchn.)
und tåtsåch ies: die zwaa hundalan wårtn auf ihr morgenrunde, mietzale wårtet drauf, dass i nåch feistritz fåhr einkaafn und mei bruchbude wårtet drauf, dass i mit da "raumgeståltung" weita måch. also wårtet ålls auf meine enerschie. lei wo ies de? i find sie niet.
maanst hülft des wås, wenn man aan enerschie-riegl habert? nix då - es aanzige wås gschiecht ies, dass die breesl von die nussn und von die håfaflocknen oda wås då driennen ies, unta die zähntbrutehsnen eine schliafn. jå.
so - enerschie hin oda her - nutzt niex - auf gehtz, da neiche tåg wårtet aa schon.
eich ålln wientsch i an guatn morgen und an scheenen dienståg. |
| ruflo am 30.05.2011 20:15 (vua 5287 Tåg) |
griaßdi, chrischtele. wås fier a schual besuachst denn in da italiener stråßn?
seas kuhle, recht håst. es kummt schon wås zsåmm ån "krafl". und miet jedm stieckl, des man weghaut, riennt a tröpfle herzbluat mit. gottzwüllnnaa - bien i a bluatårmes bürscherl ...
a guatz nachtl wientsch i eich. bin hundsmiad. aus fier heit'.
|
| ruflo am 30.05.2011 11:10 (vua 5287 Tåg) |
seas irmi. mir rinnt da schwietz åba. i bin fest beim raamen. gerümpl und ångsåmmltes glumpp von vagångene jåhrzehnte schreien schon laut und wolln endlich entsurgt werdn. a biessale furtschritt siehg i schon - åba bis i fertig bin, werds noch a weile dauern. hiatzt måch i gråd a vaschnaufpause.
bussale und liebe griaß nåch köln. |
| ruflo am 30.05.2011 07:38 (vua 5287 Tåg) |
an guatn morgen und an scheenen tåg wientsch ieich und hoff, dass es eich guat geht. bei uns ies - bies auf die ieblichen vadächtign - ållas rotscha. |
| ruflo am 29.05.2011 22:53 (vua 5288 Tåg) |
mir wårn heit' in villach bei da erstkommunion von aan von unsre enkerln, gleichzeitig wår då bei uns in kreuzen aa erstkommunion. also werds wohl so passn. åba i bin då mit die kirchlichn bräuch nit so am letztn wissnsstånd.
guate nåcht und schlåf guat. i hupf hiatzt in die kistn. |
| ruflo am 29.05.2011 06:31 (vua 5288 Tåg) |
aan guatn morgen wientsch i eich und an scheenen sunntåg. mei tåg werd bestiemmt scheen: aans von unsare enkalan håt heite erstkommunion.
es weettale passt aa wieda. ies wohl miet 5° noch saukålt, åba die sunne kralt schon hienterm åltnberg aufa, de werd schon schaugn, dass es a biessale gimiatlicha werd. |
| ruflo am 28.05.2011 18:08 (vua 5289 Tåg) |
so. mei suhn håt ma gholfn: es ålte modem ies eingmottet, åb safurt gehtz per WLAN ins intanet. allan hättet i des nia gschåfft.
an guatn åbnd und a guatz nachtle. |
| ruflo am 28.05.2011 07:35 (vua 5289 Tåg) |
nåjå, sooo sånft wårn die träume niet. håt zimmlich grumplt und gepumplt in da nåcht. und åbagwåschn håtz ... åba ies eh guat, dass es fest gregnt håt. die erdn håt schon gebettlt drum.
heit' werdz jå wieda scheen werdn, håmtze xågg.
an guatn morgen und an wundascheenen såmståg wientsch i eich. scheen xund bleibm und lei heimische gurknen essn kuhle, gell! (oda wenn sie aus schbanien kummen vurher mit bärocksied åbwåschn und nåachan damit guhrgln).
pfeifale, du lumpale - isnlosmitduha?
i brupier ållaweil noch, mietm gfrießabiachl "fatschepuck" z'recht z'kummen, åba es gilingt mir niet. ies mir niet giheuer des zeigs. des ies fier mi undurchschaubår. werd wohl da alzi sein, dass i des niet kabier. ies hålt wås fier jiengare leitlen, de påckn des mit links.
|
| ruflo am 27.05.2011 07:10 (vua 5290 Tåg) |
seas beißerle - i druck noch ållaweil und mir denkn auf di. oda waaßt schon bischeid?
aan guatn morgen und an wunderscheenen tåg eich ålln.
heit gehts nåch villach zum vascheenarungsvarein (lei es mietzale, i niet, weil i bin eh derårtig scheen) - aans von unsare enkalan håt am sunntåg erstkommunion, und då derfn lei scheene leit in die kierchn eine. jå. |
| ruflo am 26.05.2011 16:05 (vua 5291 Tåg) |
de mohnblumen gips in pöllan draußn, bei feitritz. und åamaasn? i håb kaane gsehgn, weil i håb lei vom autefensta aus mit teele schnell a büldle gmåcht.
maa, ies es heite schwuhl draußn. i wårt mit da nåchmiettågsrunde, bies siech die sunn vaschleicht.
|
| ruflo am 26.05.2011 07:26 (vua 5291 Tåg) |
an guatn morgen und an wunderscheenen tåg eich ålln.
wenn man ålladings die heitign möldungen in da zeitung liest, vageht aan die lust am scheenen tåg. då håt doch aa ösi fier 1 wochn (unschuldig???) in englånd inhåftiert als håftentschädigung 430 000 € kriagt. naa, die wölt steht auf kaan fåll mehr lång.
wenn i a brumminenta waarat und fier aa wochn im tschumpus so vül entschädigung kriagn taatet, wia fier fåst zwanzg jåhr buggln als nurmahla stärblicher - wås maanst, wås i nåachan liaba warat? åba des geht natierlich lei, wenn man wås bessares ies. a gråf oda sowås. jåjå, die girächtigkeit treibt schon eignårtige bliah. de stienkn oft wia a welwitschia mirabilis. oda noch ierger. åba fier die aasblumen gültet die unschuldsvamutung.
|
| ruflo am 25.05.2011 18:14 (vua 5292 Tåg) |
hauptsåch dei liabs bauchale ies gfüllt. und mit wås ies iegahl. i füll mein riesn wåmpm hiatzt aa mit wås guatn (bawernspeck und wierschtl) und såg pfiateich bies båld wieda amål |
|
|
|
|
