|
|
|
| ruflo am 25.01.2011 08:43 (vua 5414 Tåg) |
pfeifale, scheen dass d' wieda då bist.
niex los mietm essn? dersebm, wia i in LV wår, håmma uns um 6 oda 7 $ ån aan 100 m lången püfet im hotel montecarlo es wamperle vollgschlågn. håst essn können wås und wiavül du wolln håst. lei aufs besteck håst miassn aufpassn. wenn des weck wår, (kellner als besteckfladerer), nåachan håst essn miaßn miet händ und fiaß, so wia beim schachtalewirt, oda nei zåhln.
unsern eisnbeißa kennst wohl eh guat. frieher håt sie bea ghaaßn und hiatzt - i maan sie ies hiatztn vaheiratet miet iergendaan herrn gibiess von eisnbeissa. also hiatzt ies se a "von" wurdn. bea von eisenbeissa-schoba.
und meine daumen seind schon gånz blau vom druckn. dein fiam werds schon guat gehn, werst sehgn.
und i bin hiatzt aa a "von", nämmlieh da herr aufunddavon. |
| ruflo am 25.01.2011 07:36 (vua 5414 Tåg) |
jåjå, des zwaa, sauftz lei. håbbes schon recht. und ållaweil ångsäuslt ies aa a giregltes lebm. und nåachan autefåhrn und es kärntna liadle siengen " a baam ies ka grasle..."
jå, i maan es pfeifale und sei schatzale seind wieda zruck vom LV-strip. und hoffntlieh håmtze aa erfolg ghåbt. und wenn se siech hiatzt niamma bei uns möldn, nåachan seindse soooo reich wurdn, dass se uns niamma kennen tuamt. hihi
åba - wia i es pfeiferle kennen tua - der redet aa nåachan noch miet uns, wenn er hundat dollar håt. oda noch mehr. jå.
auf ålle fälle - aan guatn morgen und an scheenen dienståg eich ålln! |
| ruflo am 24.01.2011 18:11 (vua 5415 Tåg) |
jå, kånn mir wås lustigeres vurstelln, åba hiatzt ies jå vurbei.
irmile - gehtzdaguat? pfiatdi und tschau bis båld wieda. mietzale håt a jausn griechtet. scheene griaß aus kärntn. und: jå, bin wieda da scheenste ruflo in kreizn. hihi.
|
| ruflo am 24.01.2011 16:57 (vua 5415 Tåg) |
sodala, bin wieda dahaam. und kaum ies mei ohrli wieda fåst xund, kummt die näxte valetzung: kopfzabrechn. >>> "faulenza. den werts sicha hiaza frei zum kriagn sein,"<<< - wås maant er denn då? håb i wås vasaamt? |
| ruflo am 24.01.2011 06:36 (vua 5415 Tåg) |
uiii, schnecki, wårst im märchenlånd? tolle fotos, gratuliere!
i wientsch eich an guatn morgen und an scheenen (blauen) montåg.
i wer' mir heit die näht ausm ohrli ausazupfn låssn und bin derwegn in fiellah untawex. i såg daweil amål pfiateich und bleibz xund. |
| ruflo am 23.01.2011 16:54 (vua 5416 Tåg) |
beißerle, i maan, des miet da schärfe ies åbsiecht. wenn i schärfare zähnt hättet, hättet i mir schon a påårmål die zungen åbgibiessn. 23.01.2011 18:16:kuhle, wo bist denn? håst die ånstålt doch trotz warnung betretn? i geh hiatzt. jausn ruaft. pfiateich bis båld wieda und måchtzes guat. |
| ruflo am 23.01.2011 09:20 (vua 5416 Tåg) |
seas irmi. 2. Stock? a so aa klettamackse, hearst. oda falleicht fåhrts mietm lifft?
i håb heit die hunderunde im eilschriett beendet, weils soooo kålt ies. åba wundascheen ies es. so riechtig wientalieh. wenn i noch länga untawex gwesn warat, brauchat mir murgn da dockta niet die näht ausm uhrwaschl ausaziahgn, taatet siech es gånze ohrle vatschüssen. aanfåch wia am siedpol. und wenn es zweite aa pfiaitdi sågn taatet, taatet i nåch kaohrle passn. hihi. |
| ruflo am 23.01.2011 08:01 (vua 5416 Tåg) |
irmile, du kånnst des jå, als gståndane kärntnarin. åba låss amål deine nåchbårn laut und deitlieh und schnöll sågn:
aachkatzlschwaaf aachkatzlschwaaf aachkatzlschwaaf aachkatzlschwaaf aachkatzlschwaaf aachkatzlschwaaf aachkatzlschwaaf schwatzkatzlaach schwaafkatzlaach ...
hihi...
jå, ies kaa wunda niet, dass de degenen aachkatzln in da stådt so zuatraulieh seind, seind jå aa kaane bleedn niet. a jeda sågg "maaa, liab ..." und fuattert se. bei uns aufm lånd håmtze ginua platzlen, wo se ummahupfnen, ummazeggetznen und ummataamischn könnent. und baamkraxln und soo. då brauchntze kaane mäntschen niet. åba in da stådt? då håmtze hålt a tschentlemän-ägriement miet die leit. odasowås. und wenn die ålte oma sågg "gemma tauberlnvagieftn in park. tuamma liaba aachkatzlnfuattan!" nåachan ies des jå niex neichs niet. des håmtze schon vur jåhrzähnten sugår xungen.
und i sieng eich hiatzt aa wås vur:
holladrioholladiridio an guatn morgen und an scheenen sunntåg eich ålln holladaroh!
bea i laaf niet davon. i hån noch nia niet an ångst ghåbt vur an eisnbeißa, noch dazua vur so an liabm ...
23.01.2011 08:08:du, eisnbeißa, kärntnaöl warat eeh a rentable såch' - so wia se uns kärntna ausgikwetscht håbm und noch ållaweil ausmåtschgern tuamt... kummt a haufn z'såmm. kålt-wårm-gepresst. und kierbisplutza gips niet lei in da st. ajamårk. naa.
a påår plotschn gimiese (geht sugår unkraut!) und a påår löffalan kärntnaöl drieba und schon håmma den sålåt.
und de aachkatzlen håmt fier jede nussn, wo se vasteckn, a eigene hiernwiendung, då werd des åbgspeichert. jå.
naa, fierchtalieh, so a geplåppawerch. dabei håb i frieher ållaweil sölba xågg "tuabbes niet schwätzen, kienderlen!" und hiatzt? ha? niex dazuaglernt. des reicht fier heit. åba a büldle muaß i eich noch schieckn von gestern nåchmiettåg. seind lei a påår hetschepetsch. sunst niex.
www.flickr.com/photos/dueller
farm6.static.flickr.com/5206/5379721165_686555ac4b_b.jpg
|
| ruflo am 22.01.2011 15:24 (vua 5417 Tåg) |
Irmile, des muaß jå liab gwesn sein. Håst ka Büldle niet gmåcht?
Frounze, wientsch da ållas Guate beim Putzn. Des steht mir aa noch bivur, niet es Putzn - åba es Entrümpeln. Sunst wer' i noch gaxt a Messie. Ålte Drucka, Skänna, Keyboards und Mäus, ...
Nåjå, man trennt siech hålt schwaar von ålte Leidnsginossn.
Jå, Beale, so haaßt unsa Scheffe. Schåd, dass d' des niet gwusst håst, warat siehalieh a Gaude gwesn, bei seina Party dabei sein. Åba dafier håst heite kaan so an schwårzn pölzign Wuzzl (Kåta) in Deina Wohnung, der da Schädlweh bereitet - und des ies jå aa wås. Hihi.
|
| ruflo am 22.01.2011 10:44 (vua 5417 Tåg) |
Beale, låch lei weita. Wurscht, wenn die Beißerlen dabei blienken. Haupsåch, Du låchest. I muaß jå aa bei jedm Griensa aufpassn, åba niet dass i blietz, sundern dass mir des Glumpp niet ausafliagt. |
| ruflo am 22.01.2011 07:47 (vua 5417 Tåg) |
Eigentlich håb i mir gedenkt, i måchs åb safurt, wia es Motto unta unsre zwaa vagångenen GröBuKAZes Wolfi und Willi ghaaßn håt: „Hände falten, Goschen halten!“ – åba kånn man des? Aanfåch zuaschaugn und niex sågn? Unsre Nåchbårn im Sieden håmt hålt senern Lustknaben, den Bär-Lust-Kånn-i, und mir håbm unsre gelüpten Verlustknaben vom Karli-Heinzi bis zum Hipp-Hüpo-Hurra – ääh, wia haaßt er denn? – eh wurscht, unschuldsvamuhtet seind se ålle und laafn noch frei in da Gegend umanånda. Guat, ies Schiecksåhl, mir lebm jå in Eestarreich, nitwåhr. Åba, dass då da Aua-von hiatzt an Pfliechtvateidiga braucht, weil der årme kaa Göld niet håt, dass er siech an Vateidiga leistn können taatet – des ies schon Grausåm. Des haut dem Fassl die Grohne iens Xicht. Jå. Oda sågt man "Des haut dem Gsiecht den Bodn aus da Grohne!" ???
Wås es bei uns då fier aane unschuldign Ehlemente gips, is erstaunlieh. So aa klaans Landle und soo große Gau… Åba ies schon so: de klaangeistige Umanåndafuzzlarei briengt niex, höxtens an klaan Gauna in Tschumpus. Wennst unschuldig bleibm wüllst, muaßt schon große Dienga drahn, de siech auszåhln, wo man aa nåachan frågn kånn „Wo wår mei Leistung?“ Nåachan passt. Sodala, håb i mi wieda amål ausgetschentscht, gaabat noch so vül zum Sågn, åba bivur es Mietzale miet an Pflåsta fier mei loses Mundwerk kummt, såg i
an guatn Morgen
und an scheenen Såmståg
Eich ålln.
Frau Eísnbeißa, passt ållas? Hoffntlieh tuat niet z'vül wuwa. |
|
|
|
|
