|
|
|
| ruflo am 14.01.2011 19:10 (vua 5425 Tåg) |
Seas Frounz. Recht håst. Scheen dass Du uns niet vageessn håst. Gehtzdawohlguatha? Es Fibile ies aa maan i aufm Weg da Bessarunk. I bin wohl noch tsimmlieh auf da Gnaungge, åba des wert schon wieda. Hihi, könnetn mir eigntlieh ålle, wo a biessale tschaupert sein, es neiche Sannitorium „Maria Hülf“ in Klafu ausbrupiern. Bleed ies lei, dass des Briwat ies und då muaßt blechn, wenn du einegehst. Und heite ies schon da fürzehnte, då ies im Burtmonnäh schon a biessale Flaute. Glinikum Wertasee in Klafu warat aa a Meeglichkeit, åba då muaßt ån Wunda und Manegold glaabm. Naa, Bleedsinn, Wunda niet, ån de brauchst niet glaabm, de vollbringen die vüln tiechtign Docktores, die freindlichn und fleißign Schwestern und Pflega, de vollbringen oft Wunda. Aa wenn sie gaxtamål an Batziehntn es fålsche (xunde) Gåggale weckschneidn – des seind so klaane Fähla, de bassiern hålt. Jå, so ies des Läbm auf dera Wölt. Und i såg hiatzt „Pfiateich“ fier heite und i geh zu mein Flåchmånn – äääh Flåchbüldschierm und hau mi in mein Riläcksseessl und leg die Haxn aufn Tiesch. Wia a riechtiga Ammi. Hihi. |
| ruflo am 12.01.2011 17:08 (vua 5427 Tåg) |
Miet dem Fättenbrot ies des so a Såch. Es hülft suppa gegn die Wiermlen, dee zieschn davon wia Rauch. Åb durchn Kamiehn. Åba dafier kummen åndare Viecha dahergschliechn, de siech in dein Inkreisch ånsiedln tuamt. De haasnt Kulle Steriene odaso. Åba ållas kånn man hålt aa niet håbm. Man muass sieh entscheidn wås man wolln tuat. Entweder Wiermlen oda die åndern Fiecher. Aans von Baadn. Ållas geht niet. Außa Du biest a Müllionähr, nåachen schon. 12.01.2011 18:20:Pfiateich. I geh hiatzt ins Wienkale, Scheitlknian und gilobe Bösserung. |
| ruflo am 12.01.2011 16:57 (vua 5427 Tåg) |
Seas Irmi. Da Sally gehtz guat. Wår lei es "Jaagakrampale", wås Brupleme gmåcht håt. Und mir gehtz aa recht suppa. Da Dock håt mir den Kaasnudl nei gegrandlt und hiatzt passt wieda.
Äääh - niet Nudl, es Uhrwaschl natierlieh. Friesch eingsaamt.
Und murgn noch zum åndern Dock, schaugn, wås da Laburbifund sågn tuat. Nåachan ies wieda amål a Ruah. Odawia.
Entwurmt bien i eigntlieh aa auf Daua, weil a so a Fättnbrot miet an Haufn Knofl drauf ies schon wås Guatz.
Apopo Knofl: Seas Fahrradelberg, seas Koblach.
|
| ruflo am 12.01.2011 15:21 (vua 5427 Tåg) |
Jå Fibi, aa bei uns auf 1000 m Seehöhe ies schon fåst ålles weck, wås amål weiß wår, die Pålmkatzlen bliahn und die erstn Friehlingsgifühle stelln sieh als "Fruahjåhrsmiadigkeit" ein. Åba ålles ies des siehalieh noch niet gwesn. Es diecke End kummt noch. Hoffntlieh niet går z'dieck.
Gehtzdaguat, Fibi?
|
| ruflo am 12.01.2011 11:15 (vua 5427 Tåg) |
Hallo Irmi. "Sonnenland Kärnten" - die Sunne håt den Nebl vajågg und hiatzt låcht sie siech aans åba. Und die Pålmkatzlan bliahn schon a Weile bei uns. Wenn die Sally untawex Håsnpemmalan vatülgt (tuat sie gern, weil de seind seeeehr nårrhåfft) - i maan, de seind schon von die Ostahaaslen. Jå, Ostahaasi, nix Niggelaasi |
| ruflo am 12.01.2011 06:10 (vua 5427 Tåg) |
Jå, Kuhle, håst Recht. Åba falleicht ies da Ruflo als gånza a Basilisk und gheart...
Egal.
Seas Pfeiferle. Wierscht schon weck? Und i håb nietamål gikostet. Dabei håb i Hauswierschtln sooo gern.
Heit ies unsa näxta Dockta-Tåg, åba heit ies die Sally drån. Miaßn mir ihr Pfotale ånschaugn låssn, sie humplt in letzta Zeit a biessala.
Und wenn da Dock wås sågt zwengs ihrn Wampalen - des bleibt drån, då werd niex umagschniepslt. Passt recht guat zu ihrn und sie zu mir. Wia da Herr - so es Gscher.
Wientsch eich an guatn Morgen und an scheenen Mittwoch.
|
| ruflo am 11.01.2011 18:15 (vua 5428 Tåg) |
Seas Irmi. Wåhrscheinlieh bien i als Kind und in da Jugend z'vül beim Vassacher See in da Sunne gwesn. Wer hätt sieh denn des gidenkt, dass sowås bassirt. Nåjå, wenns niex Iergeres ies....
Wientsch eich an scheenen Åbnd.
|
| ruflo am 11.01.2011 16:48 (vua 5428 Tåg) |
Sodala, bin wieda då. Mei Lieblingsdock håt ma wieda an Basilisk oda Basilikum oda Basiliom odawiadeshaaßt ausm Uhrwaschl ausa gschniettn, und die Uhrmuschi wieda fåchgerecht z'såmmgnaht, hiatzt passt wieda. Und wenn in 10 bies 14 Tåg die Näht ausakummen, bin i wieda wia neich. Garantirt. Jå. |
| ruflo am 11.01.2011 07:05 (vua 5428 Tåg) |
Dånkscheen Pfeiferle, måch i gern. Und Dein Fiam låssn die Sally, da Bello, die Kiki und da Tino und aa da ålte Yukon gånz liab griaßn miet an häfftign Schwaafgiwädel.
Bei uns schneibtz a biessale, åba nutzt niex, i muaß derwegn nåch Fiellah zum näxtn Dock. Wås sein muaß, muaß hålt, nå.
Dahaam bin i heit vurm Nåchmiettåg niet, und då aa falleicht erst späta, drum wientsch i eich hiatzt schon an scheenen Tåg und aa an guatn Morgen und såg Pfiateich bis båld wieda amål.
11.01.2011 07:14:Bea - gehtzdagleichwiamir. Bei mir geht wåhrscheinlieh da Wientaschlåf nåachan nåhtlos in die Fruahjåhrsmiadigkeit ieber. Und des ies bei mir da Grund, dass i wieda nia ins Feißpuck eineschaug. Des ies mir vül z' häcktisch, då kumm i aanfåch niamma miet.
I wientsch Dir ållas Guate!
|
| ruflo am 10.01.2011 10:50 (vua 5429 Tåg) |
farm6.static.flickr.com/5203/5340501422_19d05d6e49_b.jpg farm6.static.flickr.com/5167/5340213147_ce02fb6796_b.jpg
Frieher ies leider niet gången, Pfeiferle. I wår hiatzt zwaa Stund im Labor bei die liabn Wampierln. Håmtze ma dreimål mein Lebenssåft åbgezapft, åba a biessale håb i noch einwendig intus driennen.
Klaasse Wirschtln håst wieda gmåcht. Wenn da Weg niet so weit warat und i a biessale bessa schwiemmen können taatet, taatet i nåch Canadium kostn kummen. Scheene Griaß ån Dei Erika und ån den Fiam.
Fiern Kuhle zur Erklärung: da Fiam ies da Hundling aufm zweitn Büldl. Aufm erstn Büldl ies dem Pfeiferle sei Schatzale, die Erika drauf miet dem Pfeiferle und dazwieschn die Wierschtln. Und aufm zweitn Büldl, der nebm dem Fiam, des ies unsa Pfeiferle
Wientsch Eich ålln an scheenen Tåg.
|
| ruflo am 09.01.2011 14:51 (vua 5430 Tåg) |
Jåjå, sågn mir hålt "Wuwa" ies so a Årt Wuwutzela odaso. Åbe hiatzt ergips siech die Fråge: wås ies a Wuwutzela? Und wenn des giklärt ies, muaß man frågn ob aa Wuwutzela niet falleicht doch eha a Wuwa ies?
Unsre Kienda håbm schon gwusst, wås Wuwa ies. Wenn senen wås weh gitån håt, håbmse gjaammat "Wuwa! Wuwa!".
Falleicht håmtze åba lei a Wuwutzela datrutzn gwöllt. Odaso.
|
| ruflo am 09.01.2011 10:23 (vua 5430 Tåg) |
Hallo, Irmi. Gehtzdaguat? Lei da Kuhle ies noch ållaweil in sein' Bett.
Ies es kfährliech bei Eich miet'm Hochwååssa? Hoffentliech niet. Bei uns werdz hiatzt aa ållaweil mehr triab und murgn solls ieber 900 m schneibm. Und då ghearn mir, mit binåhe 1000 m aa dazua. |
|
|
|
|
