|
|
|
| ruflo am 08.01.2011 06:08 (vua 5431 Tåg) |
Pfeiferle - i gfrei mi mit Dir, dass es Dein Fiam besser geht. Werst sehgn, wert schon wieda.
Scheene Griaß nåch Canadium!
Und zum Thema Bocuse: Jå, i terfat sugår schon heuraten, weil Kaasnudln krendln kånn i aa. Jå.
Aan guatn Morgen und an scheenen Såmståg wientsch i eich ålln und Eelsadiehnendosnen måch i kaaane auf, weil i des Fieschzeigs eh niet so gern mögn tua.
08.01.2011 09:09: |
| ruflo am 07.01.2011 17:19 (vua 5432 Tåg) |
Wås, Dosn aufmåchn... Aaa maanst i bien falleicht niet so bleed, wia i ausschaug, ha? Aa biessale mehr kånn i schon als wia Dosnen aufmåchn und ån mir ies a Kiechenschäffe valurn g'gången, weil i kånn da von jedm Giriecht sågn obs mier schmeckt oda niet. I bien so a Årt Kreizna Bocuse und i koch' nåch da Nuhwell Kuisiehne. Fåstbinåhe frantschöschitsch. Lei Froschschenkln, Krahwadln , Schnecknen und settezeigs gips bei mir niet. 07.01.2011 17:21:Und hiatzt geh i und såg "Pfiateich" fier heit. Murgen ies aa noch a Tåg. Hoffntliech. |
| ruflo am 07.01.2011 16:56 (vua 5432 Tåg) |
Naa, Mietzale håt heit niex gikocht, heite wår iii da küchenschäf. Håt åba trotzdem guat gschmeckt.
07.01.2011 16:57:Pass lei guat auf miet dein' Radisålåt, dass d' niet davonflåtterst. Da Flieglschlåg von aan Schmettaling in Kiena kånn aan Uhrkahn in da Siedsee vauhrsåchn - wås werd nåachan erst gschehgn, wenn da Kuhle in Wernberg ... Naa, niet auszandenkn...
|
| ruflo am 07.01.2011 07:16 (vua 5432 Tåg) |
Uiuiui - er lebt noch. Hallo Kuhle, gehtzda i@ oda @? Des ies scheen. I håb mir schon Surgn gmåcht um Di. Auf da Wölt passiern jå abokalüptiesche Såchn: In Americka und Schwedn fålln Tausende putte Fegl vom Hiemml, in Köln (mei Beileid Irmi!!!) zaspriengt da Klöppl von da Domglockn und bei uns herrrrschn ålweil noch Dörflers, Scheuchs, Martinzes und Ginossen und nehmen uns in Geislhåfft, in Wean håltet unsa ReGIERung iemmer noch in ehrfurchtsfollem Schweigen zu Justietz-, Steier- und Schmiergöldskandall und sunstigen Kallamitättnen - fier de natierlieh die Unschultz-vamuhtigungen gölten tuamt - stiell und enthåltet siech jegliecha Rephurmtätighkeit, und hiatzt giebt aa noch Dei Petzeh sein Geist auf? Schröcklich - wo werd denn des noch hienfiehrn, haa? I maan- dareckt in den Åbgrund. Jå. Dareckt då eine. Oda es steht uns es End da Wölt bivur. (Die Wölt steht bestiemmt niamma lång, lång, lång...)
Åba åbgsehgn davon wientsch i eich derwegn an guatn Morgen und an scheenen Fensta-Freitåg. |
| ruflo am 06.01.2011 06:24 (vua 5433 Tåg) |
Uuuiiiii - so a Betrieb gestern ... Is da Kuhle krånk, oda håt er lei niex zum Essn kriagt? Und håmtze kaa Weetta ghåbt in Wernberg?
I wientsch Eich an guatn Morgen und an scheenen Fajatåg.
I fier mein Teil måch mi heit' aa a biessale rahr. Unsa liabste Schwiegatochta håt Geburtztåg. Und då seimma mir niex dahaam, weil mir in Fiellah sein tuamt.
Pfiateich bis auf d'Nåcht oda murgen odaso.
Seas Pfeiferle. Tuat mir so laad mit dein' Fiam. Jå, dås ies so - als Tierfreind muaß man aa loslåssn können und wenn aa es Herz weh tuat - es nutzt niex. Die meistn Viecherln werdn hålt nit so ålt wia mir Grufties und in de beinåh fuffzg Jåhr, wås mir, es Mietzale und i, vaheiratet seind, håmma iemma Hunderln und Katzlen (und Fogalan und Meerschweindln) ghåbt und se iebern Regenbogn gehn gsehgn. Des tuat weh. Und als Optimist muaß man hålt sågn "Niet traurig sein, dass es vurbei ies, sundern sich frein, dass de scheenen Stundn miet unsre Freind gwesn seind und unsa Lebm bereichert håbm."
|
| ruflo am 05.01.2011 06:52 (vua 5434 Tåg) |
Aan guatn Morgen und an scheenen Tåg, ohne vafiensterte Sunn, wientsch i Eich.
Da Wienta schlågt voll zua. Es ies wolknlos, åba es håt derzeit -15°! |
| ruflo am 04.01.2011 07:18 (vua 5435 Tåg) |
... niet daschreckn, wenn heit stått da Sunne da Hålbmond aufgeht! Heit gips glei in da Fruah a Sunnenfinsternis, åba de ies båld vurbei und nåachan ies wieda ållas nurmahl. Keine Bahnick auf da Didanick.
Fibile, håst wohl aane finstern Glaslen zum Durchschaugn?
An guatn Morgen und an scheenen Tåg wientsch i Eich! |
| ruflo am 03.01.2011 07:05 (vua 5436 Tåg) |
Hoffntlieh håt die Antn den Kuhle niet zriessn ... ? Waarat scheen schåd.
Aan guatn Morgen und an wunderscheenen Tåg (bei uns derzeit wolknlos und -9°) wientsch i Eich und hoff, dass es Eich guat geht. |
| ruflo am 02.01.2011 16:39 (vua 5437 Tåg) |
Zwaarevierzga Schuach seind nurmahl und Gummistiefl seind Stienkstiefl und da Samonig ies schon lång gsturbm, der haaßt hiatzt Kack oda Kick odaso und gheart da Ferohna Feldbusch oda Pott odawiadehaaßt und in de Kinesn wo des Gwånt zsåmmnahn tuamt und wennst fiern Busn a Hängematte brauchst, gehst am bestn in die Mariagailerstråßn, då gips a Spetziahlgischäft fier Tschämping. Des ies des Haus miet dem Segel, wo i mi beim Vurbeifåhrn ållaweil wundern tua, dass des bei an Uhrkahn niet davonsegln tuat.
Åba i segl hiatzt davon und såg Pfiateich, bleibz xund und praf.
|
| ruflo am 02.01.2011 08:07 (vua 5437 Tåg) |
Seas Beale. Jå, frågt man jå oftamål, wenn aana an Grant håt wia a Bettscheißa: "Aa biest heit miet dem fålschn Fuaß aufgståndn?" Also i fier mein' Teil håb so ån die drei Fiaß und aana davon ies siehalieh a fålscha, oda zumiendestn a nixnutziega. Åba damiet aufstehn, des geht niet. Hihi...
Niet bees sein, wenn i mi im Feißpuck (Gfrießabiachl) kaum bies ieberhaupt niet möldn tua, åba des ies (wia i schon öfta xågg håb) fier mi aanfåch vülzvül vawierrend. Bei de degenen Acktifitättnen kumm i anfåch niamma miet. Des ies fier a åndare Dschenaraischn gmåcht wurdn. I håb mi zwår schon brupirt åbmöldn von dem degenen Farein, åba iergendawia funzt des niet. Siehgstes, nietamål des bring i z'stånd.
Åba Deine Büldln Bea seind, wia iemma, große Klasse.
02.01.2011 08:45:... und wås mi schiach nerfn tuat: bei vül Intanetzseitn gips hiatzt niet lei Knopfalan, wo man aufpassn muaß, dass man niet bleedaweis sich zu iergendwås vapfliechtet, wås bistöllt oda zåhln muaß, wås ma gårniet wüll, sundern då seind neiche Knopflan "Gefällt mir". Und - ruckizucki - schon håst wieda im Feißpuck a Äcktschn gsetzt, dee di späta amål wumöglich noch jåhrelång vafolgn tuat. Und wås Du niamma los werst.
|
|
|
|
|
