|
|
|
| ruflo am 14.12.2010 07:02 (vua 5456 Tåg) |
Chrischtele, i håb aa noch a påår guate Råtschläg fier Di: Vagiess Dei Göld aanfåch dahaam - kummt Dir billiger. Und fier Notfälle nimmst es Plastig-Kartale mit. Zum Spazierngehn ziahgst da a Bådegwandl ån und wennst ins Hallnbåd gehst, leg aane festn Schuach ån. Auf d'Nåcht setzest die Sunnenbrülln auf, damiet scheen fiensta ies. Werst sehgn, nåachan kånnst guat schlåfn. Jå. Und låss die niet z'vül von de Massöhre und -rinnen derorrisirn. Wenn se Di z'vül kwählen tuamt: a klaana gspülta Onnmåchtzånfåll wierkt Wunda, werst sehgn! Und sunst wientschn mir Dir an erholsåmen, xundn und wunderscheenen Aufenthålt bei Deina Kuah. Dein Låppntopf niemmst eh miet, nåachan kånnst uns jå laufend biriechtn, wia's Dir geht.
Båa - nein Grad und des MINNUS! håtz heit, ies wölten friesch. Åba da "Friesch-und-Xund" kummt erst in fürzehn Tåg. Vurher kummt noch es Kristkiendle und i gfrei mi schon derårtig!
An wunderschönen, frieschn guatn morgen und an erbaulichn Tåg wientsch i Eich.
|
| ruflo am 13.12.2010 18:17 (vua 5457 Tåg) |
Naa, Chrischtele, die Stierwåscha seind unsre nördlichn Nåchbårn, die Sålzburger. Mostschädl gips im låvntål und in OÖ und die Kropfatn seind in da St. Ajamårk und bivur mir aana aans aufn Plutzer drischt, schleich i mi und såg pfiateich. |
| ruflo am 13.12.2010 17:17 (vua 5457 Tåg) |
So, bin wieda dahaam.
Fibile - jå lies i då richtig? Bezirk hin, Bezirk her - i håb ållaweil gedåcht "Wien bleibt Wien". Jå håbm de denn bei eich noch kaane Kombutter mit Intanetz? A so a Schaaß, hearst; von aan Bezirksgiriecht muaßt zum åndern laafn. Und wo bleibt då da "Kundndienst" und die Vawåltungsrifurm? Kaa Wunda, dass de fier ålle Entscheidungen soooo lång brauchn tuamt bei de Geriechte. Des ies ännliech wia bei de Krånknhäusa. Bei jeda Einweisung werd ållaweil ållas nei aufgnummen, stått dass de in senare åbgspeichertn "Kundn"datn eineschaugn taatetn. Tststs - die Wölt steht niamma lång. De könntn doch die ieberzählign Åmtzschiemmln zua de Lipizzana schicken, in die Hofreitschul. Hihi - warat a Gaude a påå Pferderln in Robe zan sehgn...
|
| ruflo am 13.12.2010 07:43 (vua 5457 Tåg) |
Werst sehgn, wenn i es näxte Mål an Sterz kriag, håst Schnaggerle-Stoßn. Und die Prientschl heb i Dir auf, bis Du es näxte Mål nåch Kärntn kummst. Mietzale und i, mir denkn vül auf Di und wientschn Dir a guate Bessarung!
Bea - bist schon wieda fleißig? Tua Di lei nit z'vül åbrackern, lei scheen långsåm und gimiatlich!
So, da Bello wårtet aa schon vur da Haustier - des haaßt "Ruflo ziahg die Tscherfl ån, schlupf ins Jankerle eine und gemma a Runde! Und vagiess die Tschudlhaubm niet!" Handsch wer' i jå kaane niet brauchn, weil so kålt ies es aa wieda niet.
Und nåachan fåhrn mir nåch Villach. A påår Sachalan seind noch zum Bisurgn fiers Kristkindle. Pfiateich bies auf d' Nåcht odaso.
|
| ruflo am 13.12.2010 06:38 (vua 5457 Tåg) |
Seas Pfeiferle. Jå - mit dem Kanadischn Winta können mir nit mithåltn, åba fier uns glångt's. Die Kinda und die Hund håmt sena Gaude und mir ies es Wurscht. Die Stråßn is eh schneefrei, und a biessale a Schnee låsst aan die Költn niet als gåraso kålt empfindn. Scheene Griaß nåch Canadium! I R M I L E - gehtzdaguat?
Scheene Griaß nåch Colonia. I vamiss Di då bei uns im V-Net. Hoffentlich ies Dir nix passiert?
Ålln Åndern, im Allgäu, in Wean, in Fahrradelberg und då bei uns in Kärntn, sowia ieberhauptz ieberåll wo unsa Seitn gfundn werd: an guatn Morgen und an scheenen Montåg!
|
| ruflo am 12.12.2010 16:28 (vua 5458 Tåg) |
Apfentstiemmung geht aa ohne Glühwein.
Und da Mein Kuhn haaßt zwår Mein Kuhn, ies åba niet meina, der gheart unserm Buabm.
Und i såg "Pfiateich" fier heit' - Murgn ies aa noch a Tåg. Hoffntliech |
| ruflo am 12.12.2010 08:00 (vua 5458 Tåg) |
Apfent, Apfent, drei Lichtlein brennt...
An scheenen driettn Apfentsunntåg wientsch i eich und natierlich aa an
guatn Morgen!
12.12.2010 10:15:Da Bello nimmt a Morgenbådwww.flickr.com/photos/duellerfarm6.static.flickr.com/5166/5253859086_5615ba5d5f_b.jpg
Wunderscheen ies a so a Morgenspaziergång. Da Schnee glitzert beim Sunnenaufgång. Apfentstiemmung! Lei mir Draje, die Sally, da Bello und i seimma unatawex. Es is soooo still und leise - lei die zwaa Krah, de uns oft bigleitn, måchn åb und zua a Gschraa. Åba den Bello stört des kaum, er nimmt sei Morgenbåd im größtn Bådewanndl, dås mir in da Kreizn håbm tuamt, beitlt siech åb und denkt siech wåhrscheinlich "Scheen wår's!"
|
| ruflo am 11.12.2010 07:59 (vua 5459 Tåg) |
Seas Pfeiferle! Jåjå - die Illegtrohnick - de ies schon so a Gschiecht... de fiehrt a Eignlebm und pflanzt uns her, dass lei so a Freid ies. Kånnst måchn nix - stehst danebm wia im Walde. I maan hålt ållaweil, i steh im Wåld, oda "biseid meisölf" wenn i a Bidienungsånleitung von so an illecktrieschn Krafl lesn muaß. A dieckes Buach mit 349 Seitn, in Inglitsch, Frantschöschitsch, Italienitsch und Krawåtitsch, in Tschechitsch, Dänitsch, und und in Schrieftn de i går niet kenn, Arabitsch aa noch dazua von rechts nåch links gschriebm, oda Küneschitsch von obn nåch untn, und bies i auf den daitschen Teil kumm, (weil als vaåntwurtungsbiwussta Ånwenda lies i des ållas durch, des gheart siech a so!) ies des Glumpp schon hienig oda i håb meine Närfen weckgschmiessn. Ein HOCH der Globalisierung.
Wåhrscheinlich bien i als ålta Kråcha aa niamma fier die muderne Tächnick bredestinirt. Des ies, maan i, lei wås fier die Jungen. Meine Fähigkeitn, miet an Henndi umz'gehn hearn beim Tellefunirn auf. Und då håb i noch årge Brupläme beim Wähln auf de klaanen Tastn miet meine påtschertn Fienga. Fier mi ies a Henndi hålt lei a Tellefohn, wo man einsteckn kånn und sunst niex. Egal - kånnst niex måchn. Ies hålt so.
Und an guatn Morgen und an scheenen Tåg (SÅMSTÅG !!!) wientsch i eich. |
| ruflo am 10.12.2010 16:44 (vua 5460 Tåg) |
Maaa, Fibi und Bea, des Luadasweiblen des, an so an årmen Leerpeitl wumöglich in Bidrängnies bringen ;-)))) ... åba a Gaude warat des schon, jå. Lei mi brauchtz niet frågn - ies schon ållas rostig. Und Latte? Kaffee-Latte kenn i - åba sunst? Iesndesha? Wårdåamålwåsodawia?
10.12.2010 16:49:Uiuiui - da Kuhle braucht an Sex-in-Bus-Schliessl. Jå kånnst des niet dahaam måchn ha? Oda in Wean in da Uuu-Båhn? |
| ruflo am 10.12.2010 10:06 (vua 5460 Tåg) |
... håt aufgheart zum Schneibm? --- åba niet bei uns. Es schneibt ållweil noch volle Wäsch. Håmma schon wieda etlane Zentimetta Neischnee. Unsa Plan (Weinnåchtzschopping in Fiellah) werd aufgschobm auf näxte Wochn. Bei dem Schneegestöba bleibm mir liaba dahaam und unsa Fusion bleibt in da Kurasche. |
|
|
|
|
