|
|
|
| ruflo am 10.12.2010 07:52 (vua 5460 Tåg) |
Schneeflöckchen, Weißröckchen da kommst du geschneit ... Jå, schneibt schon wieda!
I wientsch eich åba derwegn an guatn Morgen und an scheenen Tåg. Wochnend in Sicht! |
| ruflo am 09.12.2010 11:50 (vua 5461 Tåg) |
Es stürmt und schneibt - da Friehling ies vurbei, da Wienta ies wieda dådedå. In da Fruah håmma so an Grauplsturm ghåt, i håb gidåcht mir schiaßts die Nåsn weck... Und die Sally håt aa lei aans wolln: Haam, haam, haam...
Magnum-Most werdz siehalieh gebm. Brauchst jå lei den tschampuhs ausaschiettn und an most einefülln.
|
| ruflo am 09.12.2010 07:17 (vua 5461 Tåg) |
Aa wia, Kuhle, >>>"eine Weinflasche mit 6 Litern Inhalt, siehe Champagnerflasche"<<<, sex Lieta? Jå wer sauft denn sowås, ha? Då håst jå an Fetzn, dass d' di sölba niamma kennst. Siehgst siehgst, sowås kummt ausa, wenn man maant, man ies schon neinesiebzg, dabei werd man erst neinesechzg. Åba zehn Jahrlen auf oda åb - wås ies des schon.
Lei i bin froh, dass i erst 75 bien und niet 85. Då warat i jå schon binåhe a Juppie Heesters. Dabei kånn i går niamma guat siengen.
An guatn Morgen und an scheenen (auweh, bei dem Weetta!!!) Tåg wientsch i eich, und sauftz niet z'vül vom Kuhle sein Tschampanja - kriagt man lei Schädlwuwa. |
| ruflo am 08.12.2010 18:13 (vua 5462 Tåg) |
Wenn da Kuhle 79 werd in aanige Jahrlen, werd er siehalieh a grüllpartie schmeißn. Åba bies durthin ies noch lång.
Und i geh hiatzt jausnen und såg pfiateich.
Schnecki - a scheene Houmpeitsch håbbes, lei vastehn tua i Båhnhof. Ies jå ållas frantschöschitsch oda inglitsch då drauf. Und ies des, auf dem Büldl - hihihi - der Hund wo den Jaga daschossn håt? |
| ruflo am 07.12.2010 06:08 (vua 5463 Tåg) |
Sockn wåschn... - Sockn braucht man lei wåschn, wenn sie den Sockntest beståndn håbm. Den Sockntest håt unsa Bua erfundn. Der håt seine Tennissocknen auf d' Nåcht aufn Büldschierm vom Färnsäha gschmiessn. Seind se pieckn gibliebm, håt er xågg "Maame, biettscheen wåschn!" (håt wås miet an Hasalan z'tuan, Ad Häsijohn odaso) - Und wenn se åbegrutscht seind, håt er gmaant "De gehnt noch an Tåg!"
Und aa wenn ihn da Kuh noch so gern håbm möchat, mein Bauch gieb i niet her, den b'hålt i sölba. Jå.
I wientsch eich an guatn Morgen und an scheenen Tåg.
|
| ruflo am 06.12.2010 18:42 (vua 5464 Tåg) |
Mei Wampale ies mei eigenes sölba giziechtetes Fleisch und wia kånn i auf sowås wundascheenes bileidikt sein? Tststs, aane Idäen håt der Mäntsch... |
| ruflo am 06.12.2010 17:35 (vua 5464 Tåg) |
An liaben Gruaß vom Pfeiferle und von da Erika.Er håt mi vur a påår Minutn ångruafn, sei PC ies hienig und er håt ihn miaßn zur Rebiaratuhr briengen. Wenn sei Petzi wieda xund ies, möldet er siech wieda. Bies durthien soll i eich scheen griaßn und ihr - vur ållm da Kuhle - solltz scheen praf bleibm. Und xund aa.
I muaß hiatzt Schluss måchn und såg Pfiateich bis murgn.
06.12.2010 18:24:>>>"fiass aufe aufn tisch, kerzale dazu onzindn"<<<
Mei Mietzale tuat aa oftamål a Ziendhölzle aufm Häusl ånziendn, wenn's durtn går z'vül muffln tuat. Hihi... Soll ångäblich den Giruchen neu tralisieren, sågg se.
Håbbes des dås schon bimierkt? I håb ehndlich auf meina das Tatuhr a Knopfale gfundn, mit dem man groaße Buckståbm aa schreibm kånn. Lei dass des "das Tatuhr" haaßt und die "die Tatuhr" oda går "der", des ies mir erst vur kurzem xågg wurdn. jå.
Då håms de Inglitsch vül leichta, bei de ies ållas "se" - also taatetn de sågn "se Tatuhr". Sågntze åba niet, weil de miaßn iemma wås Eggstrieges håbm. A sugenånnte Eggstrawurscht. De sågntdazua "se kiehboard" - und klaan schreibm tuamtz des aa noch. Fier wås brauchnt de a Knopfale, ha? Und wås håt so a das Tatuhr mit Kiehe z'tuan? Ha? Går niex. Åba såg des an Inglitsch, maanst eppa, der glaabt dir des? Muuuuh!
Åba hiatzt bien i furt wia Weihrauch. Bies murgn nåachan.,
|
| ruflo am 04.12.2010 16:59 (vua 5466 Tåg) |
jå, es håt aufgheart vom schneibm, die sunne håt a biessale brupirt zwischn die wolkn ausaguggn - åba niet lång, weil hiatzt håt sie miaßn schlåfn gehn. des muaß aa die sunne, nutzt niex.
pfeifale - a wia maanst - da bello tuat spur tretn? haha - dass i niet låch ... der ies jå a schlaua fux, der låsst mi vuraus gehn. und gånz hientn wedlt die sally dahin.
i wientsch eich an scheenen åbnd und a intarissantes färnsähn. falleicht sugår mit'm gummibärli, mit dem berufsjugendliechn plåppergoscherl.
pfiateich bies murgn odaso. www.flickr.com/photos/duellerfarm6.static.flickr.com/5162/5231232835_842d3b7ae6_b.jpg |
| ruflo am 04.12.2010 06:52 (vua 5466 Tåg) |
jå, pfeiferle, sooo an haufn schnee gips bei uns. und frieher um sexe, wia i draußn wår die zeitung holn, håtz schon wieda gschniebm. unsa fleißiga schneeräumer waaß schon niamma, wo er die schneehaufn mit sein' trakta hinschiabn soll. und die kreizna stråßn ies aa noch zua. åba håst recht, pfeiferle - es ies die zeit fiern schnee. wenn hiatzt niet, wånn nåachan? gscheita hiatzt als wia nåachan im fruahjåhr.
die schifåhra frajen siech ieber'n herrlichn schnee. lei ieber die liftpreise weniga, åba kånnst nix måchn, werd hålt ållas teurer. des mit die preissteigarungen ies aa sowås ännliches wia a natuhrereignis.
i wientsch eich an guatn morgen und an scheenen såmståg! |
| ruflo am 03.12.2010 21:59 (vua 5467 Tåg) |
seas wuhte. des ies a freid, dass da scheffe aa wieda amål då ies. gestern håb i iebrigns dei weible im "kärnten heute" gsehgn. gehtzdaguat - åbgsehgn vom stress?
scheene griaß nåch wean ause und pass auf di auf.
a guats nachtle aa ålln åndern.
vom schneibm håtz aufgheart und ies aa zeit. 65 cm schnee, und des in da stådt villach ies - maan i - gnua.
so, die sally håb i ausm bett ausa gschmiessn, hiatzt håb i plåtz drien und såg pfiateich fier heit'. |
|
|
|
|
