... von wegn raunza: es schneibt schon wieda - noch iemma - 10 000 haushålte in kärntn ohne strom - saumäßige stråßnvahältnisse (zu uns aufn berg kummst lei miet kettn aufa) - åba sunst: ies hålt ållas scheen weiß und so weita.
jå, es schneibt wieda und es schaugt so aus, als obs erst richtig dick kummen wollat. dabei håmtze im lesachtål hiatzt schon mehr åls 70 cm schnee, und bei uns ies es aa a guata hålba metta.
und sunst? nix neichs, ållas beim åltn. die infecktziöhse scheißarei und speibarei håt siech a biessale gebessert (unsa lehra ies gestern mit aan aanzign diandlen in da schual gsessn, ålle åndern seind krånk!) - mietzale und i seimma wieda "geheilt" und i maan, es werd gaxt beessa. und die sally ies eh xund und da bello aa. also so im großn und gånzn gehtzunsehgånzguat. und hoffentlich eich aa?
ålsdånn: påck'ma den driettn dizemba. an guatn morgen und an scheenen tåg eich ålln!
