|
|
|
| ruflo am 28.11.2010 18:16 (vua 5472 Tåg) |
jå, beale, es ies a pråcht. und es schneibt und schneibt und schneibt ... wunderscheener truckener, feiner schnee. dås ies a schnee, der liegnbleibt. dås ies a apfentzauber, wia er mir gfålln tuat. då huckn echt die weinnåchtzengalan hienta die tånnenbaamlen.
mir håbm derzeit so ungifähr 20 zentimetta neischnee.
i wientsch eich noch an scheenen sunntågåbnd und såg pfiateich bis murgn. |
| ruflo am 28.11.2010 15:49 (vua 5472 Tåg) |
jå, schneibm tuatz fest, und da blåse geht. håb i hiatzt wolln miet da sally a runde måchn - åba sie wüll niet. ies mir aa rächt - terf i aa dahaam bleibm.
und plunzn miet kraut und tschompa ies wås guatz, fier den, der's måg. i mågs niet. åba mir håmma heit eh beim nåchbårn, beim ebnerwirt, suppa gspeist. |
| ruflo am 28.11.2010 15:33 (vua 5472 Tåg) |
???
wås des soll? des seind drei frågezeichn. wenn då aana wås daher gåggert, wo kaa mäntsch waaß, wås des soll, dånn werd man jå noch nåchfrågn terfn. und wenn aana sich då als wöltmaasta aufpudlt und dauernd die åndern belehrt wås karntnerisch ies und wås niet, åba sölba oft an so an schaaß z'såmmschreibt, dass man lei råtn kånn, wås er maant, nåachan muaß man ihm hålt es ixte-mål dazähln, dass obm in da gölbm åbsendazeiln a klaana bleistieft ies, mit dem man ålle tippfehla ausbessern kånn.
und hiatzt kummen !!! drei ruafzeichen. des haaßt: wennst wüllst kånnst hiatzt auf mi ångfressn sein, oda aa niet.
des ies mir wurscht - weil i bin's aa scheen långsåm.
pfiateich fier heit und noch an scheenen apfentsunntåg. |
| ruflo am 28.11.2010 09:02 (vua 5472 Tåg) |
maa, hee, tohk-shoos und papa ratzi ... suppa. bea, såg ma bischeid, wenn di die ruaßwurm oda die kahlich dawuschn håt und a biessale interwifft. |
| ruflo am 28.11.2010 05:11 (vua 5472 Tåg) |
naa, pfeiferle, i wår niet da wohltäta - i bin vurm tefau ghuckt und håb då gestern niamma einagschaugt. unsaSCHNECKI
wår so freindlich und håt dei büldl vaöffentlicht.
i bin schon so früah auf, weil i schnell håb miaßn a kierzle ånziendn, damiet dass i jå niet vagiess.
eich ålln wientsch i an guatn morgen und an scheenen erstn apfent.
|
| ruflo am 27.11.2010 16:02 (vua 5473 Tåg) |
i kenn se jå wohl, schaugnt aus wia gurkn - lei niet gånz wia gurkn, seind niet so långelet sundern mehr rundlich und nåachan seind se a niet so grean wir gurkn sundern mehr lüllawioleht und schmeckn tuamtze aa niet gånz wia gurkn åba sunstn seindse völlig wia gurknen. jå. die mellantzahne seind hålt so a årt "blede gurkn".
und wennst aan stier von hientn ånschaugst, waaßt wiaso dei nåcht bår ajafriechte dazua sågg. lei den seine dienga seind niet gånz so lüllawioleht. und den schwaaf muaßt auf die seitn tuan, weil den maan i niet. naa.
|
| ruflo am 27.11.2010 10:21 (vua 5473 Tåg) |
jå, hihi, i bin da grinch. oda de grimmlaus aus da weihnåchtzgschicht von dickens. vom tscharlie, ...
waaßt eh wia des ies: jedem tierchen sein blähsierchen. åba soo ies es jå aa wieda niet, dass i weinnåchtn går niet måg, naa. wås i niet måg, seind die auswüxe und die kommerzialisierung, des wås die wirtschåft aus da "stillstn zeit des jåhres" gmåcht håt. soll noch aana sågn, weihnåchtn ies a besinnliches fest ... hahaha - då kriag i an låchkråmpf.
und gschniebm håts aa. niet vül, åba die kinda und die hundling gfreits.
27.11.2010 10:29:måch da niex draus, beale, tua lei schwörmen von die weinnåchtn. ies jå nix gfahltes, wenn die leit vaschiedana meinung sein tuamt. |
| ruflo am 27.11.2010 07:01 (vua 5473 Tåg) |
an guatn morgen und an scheenen såmståg eich ålln.
fibile - dånkdascheen fier die berührenden liader. måch lei dei apfentkranzle - i bin sieha, dei klaane freindin schaugt dir von obm åba zua und gfreit siech mit dir. und nimm des, wås da rudolf florian, der ålte sudhäfn då untn schreibt, niet gåraso ernst:
apfentkranzlen und weinnåchtzdeckuratziohnen seind jå so a såch. i måg sie niet so gern, i håb am liabstn die wein-nåchtzkeckslen und i fråg mi iemma, warum man de erst am heilign åbnd essn terf, sågg mei mietzale, und nåachan wölgn se bies ostern in da blechtschåchtl umanånda. warum gips im august und im oktoba und so kaane weinnåchtzkeckslen und kuckucksbussalan? iebrigens schreit da kuckuck jå schon im fruahjåhr und niet erst im apfent odawia. familienkipflen seind aa wås guatz. åba apfentkränz? de kånn jå höxtens da kuhle fressen. i måg de niet. sowås kummt mir niet ins haus. und murgn ziend i då drauf es erste kierzle ån.
wenn iiii in aan gschäft "tschinglepells" hear, geh i am liabstn hintarische wieda ause und wenn de då "süßer die kassen nie kliengen" und "whaiiiit grissmäss" dudeln, kriag i die kriehse.
und wenn i des depperte liad vom bsoffenen rudolf mit da rotn nåsn hear - wer' i taamisch. jå såg amål, bien i falleicht a renntier oda sowås? ha? a ölch falleicht, nåjå, weil den ölchtesst håb i schon biståndn. åba a renntier? des gips jå lei bei die låppn. und håb i falleicht an roatn pöppl? ha?
|
| ruflo am 26.11.2010 16:21 (vua 5474 Tåg) |
es schneibt, schneibt, schneibt, ... gånz fein und truckn, des ies a schnee, der liegn bleibt (wenns niet wieda würmer werd). derzeit håmma etwa 10 zentimetta. pfluag ies noch kaana gfåhrn. scheen guat, dass i glei in da fruah in feistritz wår einkaafn, hihi, brauchn mir ibern sunntåg niet vahungern. warat scheen schåd um uns - oda eppanietha? |
|
|
|
|
