|
|
|
| ruflo am 22.11.2010 07:18 (vua 5478 Tåg) |
seas bea, seas ålle villacher.net-kumpl. i wientsch eich an guatn morgen und an scheenen tåg - aa wenn's weetta niet so scheen ies. es schnee-regnt und man könnet völlig triabsiennig werdn - åba so schnöll låssn mir uns niet untakriagn. es werd schon wieda beessa werdn.
22.11.2010 08:29:jåjå paasst schon: ieber die windische höh her werdn die nebl-schleierlen schon gliachta und man siehgt's a biessale blauelet durchschiemmern. falleicht werd's jå doch a freindliecha tåg.
i håb gråd mei morgenrunde mit sally und bello durch die schottagruabm gedraht. die huntalan håmt a fleischstangale als bilohnung kriagt - iii niet :(((
|
| ruflo am 20.11.2010 08:29 (vua 5480 Tåg) |
pfeifale håt recht: die senile bettflucht ... schlåf guat!!!
åba heit bin i eh spåt drån: wår i schon auf aana tolln reise durch mexiko (national geographic HD im tefau).
und hiatzt geh i mit die hundalan a runde, åba vurher wientsch i eich noch an guatn morgen und an scheenen såmståg. |
| ruflo am 19.11.2010 16:48 (vua 5481 Tåg) |
jå, pfeiferle, bei uns håtz aa den näxtn (den erstn håmma schon ghåbt) schnee g'gebm, åba gottzeidånk lei rundummadumm auf die berg. då ies ållas weiß. und i maan, bies zum erstn riechtigen schnee bei uns in da kreizn då werdz noch a biessale dauern: es seind noch an haufn nådln obm auf die lärchnbaam. åba es werd scheen långsåm grittisch - jedn tåg werdns weniger. |
| ruflo am 19.11.2010 07:14 (vua 5481 Tåg) |
ob-die-miss-muss ies a scheene såch, und die sunn kummt hålt (ob sie will oda niet) - des maan i damit.
wientsch da viel spaaß bei deina einweichungsbartie, bea. und jå, gfrei mi, dass des zwaa (es fibile und du) eich so guat vastehn tuabbes.
lei dass da kuhle mi zum augnårzt schieckn wüll, des gfreit mi weniga. de stundnlånge wårtarei - aa wennst an tehrmien håst - de kånn mir gstohln bleibm. håb eh schon baade starmäßign guggalan opariern låssn. bei da kuntrolle wår i aa schon vur kurzm, hiatzt ies amål a ruah odawia.
so - und freitåg ies heit aa. dauert niex, fångt es wochnend wieda ån. und aa scheenes settenes, sowia an guatn morgen und an scheenen tåg wientsch i eich.
andale: niex sunne, regnen tuatz! |
| ruflo am 18.11.2010 15:23 (vua 5482 Tåg) |
da kuhle und seine wunschträune - i waaß niet, wo der aa sunne siehgt? håt er hallunkinatziohnen? nåjå - bei uns scheint sie jå aa, åba leida jensteitz und ieber die dieckn wolknen. de seind hålt dazwieschn.
ob-die-miss-muß ies jå aa a scheene såch. wohl. lei maastns muaß sie hålt niet. |
| ruflo am 18.11.2010 06:56 (vua 5482 Tåg) |
pfeifale --- biestdennha?
-----------------------------
an guatn morgen ieberållhin, nåch villach, wernberg und spittal und gånz bsunders zu unsre freind von weitafurt: nåch kolonia zur irmi (irmile, gehtzdaguat?), ins allgäu zum schneck, nåch fahrradelberg und nåch wien (fibi, bea, wuhte, paolee) und ins am weitestn furtige kanadium zum pfeifale - åba aa ieberåll sunstwohien, wo ma unsa seitn fiendn tuat. sugår nåch klågnfurt am wertasee (WÖLTSTADT mit glåsfaserkabelnetz, aa jåhr nåch fiellah hålt - åba iemmahien!) an guatn morgen und an scheenen tåg eich ålln!
maa, bea, hund, hee - hiatzt håst går noch an trumm schtillaasch dazuagikaaft - suppa. und håst schon den ölchtest gmåcht? waaßt eh, bei de schwädischn såchn - uiii ---
einweiherungsbartie wüllst måchn? guate idää. åba i muaß leida åbsågn. i bin jå so a gibrächliches mannkale. de zeitn seind vurbei, wo i in da wöltgischiechte umanåndagitschettet bin. fier mi heart die wölt a biessale hienta fiellah auf. jå, leida. kumm i niet amål mehr in unsriege wunderhiebsche hauptstådt klafu am wece. bleedsinn am wesee natierlich. åba a hefale fiellaha könntet i dir auseschieckn nåch wean. und vagiess niet, an pfårra einlådn, damiet er miet sein weichpemml der såche den hümmlischn sehgn gibt. und in gidånkn bin i natierlich bei deina bartie dabei. jå. åba ächt.
18.11.2010 07:10:jå a påår von der erbslen seind iebrig gibliebm. de wernd demnäxt zamåtschgert und in aana erbsnsuppm miet an wirschtle ghabert. jå. |
| ruflo am 17.11.2010 17:28 (vua 5483 Tåg) |
dei tagebuch oda es zweitbuch?
i håb aa a zweitbuch und des håb i sugår schon lesn brupirt. ies går niet so leicht lesn die grimmign märchen, wenn ma legastinieda ies.
|
| ruflo am 17.11.2010 15:54 (vua 5483 Tåg) |
du, schoba, i maan in storch seine butzelen briengt die krah. weil sölba werd er jå niet können? odawohl?
kuhle, schnårch lei niet z'laut. niet dass i di gaxt bis zu uns aufa hearn tua.
|
| ruflo am 17.11.2010 15:16 (vua 5483 Tåg) |
jå klår, seind wiechtig. wer taatet sunst wiessn, wiavül erbsalan in an erbsnreis driennen sein tuamt und ob des hiatzt a rissipissi ies oda niet. 17.11.2010 15:23:bis auf zwaahundatsiebmesechzg bin i kummen. åba des sågt hålt aa wieda nix aus, weil des ies brupurtzionahl åbhängig von da masse reis, wo mann siech aufn tella schauflt. ies wia beim bertl seina rellatifitätzdeorieh. wenns d' ållas weckg'gessn håst ies aufm tella so a årt schwårzes loch. und die sally reahrt, weil sie niex mehr zum åbschleckn håt.
|
| ruflo am 17.11.2010 14:55 (vua 5483 Tåg) |
auweh - i bin sowås von miad. håmma heit erbsnreis ghåbt und i håb ångfångt die erbselen zähln ... håb i mi miaßn niedalegn und a runde nåpfezn. so miad bin i gwurdn. und gitraamt håb i aa: von ebrselan. greane!
17.11.2010 15:02:a geh, kuhle, radium ies jå wås alektrisches - oda atomares. waaßt eh, die madamm kührie und so ... ies des falleicht a wäschamaadl gwesn? oda håt dee die atommpompm erfundn? nåachan gheart der åba schleinigst da nubellpreis wieda weckgnummen. jå.
und die daitsche bundesfrau, die markelangela odawiadehaaßt (niet mietschelangelo, der håt lei von ihrn a burträt gmålt), de håt aa wås miet dem atomm z'tuan. gottzeidånk håt de kan nubell-preis gekriagt niet.
der hundling, wo des atomm dafundn håt, der gheart åba eeh in die wieste gschieckt. in die gobi aa noch dazua.
|
|
|
|
|
