|
|
|
| ruflo am 17.11.2010 07:03 (vua 5483 Tåg) |
regnen tuatz. neblig ies und triab. måcht niex - werd schon wieda beessa werdn.
an guatn morgen und an erfreulichen tåg wientsch i eich - es ies jå niet lei es weetta allaan, wås an scheenen tåg ausmåcht, da gheart schon mehr dazua. jå.
aa wia maanst, beale, blåttern? uii, muaß i es näxte mål schaugn. i maan, i tua jå (zwengs meine zahndalan, wo aanige surtn fest pieckn) lei mehr söltn kauze kojen, åba wenn, schluck i den ållaweil - schon zwengs da umwölt. wia schaugt denn des aus, ieberåll die påtzn aufm trottoah, und unterm tisch und unterm sessl, ...
|
| ruflo am 16.11.2010 17:18 (vua 5484 Tåg) |
de reklame von de aufgeblähtn bäuch und die xundn darmbakterien und vaklemmtn fürzlen geht mir sowås von aufn geist, dass i mir N I A im lebm iergendwås kaafn wer' wås von der degenen fierma kummt. naa - es geht aa "dann ohne" mit nurmalem jokurt, dås bei weitm niet so vül kostet und ginausoguat wierkt, wenn niet beessa. |
| ruflo am 16.11.2010 07:50 (vua 5484 Tåg) |
@bea - håb i gfundn dei hamatle. (in google-earth) bist då dahaam direkt in oberbuchach, oda mehr südlich - richtung straniger ålm zua - då seind aa noch a påår häuslan zan sehgn, gånz aufm berg drobm. oda falleicht går weita im nordn, richtung bodenmühl zua? egal wo's ies - des muaß a wundascheene gegnd sein, wo du dahaam bist. i - wånn i du warat - i taatet haamweh kriagn.
und zum temma stellasch: kaa brupläm, wennst a biessale mehr åbstånd zur maawa håst: niemmst an dieckn påtzn kauze und pfåggerst den dazwieschn eine. werst sehgn, håbt! oda haust es kabl ausa und valegst des durch die lufft. oda vur da stellasch vurbei iergendwia. es gips ebn fier jedes brupläm a lösung. jå. und wennst hålt dei riegahl a biessale schief stölln tuast, so gegn die wånd zuawe, taatet aa gehn. obm zuawepieckn und håbt.
jå da kuhle und sei blackath: i maan, der håt siech beim dockta worsegg oda wia der haaßt a påår scheenheitzobaratziohnen vapassn låssn. derwegn ies er heite noch scheener wia dersebm. lei schillerische schlaupotlüppen håt er kaane. iergendwia schåd - taatet er noch scheener sein. jå. kuhle mit schnauzpårt und küssigem goscherl.... tstststs - des warat aa augnschmaus fier die holde dahmenwölt... jå. brauchst preblauer aa kaans mehr åba a påår fiellaha zum åbeschwemman. hihi.
an guatn morgen
und an scheenen tåg
wientsch i eich
aa wenn es weetta heite
mehr pfuigagga*) ies.
*) niet lädigagga, naa, so schliemm ies aa wieda niet. |
| ruflo am 15.11.2010 22:15 (vua 5485 Tåg) |
nå gottzeidånk, da kuhle sietzt im stressless-esl und håt wås zum habern.
und i håb ma den zweitn teil von "säulen der erde" ångschaugt und geh hiatzt in die kiestn. pfiateich bis murgn. schlåftz guat und traamtz wås scheens. kuhle - traam scheen von die maischalan. |
| ruflo am 15.11.2010 15:32 (vua 5485 Tåg) |
seas bea. solång mir den kuhle vastehn, werds bei dir jå siehalieh kaane brupläme gebm. naa, siehalieh niet. i hån dein liabm "uhriginal obergailtåler, kirchbåcher spruch aus oberdöbernitzen" noch ållaweil durchschaugt. da herr wöltmaasta preblauer tuat zwår ållaweil miet uns ummameckern, åba ies jå wurscht. jeda redt hålt, wia ihm es schnabele gwåxn ies. an spatzlen sågg man jå aa niet, wia's tschwitschern soll. naa.
und zwengs da schtellaasch: solång er dier niet aufn kopf fållt, passt schon. bohra brauchst jå kaan. pick dem stellaasch aanfåch miet aan nåchtfogl-suppapick (schleia-eule oda uchu oda sowia) auf die maua. wenns håltet ies guat, wenn niet. håst - wenn er umfållt - wenigstns a biessala malta drauf und schaugt er niamma so schwädisch aus. jå.
15.11.2010 15:39:wås du mi am bestn frügest, frau bea ies: ob i niet als blackat da donna clara vom fiellaha bier kuckurrenz måchn könntetn taatet. auweh - i auf an blackat und die fiellaha brauarei ies a fåll fiern insolwenzriechta.
hui, heit håmma mir kaasnudln ghåbt. schon miet brauna puta, åba ohne topfn drien, dafier mit ertäpfl und grestate zwiefl und so. ertäpfl-nudl hålt. åba seind eh so guat wia kaasnudln. und greanen sulåt. jå. |
| ruflo am 15.11.2010 14:59 (vua 5485 Tåg) |
jå, fibi, sooo scheen wår der kuhle amål. ies er dareckt da "herr wöltmaasta preblauer". i taatet liaba da herr fiellaha sein. åba so scheen wia die donna clara bien i eh niet und außademm: mi frågt jå kaana. åba wenn mi wer frügert ... |
| ruflo am 14.11.2010 18:13 (vua 5486 Tåg) |
maaaa --- åba i hättat di niet erkånnt, weil du auf dem fotto sooo scheen bist. jå. bei mir ies umvakehrt: i fång hiatzt erst scheen långsåm ån a biessale scheena werdn. obs noch wås werd - i bizweifl des.
so und i vatschüssel mi fier heit. an scheenen åbnd noch und pfiateich. |
| ruflo am 14.11.2010 16:41 (vua 5486 Tåg) |
frau schoba - brauchst jå kaan schraufnziacha. ies bei dem zeigs wo du gikaaft håst, eh a unniwersahlwerkzeig dabei. miet dem kånnst dei schtellasch zsåmmmuntirn und wennsd' fertig biest, tuast es scheen aufhebm. weil miet dem kånnst ållas måchn: dei fåhrradl riparirn, den fottoparaht und wås waaß i wås noch ållas herriechtn, wenn hien ies, kånnst aa in da kuchl vawendn als kochleffl oda zum piezah-schneidn odaso, echt unniwersahl hålt. oda håst dem stellasch går schon zsåmmgibaut und aufgstöllt? nåachan pass lei auf, dass er niet umfållt. jå.
i gfrei mi auf heit auf d' nåcht. då kummt im URF 1 da erste (von viere) teil von "die säulen der erde" von follett. håb i miet bigeisterung glesn de 1200 seitn. und aa den zweitn teil (aa wieda 1200 seitn) "die tore der welt". und hiatzt lies i gråd die driette schwårtn von ken follett "sturz der titanen" - teifl, teifl, schon wieda 1200 seitnen - der kenny der håtz miet die dickn triemma ...
wenn der fülm lei hålbwex so guat werd wia es buach (wås lei söltn ies), dånn måhlzeit, des ies nåachan a plockpasta.
kuhle, auf dem büldl hättet i di nianiet gikennt. naa, nianiet. i hån ållaweil gidenkt, wenn du in de löcha umaschliafst, nåachan schaugst in deina höllnfurscha-unnifurm aus mehr so wia a grottnolm. åba då håt enk siehalieh die münneralwååssafürma a lietale wååssa zur vafiegung g'stöllt zum gsiechtle wåschn, göll? schon zwengs da wärbunk. dabei brennt enker lampale jå går niet. des wo des H2O2 einefülltz, oda nitroglitzariehn oda karpieht oda sowås.
wenn mir die donna clara a lietale fiellaha*) zur vafiegung stölln taatet, taatet i niet mei gfrießle damit wåschn. naa - i taatet des åbesaufn. und taatet mi dabei fotegrafirn låssn. jå. åba sooo --- ållaweil lei die scheenen leit tuamtze fotegrafirn. miet meina runkl kånnst hålt kaa wärbunk niet måchn. naa, eh niet.
________________
*) fier de niet eingweichtn: gmaant ies a hefale villacher bier.
|
|
|
|
|
