|
|
|
| ruflo am 19.09.2010 07:35 (vua 5543 Tåg) |
jå, schnecki, zum temma weetta - und wer schuld drån ies: also iii, i bin apsolutt unschuldig. weil ob monntåg oda miettwoch oda sunntåg - wia heite - mei schådstoffausstoß ies ållaweil gleich - ålladinks schon a biessale treibstoffsurtnåbhängig (bohnen oda nicht bohnen, das ist hier die frage) und i bemiehe mich, beim gaasausstoß meeglichst wenige bartickel und feinstaub mit ause zan schleidern. då kånn i mi schon biherrschn. wia lång des noch guat gehn werd, waaß i niet, weil a biessale undiecht werd man schon, wenn man ålt werd. åba gips jå maan i sinjohrenpämpas aa, håb i gheart, de kånn man als schådstofffülter und feinstaubelliminiera einsetzen. wenn man muaß. und nåchdem da feinstaub eh possitif geladen ies, wia die furscher ausagfundn håbm tuamt, kånn des jå eh niex negertifes sein.
also mei sch....weetta ies des niet, wås des då håppes.
wientsch eich an guatn morgen und an scheenen, schådstofffreien sunntåg.
19.09.2010 08:02:wer waaß, falleicht kummt åba unsa weetta går iebern großn froschteich aus kanadium zu uns her? tuabbes lei amål lesn, wås es pfeiferle (smokedinpeace) ållas zsåmm habern tuat. nå måhlzeit! wundern taatet mi går nix mehr. naaa. |
| ruflo am 18.09.2010 22:50 (vua 5544 Tåg) |
jå, schnecki, håt sie. hiatzt brauch i a runde bettruah, zu deine metololologieschn erkenntniesse såg i murgn falleicht mehr - hiatzt brauch i lei aans: i wüll mei ruah und i brauch ka trallalala und hoppsassasa, naa, lei mehr augnzuaundschlåfn. pfiateich. und i traam siehalieh von munnputz, blonde håår, 33 zähnt im obakiefa und nochamål so vül untndrunta und noch ållahåndsettezeigs. |
| ruflo am 18.09.2010 16:49 (vua 5544 Tåg) |
bei uns håtz noch ållaweil 9° und es regnt. dabei ies eh schon gnua wååssa heruntn. åba kånnst måchn niex. ies hålt so.
18.09.2010 18:19:
sodala, ginua fier heit'
i såg pfiateich, wientsch eich an scheenen åbnd und hoff, dass mir ålle murgn a beessares weetta håbm tuamt.
bleibz scheen xund. |
| ruflo am 18.09.2010 08:49 (vua 5544 Tåg) |
aha - kierzalen - åba håmtze dir niet den strom åbgedraht? weil nåachan taatet da petzeh aa niet laafn. haha. ålls lei zwengs da gimiatlichkeit. jå. |
| ruflo am 18.09.2010 06:49 (vua 5544 Tåg) |
seas pfeiferle. >>>"jo wer braucht den foltn am bauch?"<<< ... und schlägt der bauch auch falten,
wir bleiben doch die alten!
jå, in 14 tåg is es so weit! und unsa wöltmaasta håt sich seit dem 13.9. niamma gmöldet. maanst eppa ies er grantig auf uns? oda ies er eppa krånk?
da hierbest steht vur da gårtntier. er wüll eina. regn, regn, regn bei 9°. åba triabsål blåsn tuamma derwegn niet, a wenn heite 100 litta pro m² åba kummen solln. es werd schon wieda beessa aa werdn. schåd ies hålt, dass des ausgrechnt wieda amål am wochnend so sein muaß.
an guatn morgen und an - trotz regn - scheenen såmståg wientsch i eich in åll de scheenen winkelen von unsra scheenen wölt. 18.09.2010 07:35:hiatzt fållt mir gråd ein: da kuhle håt in letzta zeit a påårmål geklågt wegn sein petzeh - falleicht ies der hienig? |
| ruflo am 17.09.2010 18:46 (vua 5545 Tåg) |
jåjå - aa waaßt des noch niet: a fiellaha, der niet taamisch ies, ies wåhrscheinlieh ka fiellaha niet. ålle fiellaha seint taamisch lustig. und wenn a fiellaha vaplärrt aus da wäsch ausa schaugt, nåachan ies er wåhrscheinlieh a klafurzer.17.09.2010 18:49:so, leitln, da ruflo måcht hiatzt wampalepflege und haut sich då wås eine. schaugn mir, dass die kugl rund bleibt. pfiateich bis båld wieda, åba heite niamma. naaa. |
| ruflo am 17.09.2010 17:07 (vua 5545 Tåg) |
maaa, hund, hee - i bien jå schon längst wieda truckn. håt mi es mietzale åbriepplt und -grupplt und hiatzt schaug i aus wia neich. und die sally håmma in a bådetuach eingwicklt und gitrocknet, geht schon wieda. da bello ies eh gern nåss. wenns dem z'haaß werd, hupft er in' brunntrog eine. jå. und då gips nåachan ieberschwämmung auf da kreizna eben.
|
| ruflo am 17.09.2010 08:41 (vua 5545 Tåg) |
siehgst, wia scheen des ies, wenns regnt. såg i jå.
seimma vom spaziergång hientakummen: da bello als åbwåschkratzl, die sally als flåschnbierschtn und i als åbwåschzottn. hihi. a sugenånnta wettecks. |
| ruflo am 16.09.2010 21:15 (vua 5546 Tåg) |
naa, nix los. i geh schlåfn. pfiateichnåcht.17.09.2010 06:16: ... is des scheen ... endlich regnts amål ... ållaweil der grausliche sunnenschein ... odawia.
muaß man eh lei nehmen, wia's kummt. kånnst nix ändern, höxtns schierm aufspånnen. oda sich sågn, wia scheen dass es is, wenn man årbeitn derf und niet draußn bei scheenem weetta ... (auweh - kopfeinziahg!!! i hear eh schon auf!!!)
jå, so is es hålt. gheart ållas dazua und werd schon wieda.
i wientsch eich an guatn morgen und trotz regn an scheenen tåg.
waaß wer, wås mit unserm kuhle los ies? wo ies denn der åbgebliebm? hoffentlich ies er nit krånk. oda håmtze ihn beim tschick-schmuggln dawuschn? eppa går g'siebte luft, ha? andaleeeee ... wo biest du???
|
| ruflo am 16.09.2010 07:05 (vua 5546 Tåg) |
seas bea. mir sein heit wieda amål untawex (åba erst am nåchmiettåg). unsa schwiegasuhn håt giburtztåg und gleichzeitig håt niet lei er, sundern komischaweis aa unsa tochta hochzeitståg. wietzig, ha?
dånkscheen fier den kunterbuntn tåg.
16.09.2010 07:28: NIT VAGEESSN:
SÅMSTÅG, 2. OKTOBA 2010
ÅB SEXE AUF D' NÅCHT
GENOTTEHÖHE
seind lei mehr zwaa wochn und a påår tåg. i gfrei mi! 16.09.2010 10:55:fier de, wo a fårbige 3D-brülln håbm (anaglyph) håb i a büldl von aana kreizna baustell gmåcht. so a rot-cyan-nåsnfåhrradl aus påppmdeckl kriagst gschenkt, wennst glieck håst. wennst kaa glieck håst, siehgst hålt ållas vaschwummen. www.flickr.com/photos/duellerfarm5.static.flickr.com/4109/4994963545_bf9aff38f7_b.jpg kuhle, des büldl ies nit unschårf. siehgst lei du ohne 3D-brülln so. und wennst den link obn ånklickst, werds greeßa aa noch dazua. jå. |
| ruflo am 16.09.2010 06:52 (vua 5546 Tåg) |
haha pfeiferle - jå, mir ghearn baade zu der gruppn hundefreind "mei-hund-kummt-ma-niet-iens-bette-eine-wo-kummen-mir-denn-då-hien!" - åba wås wüllst denn måchn, wenn sie di so liab vom polsta aus ånlåchn...
i wientsch eich an guatn morgen und an scheenen tåg!
|
| ruflo am 15.09.2010 22:37 (vua 5547 Tåg) |
jå - flohbeißn - wundern taatetz mi niet, wenn die sally jedn tåg bisuch kriagt und gachamål in mei bett eine hupft. (wås sågg da ruflo - gachamål? hihi - a so a lugntschippl... der muaß doch z'erscht amål des vierhaxerte weible ausm bett ause laxln, damiet dass er sölba einhuckn kånn. jå)
und hiatzt steigt er in die kistn und sågg endgültig pfiateich fier heit. g-n8 |
| ruflo am 15.09.2010 18:16 (vua 5547 Tåg) |
jå, irmile, die zeit ies a fogale - sie fliagt lei so dahien. und je ölta dass man werd, desto schneella fliagt sie. komisch, dass de nia miad werd und iergendwo aufhuckn muaß.
dafier wer' i ållaweil mehr miad und könntet den gånzn tåg lei mehr schlåfn... wåhrscheinlich weil i kaa fogale niet bin, lei gachamål aans håbm tua. åba wer håt des niet?
so - i såg pfiateich fier heit, bleibz xund und måchtzes guat. |
|
|
|
|
