jå die åltn pezis … - unsa ersta wår a Commodore C64 mit an klaan sw-fernseher als monitor, danebm håmma in da schual aa schon an Apple IIe (mit arantsch-fårbenem büldschirm und zwaa floppy-disk-laufwerkn) vawendet*). klaanbuchståbm beim schreibm wårn fehlånzeige (er håt lei groß schreibm können) und da 9-nådldrucka håt gsaglt und gjault wia varruckt, då håst dei eigenes wurt danebm niet vaståndn. es wår a „electronic printer son" a epson, wia man heite sågt und der markn bin i treu gebliebm. a wenns heit kaa „nådler" mehr ies, sundern a stylus-photo, a tintn-spritzer.
unsa ersta PC håt noch kaa festplåttn ghåbt und ohne DOS is då niex g’gången. trotzdem erinner i mi noch gern ån de zeitn, wo mir in da kreizn in die åchtzga jåhr aane der ersten schulen in kärntn mit computer gwesn sein.
*) weil de kombutter dersebm so fåst um die 50 000,- schilling odaso gekostet håbm, hättetn mir uns des nianiet leistn können und a freindlicha kreizna stajabiråta håt uns a ausgmustertes modell aus seina kanzlei gratis zur vafiegung gstöllt.
__________________________________________
sauweetta taamisches håmma, fest g‘regnt håtz in da nåcht und es wird heit a noch weita regnen.
I wientsch eich trotzdem an scheenen tåg
und såg pfiateich bis später.
08.09.2010 06:54:seas schobarin. jå, dauert niamma lång und i hoff, dass recht vül zu unserm treffn kummen werdn. es pfeiferle - håb i åba eh schon dazählt - håt mi gestern ångruafn, der gfreit sich aa schon gånz sakrisch und er werd sich wåhrscheinlich sugår a neiche friesuhr vapassn låssn. hihi.
i niet. i kumm mit meina stopplglåtzn. die sally terf natierlich aa wieda mitkummen, lei da bello is z'groß, der passt in mein klaan "fusion" nit eine. a wunda, dass ieberhauptz mei bauch då driennen plåtz håt...
08.09.2010 08:56:triabs weetta ... da hierbest klopft auf die tier.
www.flickr.com/photos/duellerfarm5.static.flickr.com/4149/4969852783_a1ddc41aa3_b.jpg
