|
|
|
| ruflo am 24.08.2010 14:49 (vua 5569 Tåg) |
siehgst, ållas kennt hålt a wöltmaasta aa niet.
und drieberfåhrn bis schwårz werd und copy und paste - des funzt hålt bei eigene büldln aus flickr niet. |
| ruflo am 24.08.2010 08:31 (vua 5569 Tåg) |
seas pfeiferle. probier's mit rechtsklick aufs büldl, nåachan kriagst wåhrscheinlieh es auswåhlmenü. falleicht steht då iergendwo <copy link> oda sowås. oda vasuach es mit copy and paste. und wennst mit linksklick aufs büldl tippst, kriagst a greaßare ånsicht.
an guatn morgen eich ålln. und natierlich aa an scheenen tåg.
bei uns solls laut URF heite giwietta gebm - mummentan merkt man noch nix davon.
24.08.2010 09:14:adolf - nix harbunating, måch harpunating und fång amål an heufisch. då kånnst scheen lång in peace smoken. ieberhauptz wennst an weißen heu fångst. so mit 4 oda 5 metta. haha.
und irtig ies da nudltåg. odaso.
|
| ruflo am 23.08.2010 17:18 (vua 5570 Tåg) |
jå i waaß, åba i tua kaane fremdn büldln då eina. man waaß nia, wia die copyrights sein und gaxt dawieschest aans, wo du nåachan da teschek bist.
weils gestern durch die hitzn a biessale dunstig wår is hålt mei büld aa a biessale mehr dunstig und vaschwummen. åba dafier siehgt man den gånzn fölsn, wo die burg drauf steht. is jå aa wås. und zuawazoomen kånn i aa, wenn i wüll. mit meiner olympus sogår bis zu 20fåch optisch. då siehgst den spåtz aufm kirchturm pfeifn. åba den fölsn siehgst nåachan niamma.
23.08.2010 17:23:auf meina flickr-seitn (link is beim foto dabei) seind 27 fotos von hochosterwitz und 3 vom stift st. georgen neu. |
| ruflo am 23.08.2010 17:06 (vua 5570 Tåg) |
jå, pfeiferle, håt sich ausgezåhlt, 295 km. und aa dörfle und bergle scheena als wia es åndere. soll noch aana sågn, bei uns gips kaane scheenen platzlen. und stöll dir vur, im löllinger gråbm hån i gheart es wachtale schlågn. åba lei beinåhe.
kuhle, des kånn schon sein, dass im intanetz a beessares büldl von hochosterwitz ies, åba des ies hålt mei eigenes.
|
| ruflo am 23.08.2010 06:05 (vua 5570 Tåg) |
jå pfeiferle, mir håmma an wunderscheenen sunntågsausflug gmåcht. bis villach auf da autebåhn, dånn bundesstråßn feldkirchn, sankt veit (durt håb i mi a biessale vafrånzt, seimma zum krånknhaus kummen und durt wollt i eigentlieh nia wieda hin - wår schon amål mit mein bauch 14 tåg drin eingsperrt - weita seimma ieber st. donat nåch hochosterwitz, stift st. georgen und längsee; in guttaring håmma a suppa grüllhenndl gspeist, nåachan iebern löllinger gråbm und es klippitztörl nåch båd st. leonhard und von wolfsberg bis villach zruck auf da autebåhn, in treffen noch wås guates zur erfrischung und ieber's krastål haam in die kreuzen. wår so a "klaane" runde mit 295 km. a biessale froh wår i schon, dass mir wieda dahaam wårn auf d'nåcht. åba wia xågg: scheen wårs. i wientsch eich an guatn morgen
und an scheenen wochnbeginn. |
| ruflo am 21.08.2010 22:54 (vua 5572 Tåg) |
i bin aa nochamål då. håb mit mein' mietzale den Rieu gschaugt. also - man måg den fiedelnden holländer (niet den fliegenden...) mögn oda niet, åba aans ies sicha: då steckt musik, temparament und lebensfreid drienn in der sendung, då kånn man sugår dem titsche ölzi sei kommisches kapple vatrågn, der zum schluss es publikum nochamål so riechtig in eggstase vasetzt håt.
und hiatzt geh i in die haja. åba vurher wientsch i eich noch a guate nåcht, traamtz wås scheens, an scheenen sunntåg und bleibz xund. murgn werdn mir schon in da fruah weckfåhrn, drum wer' i eich murgn amål mit meine tschentschareien vaschonen. pfiateich und gn8. |
| ruflo am 21.08.2010 10:16 (vua 5572 Tåg) |
jå, kuhle, wennst ieber die kreizn fåhrst (vurbei am fårchtnsee) kummst schon aa zum weißnsee. åba die kierzere streckn geht ieber zlan und stocknboi zum ostufer.
außadem - tuat mier laad - håb i mein mietzale schon lång vasprochn, dass mir murgn an sunntågsausflug måchn werdn in die st. veiter gegend, weil se scheens weetta brufzeit håbm tuamt. und die sally gfreit siuch aa schon drauf.
falleicht kummst a åndres mål zu uns aufa (ies jå niet weit, autebåhn-åbfåhrt paternion-feistritz/drau und nåachan 6 km richtung hermagor - gailtål). då können mir mitanånd auf die windische höh fåhrn und durtn unsare wampalan vollschlågn. ;-))) |
| ruflo am 20.08.2010 07:03 (vua 5573 Tåg) |
an guatn morgen und an scheenen freitåg!
wochnend in sicht!
gehtzeichguat? fibilie, ies schon bessa wurdn?
da summa soll jå wieda weitagehn åb heite oda åb murgn odaso. mei åltes sgielett merkt zwår noch niex davon, åba da URF håt vasprochn. und wås da URF sågg, des ies die wåhrheit und niex als wia die wåhrheit. jå, wirklieh! der håt noch nia ka wåhrheit niet glogn.
jå pfeiferle, wenn des kärnöhl aus da st. ajamårk kummen tuat, nåachan ies wås ånders. i håb gidenkt, des årme öhl håt schon so 10- bies 12tausnd kielometta aufm buggl, hihi, weil i jå niet gewiesst håb, dass du mit dein' weibale vurher aa in da sanktajamårk umageistern werst. naa, des håb i niet gewiesst, dabei hättet i togga mir des jå denkn können, göll. åba denkn ies hålt so a gschiecht. ållas håt da alzi jå noch niet ausradirt, so waaß i zumbeischpül noch gånz ginau, dass heite da fürzehnte juli zwaatausndundviere ies. oda so ähnlich hålt.
jå, die wirtin auf da genottehöhe ies noch die sölbe und de håt siech noch auf uns arinnert, weil mir soooo liabe leitlen sein tuamt. håt sie glei den kulenda hergnummen und an fülza und aufegschriebm, dass ma mir kummen tuamt. håb i xågg, i waaß hålt noch niet, wiavül dass ma mir sein werdn, åba a platsch werd wohl werdn. håt sie xågg, des måcht niex, mir solln lei daherplatschn. jå.
und die sally niemm i mit, lei den bello niet. weil der ies so groaß, wenn der in mei autele einehupft, håmma mir gaxt kaan plåtz mehr driennen. und des ies jå aa niet des wåhre. der håt jå kaan viererschein niet.
åba mir mäntschen solln wohl den hundeviererschein måchn, håmtze bei da rigierung xågg. jå, wås denen ållas einfålln tuat.
demmnäxt werdn mir noch die braumaastapriafung måchn miaßn, wenn mir a hefale fiellaha saufn wolln tuamt. und a stampale ohdekuhlong trienkn, wenn mir aan so an richtign bauernsch... ausedruckn wolln undsoweita.
gottzwülln, hiatzt håb i schon wieda so vül dahergepleappert, naa hiatztn såg i niex mehr bies zum fuffzehntn juli zwaatausndundviere. aus. schluss.
20.08.2010 07:05:juuhuutrallala - die bea kummt aa !!!! |
| ruflo am 19.08.2010 18:26 (vua 5574 Tåg) |
kuhle - hund seind nia ka saures bier nit, mir is die sally hålt noch nia niet aufagstoßn.
und jå: HDTV ies a gschicht. siehgst bei de åltn mannkalan und weibaleit sugår die leichnfleckn auf die händ. oda haaßt des åltersfleck? und beim hanseee seine munnputz kånnst die haarlen von dem vasturbenen schof zähln. jå. i waaß des ginau, weil bei unserm hadetifau håb i schon ångfången zähln, bin åba niet fertig wurdn, isser vurher wieda åbghaut. jå. da hanseee.
19.08.2010 18:42:so, und hiatzt såg i pfiatetzeich. bis murgn falleicht. werdn mir schon sehgn. schlåftz guat und bleibz scheen praf.
pfeiferle, die wirtin håt sich noch auf di arinnert und gfrågt, obst haja wieda obm schlåfn werst. håb i xågg - des waaß i niet åba i denk schon. an scheenen tåg nåch kanadium! |
| ruflo am 19.08.2010 07:05 (vua 5574 Tåg) |
seas ålle mietnånd, an guatn morgen und an scheenen tåg!
heit fåhr i nåch fiellah, då wer' i auf da genottehöhe zuakehrn und såg eich auf d'nåcht bescheid.
gehtz eich guat? (da fibi beessa?)
seas pfeiferle. werst jå dechta niet es kernöl von austria nåch kanadium mitnehmen und nåachan wieda von kanadium nåch austria importiern? des kernöl kriagt man eh in die vaschiedenstn kwalitättn ieberåll bei uns.
schlåf guat und traam wås scheens! |
|
|
|
|
