|
|
|
| ruflo am 09.08.2010 10:48 (vua 5585 Tåg) |
i, wenn i hesta warat, i taatet mi niet zum åffn måchn låssn von de mädien. i taatet mi gfrein, dass i ieber hundat wurdn bin und damit håt sichs. nudl.
schnecki, måchs guat auf da hiettn und i wientsch dir a scheene zeit. gfrei mi auf deine scheenen büldln.
|
| ruflo am 09.08.2010 09:13 (vua 5585 Tåg) |
des, wås då aufm foto rechts untn so weiß "bliaht", ies a gånz giwöhnlicha beifuaß (kuhle: ganslbråtn!!!), auf dem die tautröpflen im blitzliacht glitzern. |
| ruflo am 09.08.2010 08:47 (vua 5585 Tåg) |
i håb fier eich a büldl von heit' in da fruah von unserm rundgång. da bello låsst eich scheen griaßn.www.flickr.com/photos/duellerfarm5.static.flickr.com/4101/4874331229_04e014347f_b.jpg _______________________________________________________________________ @bea: jå, beim flickr håt sich a biessale wås geändert. wennst von durt a büldl ins villacher.net einatuan wüllst, muaßt
1) durt des foto mit links ånklickn, dånn kriagst a vagrößerte vurschau
2) rechts obn steht "alle größen" - då klickst drauf und hiatzt kummt es büldl wieda
3) hiatzt auf des foto mit rechtsklick, dånn kummt es auswåhlmenü
4) då klickst (links) auf "grafikadresse kopieren" ...
... und schon håst den link den du im grafikfensta vom villacher.net brauchst.
(Breite 500 einstölln nit vagessn)
wenns nit klåppt, såg bischeid, nåachan folgt a ausfierlichare ånleitung per mail. |
| ruflo am 09.08.2010 06:36 (vua 5585 Tåg) |
an guatn morgen und an scheenen tåg, dem pfeiferle seina schwesta nochamål ållas guate fier die näxtn fümpfesiebzg jåhr und sie soll den obama scheen von uns griaßn, dem pfeiferle a guate nåcht und schlåf dein ziagl aus. traam wås scheens!
jå - und unserm wåldschneckållas guate
zum geburtståg!
eigntlich wollt i heit a standle singen - åba mir is nit danåch. i håb an riechtign grant. fier a påår wochn wår hiatzt a herrliche ruah mit de "giggaritti" (wia es pfeiferle sågg). håmt die nåchbårn an tolln heandaståll gibaut und bis auf zwaa heanda, de åba eh praf wårnt und lei a biessale geggågert håmt, seind de weiba und senare schreipeitl in senern neichn palast iebersiedlt. durt wårntze glickliche hiehner und håmt freilaufende aja glegg. sie wårnt fier uns rellatif unhearbår. åba wåhrscheinlich wårntze da bisitzarin z'laut und drum schreit heite, seit fümpfe in da fruah wieda aana von de giggaritti hienter unserm gårtnzaun. und zwår der miet da lautestn und schiachestn schrielln stimm.
so funzt ebn nåchbårschåft: da aane terf ålls, und da åndare muaß sich ålls gfålln låssn. jå. so isser, der läben.
unsa wochn håt also mehr als bischiessn ångfången und i hoff, dass es eich besssa geht und wientsch eich an guatn morgen und an scheenen tåg. |
| ruflo am 08.08.2010 17:30 (vua 5586 Tåg) |
bei uns wår es gewietta schon und is åbgezogn. a biessale tuschtz noch in da ferne.
08.08.2010 18:13:
i wientsch eich an scheenen åbnd. i måch noch an klaan spaziergång mit da sally.
pfiateich bis båld wieda. |
| ruflo am 08.08.2010 09:28 (vua 5586 Tåg) |
naa, fibi, schon eines tages, åba nit "recht båld". naa, des auf kaan fåll. werst sehgn - die sunn ies niet vom hiemml gfålln, sie kummt wieda, aa fier di! |
| ruflo am 08.08.2010 07:20 (vua 5586 Tåg) |
an guatn morgen und an wunderscheenen sunntåg
eich ålln in nåh und fern.
den kirchtåg håmma guat ieberståndn und da summa geht weita, aa wenns lei 10° håt. åba dafier is es wolknlos - und des is aa wås.
die årmen leit in die ieberschwemmungsgibiete in NÖ können hoffentlich aa båld wieda a biessale aufåtmen. wås sågt denn då der von christlicher nächstenliebe durchdrungane herr weihbischof aus sålzburg dazua? is des a "strafe gottes" fier die schliemmen sünder? (so wia seina meinung nåch die 21 totn in duisburg a stråfe gottes fier de "liederliche" tånz-vaånståltung gwesn seind ... )kurier.at/nachrichten/2022217.php
i maan, a so a hoher "geistlicher" würdenträger miaßat schon a biessale ieberlegn, wås er sågt. und sich, wenn er schon nit denkn kånn, hintnnåch wenigstns ånständig schåmen. oda sich mit aana zeitmaschin ausm 21. jåhrhundert zruckschiaßn låssn ins zeitålta der inkwisitziohn und hexnvabrennung.
und wenn i då, nur zum beischpül, ån die zigtausendn unschuldigen totn nåchm erdbebm in da karibik denk ... fier wås de wohl bestråft wurdn seind vom gütign herrgott ...
naa, ka ångst nit, i hear schon auf. i red jå eh nix, i såg jå lei... und sågn werd man jå wohl noch wås terfn odawia.
______________________________________
@irmi: guatn abidit und låss dir's schmeckn. die kirchtågssuppm und da schweinsbråtn gestern, de wårn sowås von guat... mir håbm zwår ka gårtnfete gfajat, weils z'kålt wår draußn und gitröpflt håtz aa a biessale, håt åba im haus drinn aa prima gschmeckt.
@pfeiferle, du håstz guat. mir håmma wohl aa an schwartlingzaun, åba i muaß trotzdem a runde mit die viechalan måchn, des bleibt mir nit daspårt.
scheene griaß und ållas guate deina schwesta zum 75stn. au weia - in a påår monatlen ies bei mir aa so weit.
tvthek.orf.at/programs/70022-Kaernten-heute/episodes/1548935-Kaernten-heute
@bea: vül spaaß auf da insl - und vagiess nit an haufn scheene büldln mitbringen!
@schnecki, gfreist di schon auf murgn? i tua schon fest kreidn fressn, weil i falleicht a gstanzle siengen werd', falleicht.
@kuhle - vagiess niet, heit ies aufm ossiacha tauern es rindfleischfest, då gips haufnweis zum habern!
@fibi - sei nit går z'vül traurig, werst sehgn gaxt werd die sunne wieda scheinen.
@chrischtele, frounz, pao lee und ålle wo i noch vagessn håb (åltersdimentz fulgo altzi): låsstz es eich guat gehn und båld wieda von eich hearn und
an scheenen sunntåg! |
| ruflo am 07.08.2010 09:45 (vua 5587 Tåg) |
seas irmi. gehtzdaguat? scheene griaß nåch köln. mir fåhrn jetzt nåch villach, åba wia xågg: mir feiern dahaaam bei die kinder und måchn a gårtnfest. ies gimiatlicha als wia der gånze rumml in da innenstådt. |
| ruflo am 07.08.2010 07:08 (vua 5587 Tåg) |
jå, pfeifale, aans werd schon gehn, a fiellaha. lei mehr ... uiuiui ... gaxt ies beim haamfåhrn nåachan es kartle weg.
jå, flickr håt a biessale wås geändert. ies åba derwegn kaa bruplem. brauchst lei aufs büld klickn, auf "alle größen" gehn, rechtsklick und "grafikadresse kopieren", nåachan kånnst schon es büld einfügn.
farm5.static.flickr.com/4143/4862742948_18719e04c5_b.jpg
bea, du bist a poetin. so scheen wia du des sågn kånnst, hättet i des aa gern xågg.
>>>"...sitzen wir bei bedarf zu zweit
und schweigen
dann wächst durch die zeit
liebevolles denken"<<<
|
| ruflo am 07.08.2010 06:43 (vua 5587 Tåg) |
i wientsch eich an guatn morgen und an scheenen såmståg (vielleicht sogår beim villacher kirchtåg?).
mir fåhrn aa nåch villach, åba mir fajern kirchtåg bei die kinda dahaam mit kirchtågssuppm und bratl im gårtn, wenns es weetta zualåsst. und so wias ausschaugt, werd des a recht ångenehma tåg.
naaaa, pfeifale, mit an fåckh (maiale) geh i niet spuzirn, i bleib schon bei meine hundalan. schlåf guat und traam wås scheens.
|
| ruflo am 06.08.2010 18:27 (vua 5588 Tåg) |
es tuat ma so laad, dass i eich a traurige mitteilung måchn muaß: da fibi ihr hasale ies heit vom tierårzt ieber die regnbognbruckn gschickt wurdn. de årme maus håt soo vül mitgmåcht und die fibi ies so traurig.
jå, so is er, der läben. håst jemåndn gern - und dånn is er niamma då. dånn fühlst di so allaan.
i waaß des. seit mir vaheiratet sein, also seit fåst fuffzg jåhr, håbm mir ållweil hundalan und katzlen ghåbt und so viele guate freind valurn. dås is hålt eppes, mit dem man aanfåch rechnen muaß. man vagisst die vasturbenen kumpl nit, åba man freit sich, wenn nåch aaniga zeit a neicha vierhaxerta freind auftaucht und sågt "i bleib bei dir, i håb di gern und i brauch di!"
und des wientschn mir siehalih ålle unsra fibi, dass sie båld wieda an guatn freind findet, der sie durchs lebn begleitet.
|
| ruflo am 06.08.2010 07:17 (vua 5588 Tåg) |
griaß eich des kanadier und amerikana. jå, fiern villacher kirchtåg seids schon a biessale z'weit weg, åba es pfeiferle werd jå siehalih - wenn er im hierbest mit da erika kummt, den st. veiter wiesnmårkt besuachn. wientsch eich a scheene nåcht und ångenehmes flohbeißn.
und bei uns in eiropa: an guatn morgen und an scheenen freitåg. wochnend in sicht!
___________________________________________________________
bea, wennst kummst, wia kummst denn nåch villach? per båhn? oda per "fåhrgemeinschåft?"
die genottehöhe ies iebrigens niet weit von durt entfernt, wo die "villacher alpenstraße" aufn dobratsch aufe geht.
|
|
|
|
|
