|
|
|
| ruflo am 05.08.2010 11:36 (vua 5589 Tåg) |
jå, bea, kånn man. es pfeiferle håt vurigs jåhr durt gschlåfn und i maan, er wår recht z'friedn. åba des kånn er dir siehalieh sölba beessa dazähln wia i. und die intanette mähl-adress ies genottehoehe@aon.at
sovül i waaß, wüll er aa haja mit seina erika durt a ziemmale nehmen.
i wer' hiatzt die näxtn tåg amål auf da genottehöhe zuakehrn und frågn, ob se fier uns a platzle håbm und ob - unverbindlich - a iebernåchtungsmöglichkeit besteht, nåachan såg i eich bescheid.
fålls de betriebsurlaub oda sowås håbm, können mir uns trotzdem in dera gegend treffn. glei in da nähe ies da gasthof kucher. åba wia xågg: i wer nåchfrågn und sågs eich nåachan.
pfiateich - i muaß tschwetschknkneedl eessn gehn. måhlzeit!
andale - mei kombutter ies aa niet transrotabel
|
| ruflo am 05.08.2010 08:56 (vua 5589 Tåg) |
hallo freindInnen !!!
damiet ålle, de lust håbm, siech des rechtzeitig vurmerkn können, schreib i eich heit' schon, wånn mir uns es näxte mål treffn können taatetn:
********************* Såmståg, 2. Oktoba 2010
åb etwa 18:00 Uhr
Genottehöhe Villach
*********************
die genottehöhe håb i mir derwegn ausgsuacht, weil die maastn den urt schon kennen tuamt. wenn's eich då nit gfållt, können mir von durt aus aa wo åndersthin fåhrn.
die gäste aus nåh können sich heit schon gfrein auf unsre freind(innen) von fern, de schon zuagsågg håbm, dass sie kummen. i gfrei mi aa schon.
kuhle, håst an roatn fülza? schreib aufe auf dein kulenda:
*********************
Treffn der Freind(innen)
aus'm www.Villacher.net
und von ålle, de's noch werdn wolln
Såmståg, 2. Oktoba 2010
åb etwa 18:00 Uhr
Genottehöhe Villach
*********************
46°35'49.28", 13°49'21.64"
auf google-earth oda an åndern låndkårtn-brugramm.
wia sågg da prasch? "i gfrei mi auf eich!"
|
| ruflo am 05.08.2010 06:31 (vua 5589 Tåg) |
wenn i då so beim fensta auseschaug, auf fiellah åbe...
naa - bleedsinn. erstns siehgt man villach von da kreizn aus niet.
zweitns is des nit mei fensta sondern aans von da urine landskron.
und driettns ies des niet von heit, sondern schon von frieher amål.
åba a blick auf villach und die julischn ålpn ies es schon.
wohl, und so schlecht ies es aa niet wurdn - dabei håb i des noch mit meina åltn kamara gmåcht.
an guatn morgen und an scheenen tåg eich ålln! kuhle, schnårch nit so laut, weckst jå di åndern damit auf!farm5.static.flickr.com/4138/4852954993_e347a6df81_b.jpg |
| ruflo am 04.08.2010 12:05 (vua 5590 Tåg) |
dånkscheen bea. hihi
kuhle - åba von dem schwålbmschwånzwürmling siehgt man jå lei den åasch? egal, wår er hålt schnella als wia da futograf und ies åbghaut. gscheita a hålba schwålbmschwånz als wia går kaana. jå.
i måch hiatzt a miettågssachlafale. falleicht bis neine auf d'nåcht. odaso. weil "wer schläft sündigt nicht". in mein ålta siehalieh nit.
tuabbes daweil nix ånstelln, gelle. kuhle - låss die årmen falterlen fliagn, de können jå niex dafier.
|
| ruflo am 04.08.2010 08:09 (vua 5590 Tåg) |
marantana (tschuligunk: madonisch!) schoba - waaßt eh wiavül spienna dass es bei uns gips. braucht man går niet lång suachn - zack - schon håst an gfundn. und jedn tåg stehn gschichtlen in da zeitung ieber de degenen viecher, wås des fier schädlinge sein tuamt. åba maanst eppa, då tuat aana wås dagegn? haha, dass i niet låch. de klaan schmarotzaraupelen, jå, de wernt schon zsåmm gitretn oda vagieftet oda sunsteppes. und die immigrantnspienna de seind sowiaso ån ållm schuld. åba åb aana bistiemmtn greaß, so falleicht åb a påår müllio... - aah tschuligunk - zehntimetta maan i natierlich - då bassirt niex. de terfnt ållas. und die schädlingsbikämpfa, de schaugnt zu und sågnt lei, des ies eh lei nurmahl, dass de siech dick und rund fressn tuamt. jå. und wenn sena zeit 'kummen ies, tuamt se siech vapuppm ån an vastecktn örtlen und wenn aana nåch åblauf von aana giwiessn zeit (die sugenånnte vajährung) reif ies fiers schmettalingsnetz, nåachan flåttern se davon. weit furt. jå. und vurher gültet fier de ålle die unschuldzvamutung.
ålsdånn - so gsehgn - seimma mir lei klaane spienna und miassn aufpassn, dass uns niet eppes bassirt, fier wås die greaßaren fresssäck, wia zum beispül da braune bär (hihi... wohnt åba niet lei im bärntål, gips ieberåll in kärntn und in åndare bundeslända aa) häxtens a dieckes blus am konto in liechtenschweiz kriagn tuamt. jå, so ies es hålt auf da wölt und niet erst seit heit, des wår iemma schon so. und werd siech aa niet ändern. naa, nianiet.
eh wurscht - i wientsch eich an guatn morgen und an scheenen tåg und saufn mir a hefale fiellaha drauf, dasss es so bleibt wias ies, weil es ies jå so kamoht, wenn ålls beim åltn bleibt und siech niex ändern tuat. so wiessn mir wenigstns wia da hås laaft. |
| ruflo am 03.08.2010 18:14 (vua 5591 Tåg) |
vurn is durt, wo da wurm hinkriacht, weil hintersche kånn er jå niet.
und mei frisur is ka frisur sundern a kattastropfe, åba immahin billig, weil i mir ållaweil sölba die haarlen schneid. :-)))
und hiatzt såg i pfiateich und geh wås essn, damiet dass mei umfång sich niet reduzirn tuat.
pfiateich, tschautschau und bleibz xund. |
| ruflo am 03.08.2010 17:30 (vua 5591 Tåg) |
jå, schnecki, dem kuhle sei måßståb passst. de raupm ies etwa 5 cm lång. åba mir kummt vur, dem kuhle sei wurm schaugt a biessale ånders aus. vur ållm wår der niet beim friesehr.
falleicht ies es a kreizna brauner bär, der sei weiße taube suacht. odawia. |
|
|
|
|
