|
|
|
| ruflo am 25.07.2010 07:37 (vua 5600 Tåg) |
jå, åbgikuahlt håtz ånständig, kaum 14° håmma. ies lei guat, dass es ållaweil wås zum jammern gibt. kaum ies es a påår tåg haaß und schwühl und ålle leit meckern zwengs der hietzn - schon dabårmt siech da petrus und schickt a ånders weetta. und glei haaßtz wieda "a so a sauweetta, des soll a summa sein?" stått dass ma sågn taatetn "danke petrus, wia du schaugst auf uns!"
und die metolololognen und åndare wiesen-schåftla schiempfn ieber die glimmererwärmung. wo des noch hienfiehrn werd miet da umwölt-vaschmutzigung und die leit solln gfälligst ennerdschie-bewussta lebm und niet so vül miet senare moppalan und mini-pekawes sinnlos zur årbeit fåhrn und gachamål in uhrlaub. solln gscheita die biellign (hihi) öffis vawendn. (während die big-bosse miet senare fettn stienka-karossn sich die patschhandln reibm und senarn reibach zöhln - weil de seind eh in da miendaheit und des gips nix aus, wenn de in saus und braus die eisscholln in da arkties hienmåchn, so dass die årmen eisbeeren dasaufn. jå, so ies es).
und es aanfåche volk, wås ån der gånzn miserere schuld ies, gheart ånständig in die pflicht gnummen. umwöltstajern ghearn her. åba safurt! weil zum beischpül im golf a påår lietalan öl an bellikahn es gifieda vaschmutzn tuamt, då bist du schuld drån. i niet, weil i bin schon ån wås ånderm schuld. schuld seimma mir ållezsåmm ån iergendwås. die big-bosse niet, weil de årbeitn sooo hårt - wås man ån senare bischeidenen gehälta und diätn und erfolgsbrähmien sehgn tuat. a wia - i bin a gumminist? iesndesha? i håb noch nianiet gumministisch gwöhlt. naa.
naje stajern ghearn her, damiet dass unsare vaårmtn bankn ieberläben können tuamt. a sehgtz des dås niet ein, des pleampl, dass man in de krånkn und dahinsiechendn haatschertn göldinschtituhte wieda auf die fiaß hölfn muaß, ha? siehgst, des ies da ånfång vom end, stures volk. und dauernd ieber ållas meckern, wås unre bolüdüka tuamt. ginau wia beim weetta. gmeckert muaß sein. jå.
iii - i tua nianiet meckern, i såg lei, wås i knåpp vurm muntawerdn gitraamt håb. und i maan i traam ållaweil noch. odawia.
an guatn morgen und an scheenen sunntåg eich ålln!
|
| ruflo am 24.07.2010 17:17 (vua 5601 Tåg) |
jå, andale, i håbs wohl gsehgn, åba es ies wia beim göld: man maant, man håt an haufn nötsch und flutsch, ies es weck.
a friescha wind geht und es tuat a biessale tropfetzn. ies eh nit schlecht, weil des, wås gestern åba kummen ies, wår eindeitig z'wenig. |
| ruflo am 24.07.2010 09:53 (vua 5601 Tåg) |
bei uns håmt sich die maastn wölklen vazogn und die sunne låcht. gregnt håtz vül z'wenig, åba dafier is mit 19° gråd ginau richtig.
bea - hihi - taatet i gern a mäusle sein und dir zuaschaugn beim ummakuhgln mit'm gumminastigbåll. is wåhrscheinbår a ånblieck fier götta. hihi. iii, wenn i sowås tuan miaßat - i warat wia a maikäfale, wo aufm buggl liegt. bauch in die höh und mit die gibeine strampln, bis a åndriges käfale kummt, dås mi wieda umdraht. jå. 24.07.2010 09:59:åba i terf mi eh niet biklågn, håb i eh so a liabs käfale. weil se gestern soooo vül kaasnudln gwutzlt håt (fåstbinåhe vierzg stuck!) wer' i sie heit zum essn auf die windische einlådn, wenn sie måg. åba mögn tuat sie eh fåstbinåhe siehalieh. |
| ruflo am 24.07.2010 09:24 (vua 5601 Tåg) |
uiiii, ribislkuchn - guat!!! mågiaahåbm.
jå, FC köln in tröpolach. seind des dee miet dem gaaßpock? oda håmt de a åndriges biskottchen?
i håb amål an gaaßpock gikennt, den håst an hålbn killometta stienkn gheart.
|
| ruflo am 24.07.2010 06:53 (vua 5601 Tåg) |
jå suppa, pfeiferle, ... also - wia dem kuhle sei grantige tante schaugst bestiemmt nit aus, schon eha wia a jugendliehe lizz tählor oda wia a vawånta von da tschihna lollopritschita oda går von da sofija lohren. jå. so, hiatzt is die hietzn vurbei. gregnt håtz gestern und in da nåcht, heit aa noch a biessale getropfetzt in da fruah. wias weita geht, waaß - maan i - niet amål da petrus und bei de weettafrösch ies aa fråglich ob de dås ginau sågn können, weil aana von denen huckt im tschumpus und siehgt wenig sunne. mir håmma wohl etlane metolololognen, åba de tuamt uns oft ånliagn. eh wurscht, murgn wiessn mir, wias heite wår. hauptsåch:
wochnend ies då! i wientsch eich an scheenen tåg. |
| ruflo am 23.07.2010 16:57 (vua 5602 Tåg) |
jåjå - mietzale ihre kaasnudln seind die bestn, då gips niex. is ållweil guat, wenn wer zum essn kummt, weil fier uns zwaa allaanig zåhlt sich die årbeit niet aus. sågt die madamm. |
| ruflo am 23.07.2010 15:37 (vua 5602 Tåg) |
mir håmma heit' an kaasnudltåg ghåbt. unsa sohn mit schwiegatochta und ålle vier enkalan wårn då. mietzale håt schiesslweis kaasnudln gikocht. und ålle seind furt, niet a aanziga is iebrig (zum aufrestn auf d'nåcht)
i maan heit' kummt noch a schiachs weetta. es håt zuagezogn und derzeit geht gånz a schwula wind. die sally håt sich schon unterm schreibtisch vakrochn und wüll går nit spuziern gehn. und i gspiers aa in meine murschn gibeine - es liegt wås in da lufft! |
| ruflo am 22.07.2010 18:13 (vua 5603 Tåg) |
seas martin
håb gråd mit an kumpl vom bodensee gechattet - der sågt: es is årg. es schüttet wia aus kübeln. und bei uns scheint noch ållaweil die sunne und es håt noch ållaweil 30°
dabei sollat i mit die huntalan.... åba bei der hietzn???
22.07.2010 18:14:
schnecki, wia schaugtz denn bei eich im allgäu aus? hoffntlich håbbes ka unweetta? |
| ruflo am 22.07.2010 16:55 (vua 5603 Tåg) |
jå kuhli, håst denn ångstöllt miet dein flåchbüld-tefau, ha? håt dei kåta miet da fernbidienigung umagspült odawia?
i håb gestan im multimediahaus in fiellah an 3D-fernseha in äktschn gsehgn. uiuiui, des ies klaass... håb i mein neichn tefau gråd um a påår monatlen z'fruah gikaaft. åba man kånn hålt als grufftie niet iemma wårtn aufs najeste, sunst håst gaxt niex und siehgst eh lei mehr die kiestn von innen. jå.
åba i bin schon z'friedn: wennst die tolln aufnåhmen aus natuhr, technik, reisn undsoweita in hadeh auf sky oda arte oda an åndern HD-senda siehgst - des ies schon fåst wia drei-de. muaß man siech jå niet die triemma um die uhrwaschl fliagn låssn. und wer waaß, wennst då länga zuaschaugst, ob'sd niet schädlweh kriagst, und dås in dein' eigenen plutza. jå. |
| ruflo am 22.07.2010 08:10 (vua 5603 Tåg) |
seas fibile. hasaledienst - jå, werd so ähnlich sein wia bei mir huntaledienst. kånn unsa klaane dicke aa niet allan låssn, tuat sie mir laad, wenn sie aufm fenstabankl huckt und so traurig nåchschaugt, wenn mir furtfåhrn ohne sie. dabei wüll sie eh nit einsteign iens aute. waaß man nia wia man soll... |
| ruflo am 22.07.2010 07:48 (vua 5603 Tåg) |
dånkda bea, fier die tittulierung, åba i bien jå kaa herr niet. da herr wöltmaasta ies a herr, der schon, åba iii bin jå lei iii.
gehtzdadennsoha?
jå, a årge hietzn steht uns heite bivur, åba då kånnst måchn niex. summa ies hålt summa. wenn wienta warat und saukålt, warat jå aa wieda niet recht. guat warat eppes so iergendwo zwieschndrin. åba es weetta ies hålt ka kattalohg, wo man siech aussuachn kånn. und derwegn ies es z'haaß, wenns haaß ies und z'kålt, wenns kålt ies. nudl. so ies er, der läben.
lei an eksimo, an inuit ies aa nåachan z'wårm, wenns lei kålt ies, und der hupft als a nåckata im schnee umanånd und schwietzt; und an tuareg ies falleicht aa nåachan kålt wenns schiach haaß ies und der wiecklt siech in sei deckn ein und fippart auf sein kumehl, wenn die sunne åbahaazt. und derwegn håt schon da bertl xågg, da einstein, es ies ållas rellertif. jå, so ies er, der läben.
|
| ruflo am 22.07.2010 06:07 (vua 5603 Tåg) |
18° - wolknlos - die sunn schlågt ån - gråd recht für an morgen-spaziergång, bivur die große hietzn ausbricht.
i hoff, es geht eich guat? bei uns då ies ållas bahletti.
an guatn morgen und an scheenen tåg wientsch i eich! |
|
|
|
|
såg i aa, und an scheenen freitåg!