|
|
|
| ruflo am 13.07.2010 07:25 (vua 5612 Tåg) |
iwaaßnietiwaaßniet - a so a aufrägung zwengs dem biessale wårm ... tststs ... ies des falleicht niet scheen, wenn ma sei wientamantale einwientern kånn? lei terf man hålt niet vageessn a nupftaleen odawiadeshaaßt im kåstn einetuan, weil sunst gehnt die mottnen her und zwieckn löcherlen eine. und speick geht a, lei speck niet, der wirkt ånders. wennst då des mantale im näxtn wienta wieda ånziahgn tuast, schmeckest wia a gsölchta fåckh. jå. åba nupftaleen tuftet bitörend, so nåch nupftaleen hålt.
und tschudlhaubale brauchst aa kaans. oda a pölzkappale wo die lappalan auf da seitn ieber die ohrlappalen drieberhenkn. oda hantsch, naa. kånnst da ållas daspårn. ies des niet bracktisch? siehgstes.
und die dahmen brauchn kaa blusale odasowås, können dahaam miet dem bloßn etui-puhr-le-tütt (des haaßt so auf frantschöschitsch, weil siech modemäßig es maaste bei de konndohme oda pariser odawiadehaaßn åbspüln tuat), also miet so an etui und an wunzign hosala können de ummarennen und bei die härren siehgst eh niet, wås se fier a hosale ånhåbn tuamt, weil da bierbauch drieber åbe henkt. åba åndriegenseitz: warum soll man siech mit an sexaträgerlen, an soginånntn sixpäck, z'friedn gebm, wenn man a gånzes bierfaassl håbm kånn? jå, und bei die härren henkn die spurtlawadln (bei mir seins krahwadln) und die behåårtn tittlwarzalen und prustmukseln in da gegnd frei umanånda. ies des falleicht niet a erbauliha ånblick, ha?
ruflo, wårtamål du brodla, von wås håmma g'redt? a jå, von da hietzn. dauert eh niex, ies wieda ålls vurbei und da näxte hierbest håt uns wieda. jå.
so ies er, der läben, kaum håt man siech auf eppes gigwöhnt - schon ies wieda vurbei. panther rei håmt schon die åltn kriechen xågg, ållas riennt. ållas riennt davon und so vadufftet aana nåch dem åndern. (summatåg).
jå, und die fiellahabrauarei, maanst falleicht, de håt kaa freid niet miet dera hietzn? werd eeendlich da bierberg, wo siech in da kuahln zeit aufgitürmt håt, a biessale åbgebaut.
und bivur dass i hiatzt då vadufftn tua (hundsrunde, fiellahfåhrn undsoweita), wientsch i eich ålln noch an guatn morgen und an scheenen tåg! |
| ruflo am 12.07.2010 07:23 (vua 5613 Tåg) |
wientsch i eich aa. lei 35° håb i niet zan bietn, bei uns håtz derzeit 18,8°.
i muaß hiatzt noch amål zum mihanika - sörwiß måchn. pfiateich derweil. |
| ruflo am 11.07.2010 17:01 (vua 5614 Tåg) |
a giwietta kummt. iebern insberg her und ieber die nockberg ies schon gånz schwårz. des haaßt bei uns nit vül, weil mir es weetta fåst ållaweil ausm südn kriagn tuamt, des ziahgt ieber die windische höh vom gailtål her. åba: heit kummtz niet nur ausm nordn, sondern aa ausm südn daher - und des werd grittisch. also: petzeh ausschåltn. åba vurher "pfiateich" sågn und ålln noch an scheenen sunntåg wientschn, sovül zeit muaß schon noch sein.
und regnen fångtz aa schon ån. und donnern. und da bello schiaßt daher und wüll sich bei uns vasteckn. und .... aus! |
| ruflo am 11.07.2010 05:38 (vua 5614 Tåg) |
an guatn morgen irmi. tuastdennduschonaufha? hoffentlich muaßt heit niet årbeitn? i bin aa schon aus da kistn ausagekraalt. mir taugtz am bestn in da fruah, wenns kuahl ies. herrlich friesche lufft. da bello (seit fümpfe) und die zeitung (viertlsexe) seind aa schon då. hienterm åltnberg siehgt man schon, wo die sunne aufa steign werd. des werd a wunderbårer sunntåg. und an solchn wientsch i dir aa.
ållen åndern: an guatn morgen und an scheenen sunntåg und dem pfeiferle a guate nåcht. |
| ruflo am 10.07.2010 22:59 (vua 5615 Tåg) |
schobarin - seckt ies ållaweil guat. in måßen ginossen, so niet mehr als 3 bis 4 litta bro bersohn. wås mehra ies, ies kfährliech wegn die brumülle.
hicks!
so hiatzt håb i endlich des aa gsehgn, wås da kuhle schon gestern gschaugg håt. åba mir seimma hålt a biessale långsåm. können jå niet ålle so schnöll sein. naa. und hientnnåch.
und da paule, de gragge, håt schon wieda recht ghåbbet. woher waaß der denn des. ha? åba falleicht håt der des aa schon vurher gschaugg.
i geh hålt hiatzt amål in die kiestn und såg pfiateich nåcht und schlåfzguat. traamtz wås scheens.
"aabendz wenn ich schlaafen geh - fürzehn englein um mich stehn..." (humpeldink) |
| ruflo am 10.07.2010 18:14 (vua 5615 Tåg) |
sodala, håt lei mehr 29°. i wer' mir hiatzt a wientamantale ånziahgn und mit die huntalan a klaane runde måchn. lacki und haufi måchn. muaß aa sein. oda maanst falleicht, de können ewig ålls fier siech bihåltn? naa, des geht niet. es muaß ausa wås druckt.
i måch des niet untawex. mir håmma dahaam an donnerbålkn. åba då obm kånn die sally niet sitzn, fliagt sie ållaweil åba. pfiateich.
und: kuhle, heit gehtz rund in siedafrika. des wås du gestern gschaugg håst, wår lei des vurgiplänkel. jå.
der süße klang der wutzelwutzla. oda wia de haaßt. tüüüüüüüüüüüüüüüüt
|
| ruflo am 10.07.2010 16:10 (vua 5615 Tåg) |
ahaaa, irmi. so maant er maanst? nana, då håt er siech gschnittn. jå.
weil erstns ies die kreizn niet da wuzzelpåss und da pråntapiechl niet de steile stråßn då aufe.
zweitens håt er auf den wuzzel aufe eh näha wia zu uns aufa.
driettens: toback, haa? nanasowåshearst. håmpf fier hasch und mariwaana - nåjå des warat jå noch meeglich. åba toback ånbaun ... tststs ... ies jå vül z'kfährliech.
viertens: kaasnudeln jåjå åba pastaitaljahna - naa, des geht jå wierklich niet. naa. ållswåsrechtieshearst.
seas frounze. tua lei, håst schon rächt.
hülfe - die kinesara kummen und saufn uns unsa bier weck!
|
| ruflo am 10.07.2010 14:39 (vua 5615 Tåg) |
häää? toback? ai ständ biseid maisölf und ai sink, ai äm in se wuud... wenn du des letzte büldl von mir maanst, des ies unsa
L I N D N B A A M
(von heruntn untn nåch obm aufe fotegrafiert)
|
| ruflo am 10.07.2010 09:56 (vua 5615 Tåg) |
seas schobaweible. jå, da maatin håt recht, weil wo er recht håt, håt er recht. so aane liabm diandlen ... naa sowås herrzigs. tuabbes lei aufpassen, dass de ka arabascheich niet sehgn tuat, de büldlen. weil - ruckizucki - schon håt eich aana geschnappet und ihr seibbes wumöglich - bivur des noch amål a pietza kriagn tuabbes drien in an harem. des warat scheen schiach. jå. salami alaikumm. eine in die purrka und schon håst den furhång vurm xiecht.
tuat da kuhle noch ållaweil ieberlegn, wia des spiel von gestern, des wo erst heit ausgitrågn wert, ausgigången ies? oda huckt er noch unta seina kuscheldecke? kuhle --- kuhle he --- suunne låcht, fegalan tschwittschan - muckefuck ies fertig und falleicht gips sugår a semmale dazua.
na, wenn der hiatzt niet daherkummt, wenn der wås vom essn heart, nåachan waaß i niet ...
10.07.2010 09:58:a wohl - hiatzt ies er jå schon då. seas andale. lebakaassemmale hearst, wia des dufftet? håb i schon aans vadruckt heite. |
|
|
|
|
