|
|
|
| ruflo am 02.07.2010 18:14 (vua 5623 Tåg) |
es fångt ån, a wenig kuahla werdn, drum wer' i hiatzt da sally es diandlgwandle (brustgschierr) ånlegn und mit ihrn a runde måchn.
i gfrei mi auf murgn und fier heit' såg i pfiateich. |
| ruflo am 02.07.2010 09:09 (vua 5623 Tåg) |
jåjå - einsperrn. åba unsre seind jå praf, de tuamt jå in de fremdn diandlen nix.
åba seind eh lei so aane brodla. die kummer und so. sågntze in stocknboi "plåppaschaaß - treib aus die gaaß". åba warum se des sågn, waaß i niet.
|
| ruflo am 02.07.2010 06:43 (vua 5623 Tåg) |
seas feifale.
håst sie wohl scheen gigriaßt von uns ausm fiellahanett, die keenigin?
i bin amål am tor vom packinghäm-ballast gståndn und håb aufegwunkn, håt sie mi åba niex gekennt. oda går niet gsehgn. falleicht ies se aa gråd vurm spiagl gsessn und håt gfrågt ob sie die scheenste ies. "spieglein an der wand..." und da spiagl håt glåcht und xågg "rumpelstielzchen ist tausendmal schöner als ihr!" oda wår des es schneeflittchen? waaß i niamma, schon z'lång her.
oda wår sie falleicht går niet dahaam. des werd gwesn sein. niex dahaam. siehgst so seindse, die wintsohr-keeniginnen und senare brünzgimåhle. kumm i se aamål bisuachn - seindse niex dahaam. åba i wer' mi schon rewantschirn. wenn de mi amål werd bisuachn wolln, wer' i aa niex dahaam sein. nudl.
schlåf guat pfeiferle!
irmile, gehtzdadennha? ies bei eich aa so schiach haaß? mir håmma heit in da nåcht ålle fensta und tieren aufgriessn und die haustiere aa. damiet a biessale durchziehgn tuat. nåachan håmma wieda a biessale ginåpfetzt. ies hålt niex recht, - wenns kålt is, is kålt, wenns haaß is, is haaß undsoweita. und wenns trucken is, regntz nit. i maan, i wer' mi amål ieber die christa kummer und ieber den herrn wadlsack bischwern, de wås uns via URF des depperte wetter schicken tuamt. åba i glaab des nutzt niex. da weetta tuat ållaweil so wia er wüll. niet lei im aprüll. åba des in colonia håbbes jå gånz åndare wettaweiblen und -mannkalan im tefau. falleicht ies derwegn bei eich es weetta ånders.
hoffntlich ies wenigstn murgn z'miettåg scheen, dass mir herausn sietzn können tuamt auf da windischn. an blick auf die julischn ålpn schmeißn, aufn mangart, aufn cacciatore undsoweita. und wenns niet scheen is, schmeißn mir unsriege bliecke hålt aufn grülltella oda aufs kuhtelett. geht aa. oda mir vasenkn die bliecke im bierkriagl.
schnecki, tua guat aufpassn auf da autebahn, seind wumöglich murgn wieda an haufn faruckte untawex. und hoffntlich steckst niet in an stau driennen.
jå, murgn z'miettåg wernt die irmi, die bea und es fibile a taamisches schnaggerlestoßn kriagn, weil mir auf se fest denkn werdn und in fahrradelberg und canadium wernd siehalih aa a biessale die gibiesse kleappern.
und wisstz, wås noch ies? mei kuffee ies fertig und i geh fruahsticken. aus. schluss. |
| ruflo am 01.07.2010 20:22 (vua 5624 Tåg) |
bea, maanst den gåsthof enzian auf da windischn höh? der ies von uns so zirka 4 km oda fümpfe weck.
wennst in google-earth eingibst
46°40'39.74" N und 13°35'45.00" O
siehgst des Haus, in dem mir wohnen (Kreuzen - Auf der Eben)
und bei
46°38'02.78" N und 13°32'39.37" O
ies da Alpengasthof Enzian auf da Windischn Höhe.
01.07.2010 20:31:
... und dahaam bin i in villach 46°37'20.03" N und 13°51'13.35" O - des Haus gheart hitzt in unsre kinda. |
| ruflo am 01.07.2010 19:20 (vua 5624 Tåg) |
so, seimma wieda dahaam. aans von unsre enkalan håt die matura mit prawuhr biståndn, då håmma ihr schon gratulirn miassn. scheen ies, dass mir wieda dahaam sein, weil mir aufm berg håmma doch a biessale a åndare hietzn als wia de in fiellah.
bea, schåd, dass nix weita geht. i hån schon vierzgmål oda öfta gwoutet, nix geht weita. åba da vierte ies jå aa suppa. (da vierte ies unsa numma aans). jedesmål, wenn i den petzi einschålt, geh i als erstes auf de degene seitn.
kuhle, mit leba und åndrige innareien kånnst mi jågn, ies ierger wia spinat.
und hiatzt bin i miad, i geh wås essn und dånn gips fernsehschlåf. kratis. |
| ruflo am 01.07.2010 08:07 (vua 5624 Tåg) |
so. und hiatzt hålt i mi z'ruck. ginuag weißheitnen fier heit vazapft. hiatzt påck i meine huntalan z'såmm und geh a runde.
die sally und da bello heschatzn eh schon gånz årg und wollnt eeendlich lacki måchn.
und haufale aa, oda wurschti. |
| ruflo am 01.07.2010 07:55 (vua 5624 Tåg) |
jå, bea, håb i eich ålln a mehl gschickt und bittscheen tuabbes mi imphormiern (aa per mehl) - wer kummen kånn, damit dass i bei da enzian-rosi aane plätz riserwirn kånn. seind jå ållaweil an haufn leit drobm auf da höh am wochnend, wenn scheens weetta ies. und a kuhtelett oda an grülltella im stehn åbewiergen ies jå aa niet so ånginehm. naa. 01.07.2010 08:03:noch aans zum temma bursitis: mir tuamt die årmen islamischn frauen laad, de wo ållaweil a bursitis ånziahgn miassn, wenn se auf die stråßn gehn tuamt. so aane klaachl, de von senare schatzalan sowås valången tuamt. iergendwia gimein find i. also i taatet nianiet mögn, dass mei mietzale wia a halma-kegale mit aana bursitis durch die gegend schwebm tuat. nåachan schon liaba auf an besn - schaugt iergendwia flotta aus. |
| ruflo am 01.07.2010 06:56 (vua 5624 Tåg) |
seas pfeiferle, jå schåd, dass ihr zwaa, die irmi und du so weit weg seidz von uns, und von wean und fahrradelberg ies jå aa niet gråd a hupfa dåde her. åba amål werd schon wieda klåppm, werst sehgn. miet a biessale "ob die miss muss" (oda ob sie nit muss) werd schon werdn.
liabe griaß nåch canadium und schlåf*) guat. mir denkn auf ålle, wo niet kummen können. åba da schnecki håt jå lei wenig zeit, er muaß am frühen åbnd schon wieda nåch germanien flitzn. _______________________ *) ållaweil de eggstrawierscht ... kaum stehn mir auf, schon gehntze in canadium schlåfn. a maanst des ies a gaude, ha? ies jå bei de ammis aa niex ånders. wia i in kaliphornium wår und haam tellefonirt håb, håt es mietzale xågg "wås weckest mi denn um draje in da fruah auf, ha?"
naa, schrecklich. nehmtz enk a beischpül ån siedaffricka, wo se fuaßbåll schpüln. ies aa weit furt åba derwegn gleich spåt wia bei uns. odaeppanietha? |
| ruflo am 01.07.2010 06:34 (vua 5624 Tåg) |
uiuiui - die bursitis, des ies a schwein der hundling! håt zu mir dersebm da dockta xågg - des könnet aa a penisårm sein. odaso.
chrischtele, i wientsch da a guate bessarunk.
ies lei guat, dass ma mir in estarreich wohnen tuamt, sunst miaßatn mir stått topfn an kwark aufschmiern. pfuiteifl, hearst, kwaaaaark, naaa .... kliengt wia a augge oda wia a kwagge.
wås maanst denn, dockta wöltmaasta, könnet man då niet falleicht a haa-zwoo-oo-zwoo, in hundatbruzentiga vadiennung aa aufe schmiern? wås fier a vauzwei guat ies, kånn jå fier an mäntschen aa niet so schlächt sein. gehst wieda åb wia a rackettn.
jåjå, i waaß, i håb leicht bleed sein - mir tuat jå niex weh. ies åba eh niet unkfährlich. wenn man in mein ålta aufwåcht und es tuat aan niex weh - ies man offt schon bei die engalan drobm. und wenn gånz schiach wuwa tuat, im untagischooß bei die hornetn.
an guatn morgen und an scheenen tåg eich ålln in nåh und fern.
a biessale ies durch des gestrige giwietta die hietzn a biessale gibrochn. håt jå fest gituscht, åba gregnt håtz bei uns niex. naa, lei a påår so årme tröpflen seind daher kummen, wer waaß, von wo. falleicht håmtze de im siedn niet håbm wolln. åba heit wertz truckn bleibm. falleicht, wenns nit regnen tuat.
|
| ruflo am 30.06.2010 18:17 (vua 5625 Tåg) |
ui --- mir håbm hiatzt a giwietta ghåbt. ohne regn, åba blitz und donna am laufendn bånd. ånginehm åbgekühlt håtz, kriagt man wieda leichta lufft.
i schleich mi hiatzt und såg pfiateich und an scheenen åbnd noch.
|
|
|
|
|
