|
|
|
| ruflo am 28.06.2010 15:55 (vua 5627 Tåg) |
herrschåftseitnnoamål - heit ies ieberhauptz nix "kuih", dafier åba gånz taamisch "schwuih". wenns amål bei uns aufm berg harobm 26° håt, des haaßt schon wås.
sugår da årme bello ies ausm freien ins schåttige ziemma zu mir eina gfliechtet, håt a gånze tappawähr-schiessl vull wååssa gschleappert und liegt hiatzt auf meine haxn unterm schreibtiesch.
des gips brupläme, weil de draie niet unta meina mäblatuhr plåtz håbm tuamt, da groaße bello und meine zwaa haxn. då sietzn nämmlich schon a fette båsspocks, de meine wadln so riechtig massiern tuat, wenn i den saund vulle wäsch aufdrah und a schtillasch mit zedehs und devaudehs mit kombutter-prugramme und sowås. wenn i wiessn taatet, wia i soll...
i waaß schon: i hålt die händ in die hundsschiessl mit kåltn wååssa und brupier mit de zeachnt schreibm. falleicht geht. und de schtillasch wer i, wenns kuahla werd, ausa haun då drunta. muaß i mi eh lei ållaweil aufn bauch legn, wenn i a zedeh oda a devaudeh brauchn tua. ies går niet so bracktisch.
und die sally liegt in ihrm kerblen zsåmmgrollt drien und schnårchlt und tuat so fålsch als wia wenn se hien warat. dabei zaasst sie jå wohl noch, lei spuziern gehn måg sie derweil amål noch niet. måcht niex, geamma in da nåcht, wenns fiensta ies. ies eh niet gånz fiensta, ies jå bålt fullmont. jå. und vur de degenen flåttamäuslen håmma mir jå eh kå ångst, mir draje, die sally, da bello und i. lei wenn mi mei ålte nåchbårin sehgn werd, werd se sågn "goottzwüllnna, hiatzt ies da rudi aa schon a gischpenst!"
und die leichtkäfalan tånzn durch die liefte und bileichtn mei lucksusfiguhr. jå
|
| ruflo am 28.06.2010 06:52 (vua 5627 Tåg) |
montåg is. aa neicha tåg, a neiche wochn. sunne scheint, scheen werd's!
i wientsch eich an guatn morgen und an wunderscheenen tåg. und a ångenehme årbeitswochn mit wenig (oda bessa går kaan - åba gips des ieberhaupt?) stress. |
| ruflo am 27.06.2010 22:19 (vua 5628 Tåg) |
auweh, frounz. und is dir wohl nix gschehgn?
gratuliere zum göte. (pate klingt a biessale nåch maffia odaso).
i håb noch schnell da bea a kneedale vapasst und hiatzt geh i in die harpfn. guate nåcht. pfiateich bis murgn und seas. |
| ruflo am 27.06.2010 14:50 (vua 5628 Tåg) |
mundl: "mei bier is jå nit deppert!"
rumplschteck ies guat, schweinsbråtn ies aa guat, hålt ånders. und tschwetschknkneedl seind aa guat. a guats bawernbrot ies guat und friesche semmln seind aa guat. warum solls beim bier niet aa so sein? gschmäcka und waatschn seind hålt intefidenell vaschiedn. odaso. und aanige mögn jå sugår es gösser, ...
sulång man noch auswähln kånn ies jå eh ållas guat. odawia?
|
| ruflo am 27.06.2010 10:21 (vua 5628 Tåg) |
kuhtelett mit pompes fritzes und knofiputa oda kraitaputa, jenåchdem gips heit auf da windischn. is aa a sunntågsvagniegen, weil essn und trienkn håltet leib und söl z'såmm. sågntze. und des stimmt. nudl. (pasta) und da hefale fiellaha dazua. mehr terf i niet, weil i miet dem fusion untawex bin. åba reichtjåwohlaa. wer' i eh am nåchmiettåg noch aans zwietschern. wenn aana von de zwaa gwiennen tuat. weil falleicht gwiennt jå tschermanie. nåachan ies aans fällig. oda es gwiennt inglitsch, nåachan ies aa ans fällig. jenåchdem wer gwiennen tuat - a fiellaha ies fällig. und wenn kaana gwiennt - måcht aa niex, fiellaha schmeckt ållaweil. wohl. lei wenn baade gwiennen - nåachan sauf i zwaa. fiellaha. mierzenbier.
|
| ruflo am 27.06.2010 08:03 (vua 5628 Tåg) |
"... ies er noch im ziemma drien, ies er falleicht går schon hien."
i wientsch dir an wunderscheenen tåg in da natuhr, bea, und ålln åndern natierlich aa. a so a massnauflauf ies aa niex fier mi. ies fåst a schånd - åba es letzte mål wår i so ungifähr vur fuffzg jåhr beim fiellaha kierchtåg.
jå, scheen ies es und da heitige loståg (siebenschläfer) vahaaßt eigntlich lei guatz.
apopo loståg: i hättet då noch aan, i waaß åb niet, ob des niet von an nebmerwerbslåndwirt ies, der hauptbiruflich bei da eisnbåhn årbeitn tuat: "lässt der bauer einen fahren, flieht das vieh in hellen scharen".
unsa gåst, da yukon - a gånz a liaba golden red river, muaß hiatztn dahaam bleibm, wenn i mit sally und bello a runde ziahgn werd' - weil er schon so ålt ies und sich beim haatschn schwer tuat. åba in dera biziehung bin i aa a ålta golden red river, krump und haatschert, åba a liaba teixl. göll wohl? - i tscherfl hålt in de zwaa taggln (bello und sally) hintaher und hoff, dass i haamwärtz noch iebern biechl aufadaschnauf. i bin hålt kaa wöltmaasta niet.
jå. so ies es. kånnst måchn niex, seimma froh dass ma mier froh sein tuamt.
an guatn morgen
und an wunderscheenen sunntåg
wientschn eich
mietzale und ruflo
sally und bello
und da ålte yukon
|
| ruflo am 26.06.2010 22:29 (vua 5629 Tåg) |
jå, irmi, du håst recht, des is der Natternkopf (Echium vulgare) und bea, du håst aa recht. i håb heit bestimmt zehn mål fier di gevotet, åba då riehrt sich nix. und da martin håt aa recht, wenn er sågt: fier uns bist du die siegarin. egal, wiavül stiemmen du kriagst. mir werdn bis zum schluss durchhålten und falleicht geht doch noch wås. wia sågt man? "die hoffnung stirbt zuletzt".
so. i kriach hiatzt in die kistn und fålls mi in da nåcht wieda mei plåtta plågt oda mi de håhnen wåchkrahn - nåachan wer' i da bea a kneedale vapassn. hihi.
bis murgn dånn. seas.
guate nåcht ållaseitz.
|
| ruflo am 26.06.2010 06:20 (vua 5629 Tåg) |
jå, mi håt wieda amål die senile bettflucht dawuschn, åba lång schlåfn können mir eh båld ginua.
pfeiferle, guat håst des gmåcht, und aa wenn sich da kuhle aufregt: wennst dei büldl größer håbm willst då herinnen, brauchst lei im eingåbefeld bei "Breite" die zåhl "500" (pixel) eingebm.
sodala, wieda a wochn umma. so geht aane nåch der åndern.
pfeiferle, i wientsch dir, deina erika und deina familie in canadium a guate nåcht. vagiess niet, uns rechtzeitig vurher sågn, wennst in dei ålte haamat kummst, damiet mir wieda a "fiellahanetttreffn" uhrganisiern können tuamt. pfiatdi und schlåf guat und traam wås scheens.
ålln åndern, in colonia, berchtesgaden, fahrradelberg, schpittltschitty, wean undsoweita und rundummatumm, de scheen långsåm aus da harpfn kraxln werdn, wientsch i an guatn morgen, an scheenen såmståg und a erholsåmes wochnend.
irmile, gehtzdaguat?
schneck, wia lång bist denn noch auf kuah?
fibi, tua dei tåpfares hasle umårmen und dånkscheen fier die liabn såchn, de du uns per mehl gschickt håst.
und bea - warat jå glåcht, dass mir dei kunstwerk niet weita nåch vurn bringen können. mir årbeitn drån.
die håhnen krahn (seit viertlfümpfe!), da bello ies aa schon vur da haustier, an murgenspuziergång steht also niex im wege. wer' i hålt die tscherfl ånziahgn und åb ins gidax...
irmile, wia mir hiatzt vur kurzm kaasnudl ghåbt håbm, håb i fest auf di gidenkt. åba waaßt eh - wenn i de zu dir nåch köln ause schick, werdn se gånz hudret, und falleicht riennt da tschmargl ausa. haha. wumöglich laafntze von sölba davon, wer waaß.
farm2.static.flickr.com/1057/4731961257_9620d396f8_b.jpg
www.flickr.com/photos/dueller
... ausadem liegt då aane bei uns im gårtn umanånd, de schaugt aus, als wia wenn se an gånzn hogga kaasnudln gfladert und gfressn hättet...
26.06.2010 08:38:sodala, åbghagglt: hunderunde und einkaafnfåhrn nåch feistritz. hiatzt kånn da såmståg kummen. |
| ruflo am 26.06.2010 02:58 (vua 5629 Tåg) |
bravo, pfeiferle, suppabüldl. und herzlichen glückwunsch fier dein enkl! kånnst stolz sein auf ihn. åba wunda ies kaans - der schaugt dir jå sooo ähnlich.
hiatzt håb i schnöll fier unsa beale gwoutet und hiatzt geh i wieda schlåfn. gnåcht! |
|
|
|
|
