|
|
|
| ruflo am 18.05.2010 16:44 (vua 5669 Tåg) |
seas adolf. jå - mei weible is dahaam. seimma wieda vollzählig, es mietzale, die sally und i. und da bello wår aa gråd då.
die annemarie låsst sich bei eich ålln fier die liabn wünsche bedånkn. es geht ihr schon vül beessa, und wås noch niet ies, werd schon wieda.
wenn du in dei ålte haamat kummst, werdn mir selbstverfreilich a treffn uhrganisiern. werdn mir schon schaugn, dass mir des rechtzeitig bekånnt gebm können. |
| ruflo am 18.05.2010 07:16 (vua 5669 Tåg) |
... dass unsa aanziga wertabuachwöltmaasta aa da aanzige fesche kärntnerbua ies, håb i jå schon in iergendaana vastecktn hiernwindung fåstbeinåhe vamutet - åba hiatzt håt er's uns jå in weiß auf roat bistätigt. i taatet sågn: damiets niet går z'gomplizirt werd, tuan mir des a biessale vamantschgern und sågn aanfåch "scheenster kärntner wöltmaasta åller zeitn" oda kurz "schekäwölaz" zu ihm. und damiet er uns nit bees ies: HERR schekäwölaz. natierlich keennatn mir des aa noch a biessale erweitern und "schweinsbråtneggsbärte" dazuatuan, nåachan warat unsa andale da HERR schekäwölazschegg. i wüll jå sölba går niet wiessn, wås aus dem ährentittel werdn taatet, wenn mir a seine vadienste ums kärntner pahlett, um die tschik- und nudalanfåhrtn undsoweita aa noch dazuatuan taatetn. falleicht a HERR schekäwölazscheggpatschiknudl. odaso.
mei mietzale håt noch iemma hausarrest im elkaha, åba falleicht klåppetz heit mietm haamfåhrn, werdnmirschonsehgn. die årme sally suacht es fraule hålt schon in jedem ziemma und i kånn lei mehr hienter ihrn nåchlaafn und die tiern zuamåchn. weil auf bringt sie ålle, lei zua - dafier ies es herrle zuaständig. und sugår unterm bett schaugt sie nåch. åba då kral i niet eine. mir reichts schon, dass i untern tisch eine muaß, wenn die schäffin wieda dahaam ies. haha. åba da herr im haus bin i, weil i geh wieda außa, wånn i wüll.
gottzwülln - vur lauta gscheit redn hättet i båld drauf vagessn:
an guatn morgen und an scheenen tåg!
18.05.2010 07:25:håb i mi gestern sölba amål bei aan seitnsprung ertåppet. håb i stått an hefale fiellaha a flaschle hierter gikostet. wår aa niet so schlächt. åba lei gånz a klaans.
und zur stråfe sauf i heit wieda a hefale fiellaha.
åba a groaßes.
und so riennt aans nåchm åndern. ob eppa es maibachle aa riennt?
|
| ruflo am 17.05.2010 00:20 (vua 5670 Tåg) |
uiiiiiiiiiiiiiii - a so a fescha lootta, unsa christian! wenn i a diandle warat, den taatet i meegn. (åba er mi wåhrscheinlich niet, hihi) und weil er so a pfundsbursch ies, måg i ihn trotzdem, a wenn i kaa diandle niet bin. scheen, dass d' wieda då bist, schneck!
so, i håb schon binåhe drei stündlen gschlåfn, åba nåachan håt es wååssawerkl wås von mir wolln. und des miettn in da nåcht...
und bivur i mi hiatztn wieda in die kistn hau, såg i eich: guate nåcht und traamtz wås scheens. die diandlen am bestn wås vom wåldschneck... 17.05.2010 08:44:aha. kanada. (auf deitsch: "kaana då!") so aane schlåfhaubnen hearst. nana. i bien schon wieda fullfett und streichfähig (vollfit). wia a eggalekaas. hiatzt wer' i meine täglichn pfliechtnen aledign (die runde miet die hunde ... sally und bello wårtn schon).
falleicht wer' i a heit in de 3 håhnen den krågn umdrahn oda dem fux zaagn, wia er in heandaståll einkummen kånn (in 5 minutnen gezöhlte 41 mål "giggarigiiiiiie!!" ies wohl a biessale vül, maan i) und die nåchbårin tuat niex dergleichn, weil sie heart jå nix davon - ies a gånzes stållgibäude dazwieschn, åba bei uns seind se praktisch vur da haustier, de schreipeitl.
åndraseits ies a klår, dass man bei drei heanda drei håhnen braucht zum tretn. de gfiedertn weiber wollnt jå aa sener vagniegen håbm odawia. und schließlich muaß man hålt sowås vatrågn, maant die nåchbårin, man lebt jå schließlich am lånd.
in da stådt håmtze hålt an åndern grawahl, de aute zum beischpül.
jå, und nåachan wer' i nåch fiellah gratln, falleicht kånn i mei mietzale schon mit haam nehmen. oda aa niet - nåachan wårtn mia hålt.
brauchst kaa ångst niet håbm, kuhle, i vahunga schon niet. weil es gips zum beischpül eingfrorne hienige heanda, de man brutzln kånn und sowås oda tiafgikühlte schpienahtplotschnen. und außadem håb i vurn - oba da wåssaleitung - jå aan haufn åbbaubåre riservnen. gell.
und vierezwanzgkommafümpf eiro håb i aa noch im briaftaschle, då kånn i mir locka noch zwaamål es bäuchle auf da windischn vollschlågn. also måch dir lei kaane surgnen.
und a hefale fiellaha aa noch dazuatrienken.
so, i såg pfiateich und an scheenenn wochnbiginn, falleicht schaug i auf d' nåcht noch amål eina. oda aa niet. |
| ruflo am 16.05.2010 08:21 (vua 5671 Tåg) |
jå, bravo, pfeiferle, er laaft wieda!!! i håb mir schon surgn gmåcht, wås mit dir los ies, håb mir gedåcht: "hoffentlich ies er niet krånk?"
i bin derzeit aa a biessale im stress, es mietzale ies im fiellaha krånknhaus - åba wenn ållas klåppt, kummt sie murgn schon wieda haam.
i wientsch eich ålln an scheenen sunntåg (es weetta ies jå niet gråd es scheenste, wolkn flietzn durch die gegend dass lei so a freid ies und da blåse geht, kålt ies wia im spåtwienta ... åba werd schon wieda - sågn die metolololognen, und de miassn's jå wiessn.)
|
| ruflo am 15.05.2010 15:53 (vua 5672 Tåg) |
griaß eich. i wår jetzt in villach bei mein weiblen. es geht ihr recht guat und sie låsst eich ålle scheen griaßn. falleicht terf sie am montåg schon wieda haam.
bea, iergendwås stiemmt beim fotolink niet. auf deina flickr-seitn kånn i deine tolln wåndmålareien sehgn, då im v-net ies ållas lei weiß. åba scheen håst's gmåcht, großes lob und medeilje.
|
| ruflo am 14.05.2010 09:27 (vua 5673 Tåg) |
bevur dass i wieda nå fiellah fåhr: eich ålln an guatn morgen und an scheenen tåg!
dem mietzale gehts soweit recht guat und sie låsst scheen griaßn.
@schoba: bei usn regnts noch niet, åba wås niet ies, kånn jå noch werdn.
pfiateich und ållas guate. |
| ruflo am 13.05.2010 09:43 (vua 5674 Tåg) |
an guatn morgen, an scheenen fajatåg und a scheens wochnend, i möld mi aa åb bis auf weiteres.
is mir z'vül stress: fiellahanett und fiellah fåhrn ... ålsdånn: bis båld. sovül i gheart håb: der annemarie gehts recht guat.
pfiateich. |
| ruflo am 12.05.2010 16:21 (vua 5675 Tåg) |
@kuhlattich: mährfåcher irrdumm:
erstns - i muaß nit zum staber essn gehn, wenn i nit wüll, weil zur not kånn i sölba wås kochn, sogår bohnen mit speck und kraut (wenns sein muaß)
zweitens - die staber-fleischnudln schmeckn mir ausgezeichnet
driettns - >>> "tat eh nix schodn dos sei wompn obnimmt." <<< des taatet schon wås schådn, weil in den wåmpn håb i sooo vül göld inwestirt und des ies meina, drum håb i ihn gern.
viertns - i håb niet die åbsiecht zum vahungern
i kånn eich leida noch niet sågn, wias dem mietzale geht. i wår z'miettåg in villach im LKH - då ies sie schon aufm weg zur OP gwesn. und wia i vur a påår minutnen auf da station ångruafn håb, wår sie noch niet im zimma.
wenn i wås waaß, såg i bischeid.
pfiateich. |
| ruflo am 11.05.2010 20:06 (vua 5676 Tåg) |
nåch aana gållnstaanattacke håt da notårzt es mietzale ins LKH ieberwiesn, i håb sie åbegbråcht und bin hiatzt strohwiettwer. åba i påck des schon, und dem mietzale gehts daweil amål guat. sie låsst eich scheen griaßn und i såg pfiateich fier heit. |
| ruflo am 11.05.2010 08:06 (vua 5676 Tåg) |
hee, åba schoba - werst jå niet eppa unsern wöltmaasta entthronen wolln?
an guatn morgen und an scheenen tåg (derzeit ies er's weettamäßig noch) wientsch i eich.
kuhle i wientsch dir an guatn åblauf.
|
|
|
|
|
