|
|
|
| ruflo am 04.05.2010 17:47 (vua 5683 Tåg) |
da summa fångt jå erst im juni ån. so weit seimma noch niet. und die eisheilign seind erst in zehn tåg. iergendwia ies es guat, dass es regnt - schaug lei amål, wia schnöll hiatzt ållas grean werd. mairegen bringt segen, sågntze. aa wenns regnt - i håb mei runde mit da sally absulwirt. mit schirm, scharm und ohne (melone).
wenns niamma regnen taatet, taatetn ma mir a wieste håbm, so wia die gobi oda die atakama oda die mojave (då håb i schon schlapperklangen gsuacht, åba kaane gfundn) oda går die sahara.
|
| ruflo am 04.05.2010 12:13 (vua 5683 Tåg) |
so, måhlzeit. mir essn heit lei åbgebråtete genickwirswchtln und dazua a pantoffelbüro. ies so a årt fåsttåg.
kuhle, i håb jå dechta niet ån sowås gidenkt. (ohni soa kieh mal y påns odasowia). und des ies frantschöschitsch.
|
| ruflo am 04.05.2010 12:07 (vua 5683 Tåg) |
jå kuhle, spiennst? wenn nåachan der nåchwux maduhra måcht, bin i fümpfeneinzg, ... nanaa ... sowås. und mei öltestes enkale geht aa schon auf die fuffzg zua. sch...störch. håb i des notwendig ghåbt? :-))) |
| ruflo am 04.05.2010 10:08 (vua 5683 Tåg) |
schåd, dass i niamma so gilenikig bien, sunst hättet i mir heit sölba in hientern gibiessn: wår i in feistritz und håb den fottoapparat dahaam glåssn. und wås siehg i: 15 metta nebm da stråßn spaziert a storchnpåår iebern åcker. ies jå fiers burgnlånd niex bsunderes. åba då, miettn in kärntn ... ?
haamfåhrn und die kammara holn , jå, taatet gehn. åba bies i nåachan wieda in feistritz bin - daweil seind de fegl schon in affricka. oda sunstwo.
ållaweil es gleiche tiata: die scheenstn motiffe gips nåachan, wenn man kan fottoapparat dabei håt. die murphy'schn gisetze seind des, de mi die gånze zeit vafolgn tuamt.
hättet i aa können mit dem henndi a büldl måchn. åba - ich hasse henndis (ausa se seind knusprig gebråtn oda banirt). und mei henndi steckt in hosnsåck und werd lei ausa gitånen, wenn des luada fibrirt. ies so a årt wibrata. åba wenn er fibrirt, kriag i kaane gifühle niet, und aa kaan uhrgassmus, sundern an grant. so ies des mit dem glumpp. då gips kaane "guud waibreitschns" då gips lei a åbhebm, wenn i auf schoppingtuhr bien. weil da ruaft es mietzale ån, wenn ihr dahaam wås einfållt, wås sie noch brauchn taatet wås ihrn vurher niet eingfålln ies, wia i aa noch dahaam wår. und då gips nåachan nix, då muaß i den henndi schon aufklåppm, weil sunst kriag i, wenn i wieda haam kumm, punantza.
jå, so ies des miet die henndis.
|
| ruflo am 03.05.2010 18:17 (vua 5684 Tåg) |
wia håt da luis trenker xågg? "der sterz ruft!" oda håt der den berg gmaant? åba mi håt noch kaa berg niet gruafn, da sterz schon! derwegn såg i pfiateich fier heit. ginua petzi fier heit. murgn wieda. falleicht.
an scheenen åbnd und måchtzes guat. |
| ruflo am 03.05.2010 12:06 (vua 5684 Tåg) |
håst eh recht, bea. åba leuchte bin i kaane, niet amål a klaane und aa kaa leuchtkäferle. åba probirn wer i's derwegn niet. fier wås denn aa, håb eh schon wieda vageessn, fier wås des glumpp guat ies.
dånkda fier dei lob. mit a biessale schmäh gehts leichta im lebm. oftamål bleibt aan zwår es griensn im håls steckn - åba nåch kurza zeit gehtschonwieda. ma tuat siech iergendwia leichta, wenn man a lähalieha tüpp ies und die leit von aan lei bleedsinn und nix gscheits erwårtn tuamt.
pfiatdi bea und liabe griaß nåch wean. |
| ruflo am 03.05.2010 08:30 (vua 5684 Tåg) |
meingootmeingoot, kuhle, muaßt eppa draußn tränirn? werd jå dei tütü gånz nåss. årms mannkale du. kumm lei xunda hienta um 15 uhr odaso.
so, i wer' hiatzt mein paraplüh aufspånnen, damiet i nit aa nåss wer' und a runde miet die hundalan um die schoottagruabm ziahgn. weil da bello siengt schon a arie vur da haustier und die sally triepplt aa schon so eignårtig umanånda. i maan, de muaß aa schon.
|
| ruflo am 03.05.2010 07:54 (vua 5684 Tåg) |
seind jå aa lei årm, die fleh' und seehr ånginehme und biellige haustüre - brauchst kaa fuatta nit kaafn beim fressnåpf. und zwengs dem biessale juckn... wen juckt denn des schon? håmma jå wohl zeit zum kråtzn. und a flohzierkuss ies aa scheen.
an guatn morgen und an wundascheenen (bei uns varregntn) tåg wientsch i eich.
mairegen bringt segen - hiatzt werds wåxn.
kummt a kfährliche zeit: da sålåt schiaßt, die baama schlågn aus und die sunne sticht (wenn se scheint). und wenn niet, nåachan niet. jenåchdem hålt.
kaum seind die wiesnen grean, seindse schon wieda gölb vur lauta löwenzåhn. lei den rehrdlsålåt kånnst niamma essn, der ies schon a biessale z'bitta und EU-subwentijonirte jauchn håmtze aa schon gspritzt unsre bawern. åba de maiglöcklen kånnst kostn, wenn du maanst, des ies a beerlauch. ies åba niet, muaßt schon a biessale aufpassn aa und miet da nåsn kuntrollirn, obs nåch knofl riacht! und wennst a polenalgerie håst, nåachan håst hålt a päch.
und nix werds dauern, fliagn die liachtlen vom löwenzåhn durch die gegend und so varriennt die zeit. und mir werdn ölta und ölta. lei unsre diandlen niet, de werdn ållaweil jienga und scheena. und wenn då a GIERurg mithülft - wen schert des, ha? haupsåch scheen und gspånnt und fåltnfrei. schaug da lei amål unsa schillernde soßaieti-lädie ån.
und bei de buaman schlågn aa die triebe aus, wia bei de baam. lei beim kuhle wåhrscheinlich niet und bei mir erst recht niet. mia seimma schon årg vadorrte staudngiwäxe. i maan, i wüll jå niet säntimenntahl werdn, åba es ies, wias ies. und so ies es. nudl (pasta) sei niet traurig, andale, es gips jå vieh agra. falleicht hülftz - i waaß niet, weil i håbs noch nianiet brupirt. ies jå sautaja des glumpp.
|
| ruflo am 02.05.2010 10:24 (vua 5685 Tåg) |
du muaßt unsern @wuhte lei efta ruafn, nåachan wer er schon munta.
und - naa, mir seima niex eingschniebm, seimma schon ausageapert. håmtze schon jauchn gfiehrt und miest gstraat und grean ies aa schon ållas. lei i bien heit a biessale blau (åba niet eppa ångsoffn, sundern vur lauta kålt. a so a bleeda mai hearst. åba falleicht ieberlegt er siechs jå noch, håt er jå noch zeit).
und von wegn wertabuach: tua lei, kuhle, du bist jå da wöltmaasta und muaßt es aa bleibm. okeh? |
|
|
|
|
