|
|
|
| ruflo am 15.04.2010 10:57 (vua 5702 Tåg) |
schweinsbråtn könnat man schon aa essn, åba då miaßat man hålt a reindl oda a hefale mietnehmen. folie geht niet, weil då riennt nåachan beim haamfåhrn der gånze tschmargl ausa. |
| ruflo am 15.04.2010 10:44 (vua 5702 Tåg) |
seas kuhle. åba a biessale von vurfertn und von jehnseitz biest gachamål wohl: schaug weita untn nåch, nåachan waaßt, dass unsa zivi-lee sei eggsahmen mit prawuhr biståndn håt. und i fier mein teil håb a går niex åndriges erwårtet.
hupf lei scheen praf und tua dei dohmina niet går z'vül seggiern.
und i maan, kuhle, i wer' mir heit' an G R Ü L L T E L L A
MIT BOMPESFRITZES
UND SULÅT
UND A HEFALE FIELLAHA
vagunnen. schweinsbråtn auf da wiendischn geht bei mir niet. seind settane triemma bråtn, a hogga kraut und zwaa groooße kneedl, des håt in mein innkreisch niet plåtz. naa.
i kumm mir eh beim grülltella aa vur wia da niggilauda: i brauch a folije.
|
| ruflo am 15.04.2010 09:53 (vua 5702 Tåg) |
mir håmma gråd festgstöllt, dass mir zwaa, es mietzale und i, doch noch nit sooo vollfitt sein tuamt, und drum werdn mir unsern hochzeitstågsausflug aufs essn auf da windischn höh beschränkn.
åba die morgenrunde mit sally und bello - de håb i schon gånz tåpfa apsulwirt.
biweis: des büldl ies von heit in da fruah. und es weetta ies a wundascheen.
kuhle, såg jå niet "gölbe sau" zur lieben frau sonne, sunst vaschleicht sie sich wieda.
gråd kummt sie hienterm åltnberg aufagikralt und man siehgt, des sprichwurt stiemmt: "wenn die sunn' noch tiaf steht, werfn aa klaane såchn groaße schåttn..."
wia des mit unsare låndesbulüdika ies, fier de die sunne sugår vom hiemml gfålln ies, waaß i åba niet. erstns kånn man jå als hålbgibüldeta niet ållas wiessn und zweitns: bien i falleicht da herold?
farm5.static.flickr.com/4048/4522276425_80a9eeb2f7_b.jpgwww.flickr.com/photos/dueller |
| ruflo am 15.04.2010 07:15 (vua 5702 Tåg) |
siehgstes, pao lee, guat ies gången. gånz herzliche glickwientsch von uns (mietzale, sally, bello und i) und wenn mir heit unsern 48. hochzeitståg fajern werdn, (i waaß noch niet wo - åba werd uns schon wås einfålln) nåachan werdn mir mit an glasl sekt auf di ånstoßn. PROST!
i wientsch eich ålln an scheenen guatn morgen,
an erfreilichn tåg und ålles guate. |
| ruflo am 13.04.2010 08:26 (vua 5704 Tåg) |
@schoba: da reinhard eberhard, fåschingsgenaralintentant von kärntn (???) (http://www.dasneuekaernten.at) liegt im klintsch miet FPÖ-FPK-BZÖ und wås es då noch ållas ån bläuliche såchn, de aa arantsch sein können, bei uns gibt. bis vur kurzm håt's då sei seitn "das neue kärnten" im net g'gebm. de ies hiatzt gsturbm oda gsturbm wurdn - wås waaß i, jednfålls gips heit lei fehlermöldungen im net beim link-aufruafn.
der wüll mit gesinnungsfreind heit brennnessln klaubm gehn, damit se dem herrn låndeshauptmånn a suppm kochn können. und der miet da arantschrotn warnwestn und da matursåg, des ies genannter herr elha in seina liabstn freizeituniform. |
| ruflo am 13.04.2010 07:39 (vua 5704 Tåg) |
naa, pfeiferle, mit an sunnign dienståg werd då bei uns nix. es regnt sogår a biessale bei 1,8° åba solångs niet schneibt... Hiatzt ziahgt da nebl vom berg åba und es ies recht grauslich. aprülweetta hålt.
dafier gehts mir a biessale beessa. dånk da nåchfråg. åba ob i heit die runde miet sally und bello - de baade schon wårtn - dapåckn wer', waaß i noch niet.
åba werdn mir schon sehgn, wenn mir schaugn. meine haxnen seind hålt noch a biessale wia plei.
dein ådlalink håb i mir ångschaugt, adolf. gips bei uns aa so wås ähnliches: am stådtpfårrturm in villach bruatet jedes jåhr a turmfålknpaarle und des werd laif im intanetz iebertrågn. den genauen link kenn i niet, åba schaug amål unter www.villach.at nåch. i maan es ies noch niet so weit, ies noch z'fruah.
die ostahaslen håmt zwår schon aja glegt. åba ob de fålkn ....
noch amål scheenen dånk ån ålle fier die liaben burtztågs- und ginehsungswientsche.
es werd schon wieda. unkraut vageht niet.
wenn i a brenn-esl unkraut warat, nåachan taatet i hiatzt aus sankt ruprecht (villach) fliechtn, weil då rupfnse heit miet'm eberhard die brenn-esl åb, damiet dass se dem herrn elha a süpple kochn können. als wia wenn der niet eh sölba.... åba iegahl - de wernt in da låndesreGIERung schon wiessn wås se tuamt. jå frallewohl - oda maanst eppa niet?
iebrigens: wennst då in da gegnd iergendwo in kärntn a mannkale in arantschrota warnwestn miet aana matursåg umahupfm siehgst, und falleicht aa miet aana schaufl - sei fursiechtig - es könnet da herr elha sein.
auweh - wås i heit wieda fier an bleedsinn vazapfm tua - i maan i bien noch niet gånz xund und håb noch a biessale fiaba. åba wohl unterm siedepunkt, so schliemm ies aa wieda niet.
sodala, hiatzt geh i amål mein kuffee vatülgn und nåachan sehgn mir weita.
daweil wientsch i eich an guatn morgen
und an scheenen tåg
und bleibtz scheen xund |
| ruflo am 12.04.2010 17:10 (vua 5705 Tåg) |
kuhle, du muaßt die fresch kiessen niet mit senen redn. falleicht hupft aus aan a brienzessin ausa.
und går so scheen wår mei tåg heit niet, i bin nämmlich miet aana im bett glegn, de haaßt gerippe. oda so ännlich.
åba es geht schon beessa. falleicht bin i a murgn schon wieda xund. oda wenigstns fåstbeinåhe.
und hiatzt geh i wieda. pfiateich bies murgn. |
| ruflo am 12.04.2010 10:16 (vua 5705 Tåg) |
jå, åb heit gehts in riesnschrittn aufs dreiviertljåhrhundert zua. fajerm tuam mia noch niex, weil i noch niet gånz xund bin. des håmma vaschobert aufn kummenden sunntåg, då können mir aa glei unsern 48. hochzeitståg mitfajern, mit ålle kinder und enkelkinder. auweh, des werd wås!
auf ålle fälle dånk i eich gånz sakrisch fier die liabm wientsch und wientsch eich aa wås, nämmlichan guatn morgen und an scheenen tåg
und hiatzt geh i wieda untern gulter und såg pfiateich bies båld. |
| ruflo am 11.04.2010 07:41 (vua 5706 Tåg) |
irmile, griaßdi. bei uns ies es biwölkt und recht grau, -1,2° håts, åba noch regntz niet.
dånk eich ålln fier die guatn wientsch. es ies jå niex aufregendes: schnupfm, huastn, schädlweh und a biessale (lei gånz a klaans biessale) fiaba und die üblichn gilenkschmerzn. åba a ålta mäntsch fühlt siech hålt glei so riechtig "buäääähh!"
naa, algerisch bien i eigntliech niet, falleicht bin i jå a schweinggerle. odasowås. åba i maan, des werd schon wieda. nåachan hau ma wieda aufn putz, dass lei so klescht. oda aa niet. wern mir sehgn.
an guaten morgen und an wunderscheenen sunntåg
eich ålln!
... und lei ka ångst, pao lee, werd schon klåppm. wenn mir ållezsåmm die daumelen druckn, nåachan muaß es aanfåch suppa gehn! |
|
|
|
|
