maaa, kuhle, du bist a vaschwenda... fier wås håt denn es klopapier zwaa seitn, ha? nåchm erstn gibrauch aufhenkn, trocknen lossn, dånn die zweite seitn vawendn und ånschließend ritzeikeln. so gheart sich des.
und wennst a längares stieckle popier zu aana möbius-schleifn pieckn tuast, kånnst  es vawendn bies zur unähndlichkeit.

die iergste költn ies gebrochn, sunne ies noch kaane då, åba werd schon.
i wientsch eich an guatn morgen und an scheenen tåg!

und kuhle, glaab niet ållas, wås dei  flåchbüldfernseha dazähln tuat. der liagt wia gidruckt. ieberhaupt weettamäßig. seit de beim URF die kummerchrista bänsioniehrn wolln und es weetta sölba måchn tuamt ies ieberhauptz aus und gschehgn. und der kletterbernhard håtz eh schon aufgebm.

i vasteh niet, wia de leit in an flåchmånn-tefau ieberhaupt noch  plåtz håbm, der ies jo sooo dienne. also i, i mit mein wampale, i pass do siehalieh niet eine. häxtens im brofül. du falleicht schon, weil du biest jå - trotz stölzn, schweinsbråtn, maischalen und bluatwurscht schlånk und rånk wia eine pünije. i bien då mehr wia a knurrige aachl. nåjå, wenn aana zwaamål in da wochn es tütü ånziahgt und schwahnensee tånzn tuat....

@pfeiferle: jå, die pålmkatzln seind von heit'. bliahn tuamtze schon seit aaniga zeit. lei die tretminen in unserm gårtn kånn i noch niet entfernen, ies noch z'vül schnee drauf. und heit' ies schon wieda a patzle dazua kummen. schnee.
da bello hülft unsra sally fleißig beim minenlegn. und wenn amål de "weiße pråcht" weck sein werd, nåachan werds gfährlich zwischn tulpm, naziessn, hüazünten, blaustern und scharbockskraut. nåachan lebm mia in an vamientn kriegsgebiet. und die schneeglöcklen aa.

auf da windischn höh bliahn unta die baam auf schneefreie platzlen schon die schneeroasn. aa wenns heit kålt ies und schiach - er låsst sich niet aufhåltn. er kummt! da auswårt, da friehling!