|
|
|
| ruflo am 17.02.2010 11:10 (vua 5760 Tåg) |
warum kuhle? håt eh ållas gipasst. und de nårrn aus colonia seind jå aa leit. odawia.
des von da juchart und vom frounz wår fier de aanfåcharen gimiata. des vom warum wår fiers "gimeine volk" falleicht a biessale zu intöllecktuell (wernt aanige niet so gånz mit'kriagt håbm, wås er maant). die schmäh gegn de polüdüka wårnt treffend bies meina meinung nåch vül z'hårmlos - då hättetn se noch vül mehr bonanza gebm können, fier des wås då bei uns im lånd laaft; - die xånxeinlågn und die musik - von posch ieber noste bies aputecka - wårn klass. im vagleich zu vagångane jåhr und zu åndare tv-sendungen (de mit vül jodltodlhopsassa zum teil går nit sooo narrisch guat wårn) wårs a rundes brugramm. und weil man jå nia so ginau waaß, wås unsa URFerl då ållas ausagschniettn håt, taatet i sågn: brawo fiellaha fåschingsgülde, suppa seibbes gwesn!
und hiatzt såg i es letzte mål "leilei" - fier de säsohn - und hol ma an åschn. |
| ruflo am 17.02.2010 08:10 (vua 5760 Tåg) |
sodala, da fåsching is aa ieberståndn. in de suppamärktnen hoppln eh schon iebaråll de schockohasalan umatum, und de heanda fången ån gikochte hårte aja legn in roat und blow und grean und gstraft und gscheckert und gåggern "deees iiies maj äggstra!"...
werd niex dauern, kummt da auswårt. i gfrei mi. i håbs gern, wenns greant und bliaht und würmer werd. tuat riechtig guat im murschn skilett.
jå, heit fång i ån miet meina diäht. de haaßt "FDH". und weil aane jå niex ausgebm tuat, måch i des glei dopplt. an guatn morgen
und an scheenen tåg
wientsch i eich
und låsstz eich niet går z'vül
åschn aufs köpfle strahn. |
| ruflo am 16.02.2010 18:11 (vua 5761 Tåg) |
jå - des wår a unhaamlich bitriebsåma tåg im fiellahanett. und i geh hiatzt aa. happahappa und tefau. muaß heit sein. schaugn, wås da URF vom fiellaha fåsching iebrig glåssn håt, und wås er ållas ausagschniettn håt. pfiateich und leilei |
| ruflo am 16.02.2010 08:35 (vua 5761 Tåg) |
an guatn morgen und an lustign fåschingdienståg wientsch i eich. gehtzeichguat? scheens weetta håmma aa. (mit -10° ies a biessale kålt, åba die sunne werd schon mode måchn.) |
| ruflo am 15.02.2010 18:21 (vua 5762 Tåg) |
jå. tütü. und rosarot. und kaa wunda, dass die domina an låchkråmpf kriagt, wenn da kuhlatischek an wöltmasterliechn sterbendn schwahn hienlegn tuat. und des in ihrm zuastånd. ies nit unkfährliech.
auweh, wenn i mir des lei vurstöll.... i kriag mi niamma.
irmile, i håb in ARD-HD friher den kölschen rosenmontågsumzug gsehgn. åba di håb i niex dabei entdeckt.
15.02.2010 18:26:
leitln, i geh. es gips a läben jehnseitz vom fillahanett und des wer' i hiatzt auskostn. mit semmale und wurscht und nåachan seind die olumpischn schpiele drån. pfiateich. falleicht kumm i wieda amål. odawia. wenn i niet in wännkuhwa pieckn bleib. |
| ruflo am 15.02.2010 10:22 (vua 5762 Tåg) |
irmile, i hoff, du ieberstehst den rosnmontåg guat. und die teutonische lustige zeit. bifähl ån ålle: dreimal kurz und kräftig gelacht: "haha, haha, haha!" zwoo, drei, vier....
15.02.2010 10:24:
seas kuhlatschnig. a heit ies wieda hupfm am brugramm, ha? |
| ruflo am 15.02.2010 10:18 (vua 5762 Tåg) |
heee, kuhle, du bist jå so eppes zwieschn krampus und christkindle, åba kaa rosenkäfa. odawia?
bea, AUFWÅCHN!!!!!!! oda is eh schon z'spåt???
bei uns gips am fåsching-(rosen-)montåg an scheenen brauch: es "fleischnudljagern". und weils eh lei mehr beim staber (ebnerwirt) fleischnudln gips, die åndern seind schon ålle ausgsturbm, brauchn mia nix mehr jagern, sundern lei mehr ginießn.
des wårn noch zeitn, wia mia mit aana kwetschkummode und åndare musiginstrumente von haus zu haus gizogn sein und ghabert håbm, bis zum platzn. a nåchbårin håt dersebm in aan nåchmiettåg 14 triemma fleischnudln vatülgt, vom sawagraut wüll i går niet redn, und wår nåachan a wochn krånk. hihi. då ies es fåstn nåachan vüüüül leichta g'gången. und darmol håst aa kans gibraucht.
i wientsch eich an lustign fåschingsmontåg.
zum plärrn ies iebermurgn aa noch gilegnheit. |
| ruflo am 14.02.2010 08:23 (vua 5763 Tåg) |
jå, pfeiferle, da erste (senile bettflucht) - åba maastns aa da erste, wo draußn ies. scheene griaß nåch kanadium! an guatn morgen
und an scheenen valentinståg!
bussale fier die diandlen!
|
| ruflo am 13.02.2010 10:43 (vua 5764 Tåg) |
auweh, heit' håt er vaspätung, da ruflo. åba um siebene håt die wiedaholung von da eröffnungsfaja in wännkuhwa ångfångt, de håt drei stund' gidauert und nåachan håb i miaßn, bei stråhlendem sunnenschein unsa runde ziahgn. da bello håt jå schon seit sexe drauf gwårtet. komprieh? also, mit a biessale z'spåt, åba von härtzn: an guatn morgen
und an scheenen såmståg! |
| ruflo am 12.02.2010 17:27 (vua 5765 Tåg) |
waaß i eh, drum såg i's jå. man muaß bodnständig bleibm!
und i såg hiatzt pfiateich. ginua fier heit. an scheenen åbnd noch und schlåftz guat
(hiatzt noch niet, späta hålt!) |
| ruflo am 12.02.2010 08:10 (vua 5765 Tåg) |
jå, feifale, schnee håmma ginua. åba unser weiße pråcht nåch wännkuhwa schickn geht niet. wia denn, ha? durch die lufft? bis der schnee durtn is, is er niamma weiß sundern schwårz. waaßt eh, umwöltvaschmutzigung.
und sunst gehtzeich? hoffntlich ållas xund?
i håb den gestriegn opa-ball vaschlåfn. håt jå aa neamd (gottzeidånk) mit mia a linkswalzale gitånzt. warat jå noch scheena - den opa taamisch måchn...
irmile, håst des weiwagetuawerch in kölle gestern guat ieberståndn?
so, a påår tåg noch, nåachan håmma die taamische zeit hinta uns gibråcht. ålladinx: bei uns in klafu, so schaugtz aus, werdz in da pånhofstråßn noch lång, lång dauern, bis de nårrn... naa, i håb mia vurgnummen, dass i mi niamma aufregn tua. bringt jå nix. åba åndrignseitz - a jeda, der sich ållas gfålln låsst. måcht sich irgendwia mitschuldig.
åba schuld ån der gånzn miesehre seimma eh lei mia, de klaan, weil de großkopfertn können jå kaane fähla niet gmåcht håbm. sunstn miaßatn se jå senare hiat nehmen und gehn beim loch. naa - ka schlechtes wurt nit ieber unsa reGIERung, de so bisurgt is um unsa wohlergehen und senare postn.
st. jörgi schaug åba und hålt dei gütige, bischützende hånd ieber unsa scheens kärntnalandle. ahmen.
und nåch dem stoßgebetle wientsch i eich
an guatn morgen und an scheenen freitåg.
wochnend! fåsching! leilei!
|
| ruflo am 11.02.2010 17:47 (vua 5766 Tåg) |
so ihr liabn leitln, bivur die fåstnzeit ånfångt, geh i hiatzt schnöll mein brennessltee saufn. niet brennesslsuppm, de gheart dem herrn elha. und vurher wer' i mi von eich åbvaschiedn, vom irmile und von de schobarischn, von fibi, chrischtele und schneck, von kuhle (scheen gruaß åns lenale) und ålle åndern, weil i muaß mi sälisch vurbireitn aufn opa-ball, der wo heit im tefau ies. und opa bin jå wohl i aa. und des glei siebmmål.
pfiateich und bleibz praf. |
|
|
|
|
