haaallooooo!
olso i waaß nit, wos es hobts, bei uns is noch imma olles blau :-)
mah bitte, i hon grod auf da strossn an getroffn, den kenn i lei vom segn. der hot an sooo an liabn klaanen hund. oba der is voll orm bei dem. heite is jo gott sei donk nit so haaß, oba sunst rennt der mit dem orman viech stundnlong ohne wossa durch de strossn. der hund konn oft schon neama weita. vurher denk i ma schon von da weitn, wos ziagt den der so on dem hund uma. wia i donn hinkumm, sitzt da nicki (hund) am bodn und sei herl ziagt eahm on da leine weita so daaß der am hintan entlong rutscht. er hot ma donn erklärt er wüll kaa lackale mochn. vur a poor tog is der hund von an ondaren gebissn wurdn. hiatzt traut er sich holt neama gassi-gehn. uma 6e wora des letzte mol :-) des hob i eahm hiatzt holt vasucht zum erklärn. ma der hund hot schon voll gezittat. des herl is jo a bissale, najo wia soll i sogn, deppat. i waaß nit wia olt, oba der hot schon imma wos ghobt. hiatzt honi eahm holt irgendwia wia an kind erklärt daaß des nit guat is, wos a mocht und daaß a nit so schimpfn soll mit eahm und on sei gewissn appeliat. der haut eahm jo glei a, der olte depp. der hund is neama von mir weg. am liabstn hätt i eahm mitgnummen.
hiatzt hot ers oba glaab i eeh eingsegn und hot eahm in de heh gnummen und obgebusslt und sich beim hund entschuldigt, er hots jo nit so gmaant :-) i hoff holt nur, daaß des a noch a bissale länga onholtet, nit nur bis zur näxtn hauseckn.
so des wor mei hundegeschichte zum heitign tog. | 
