seas pfeiferle, scheen, dass du di wieda amål bei uns möldest. i håb schon gidåcht, du bist am end krånk odawia. jå, mir gehts wia dir: mir ies des mit dem facebook aanfåch z'vül. i blick då aa niamma durch. "jå" zu villacher.net und flickr - und damit håt sich's.
es gips jå aa a lebm jenseitz des petzeh.
wenn des so kummt wia giplant, wer i mi aa vom kommbutter vollständig vaåbschiedn. håbtz des mitkriagt, wås hiatzt in de zeitungen (und gestern im ORF) gmöldet wurdn ies: VORRATSDATENSPEICHERUNG.
a so a sauarei, hearst! und lei, weil ma mia ålle butentzielle terroriestn sein tuamt
jedes telefongespräch, jeder intanetbisuach werd vom provider 6 monate gspeichert. damit "bei bedarf" jeda sehgn kånn, wånn i mit wem und warum (und ieber wås - des kummt siehalih aa noch) telefonirt håb, wånn i im intanet wölchene seitn ångsörft håb, ... und des ållas, weil da ruflo so a gimeingifährlicha terrorist ies.
jå, åba hallo - wo seimma denn?
könnet ma biettscheen niet bei jeda familije spionaschkamaras und wånzn im wohn- und schlåfziemma aa noch inschtallirn - so nåch årt "da große bruada schaugt zua" (orwell - 1984) und weil so månche hausfrau a ächte sechsbombm mit gfährlichm sprengbotentziahl ies.
und natierlich kamaraieberwåchung aa auf ålle stråßn, plätz, in parkånlågn, in da kirchn (wer zwaamål nit zur mess geht, zåhlt zur stråf die dopplte kierchnstaja). undsoweitaundsoweita.
und dass man ieber jedes händie jedn, der a sölbiges håt - und wer håt des niet? - ieberåll "per satellit ortn" kånn, des ies eh schon wirklichkeit.
und dånn könnetn mia eigntliech eppes wieda einführn, wås es im "gisegnetn" drittn und tausendjährign reich gebm håt: die blockwarte. de könntn aufpassn, wås då in senern revier fier fernsehprogramme ångschaugt werdn, de könntn bei de åltn miattalan die einkaufståschn kontrollirn, ob då falleicht eppes drin ies, wås a sprengstoff sein könntet (zum beischpül eppes, wås wia jå-kurt ausschaugt, åba agent orange oda trinitrotoluol oda noch wås eggsblusivares sein können taatet) safurtmöldung åns ami-FBI oda ån die GESTPO erforderlich.
und des ållas im zeichn da "terrorbekämpfung". und den osama bin laden håbm de noch ållaweil niet. oda falleicht wolln's ihn går niet håbm - kånn ma so vül leichta die gånze wölt kontrollirn.
und man könnet jå aa den "jugendtausenda" a biessale umfunktionirn: jeda gschråpp, der bei vadächtige aktziohnen von seine öltern glei dem elha oda sein stöllvatreta bischeid sågt, kriagt an hundata eggstra noch dazua. bår auf die hånd, wenn er siech nåch klafutsch begibt und den durt bärsönnlich åbholt.
jå, miet a biessale nåchdenkn könnet man schon ållahånd gegen den terrorismus untanehmen und nit lei in jedm hausflur an nåcktskänna aufstelln.
(schaugtz eich den ruflo ån - der håt schon wieda sprengstoff in seina untagaatte. oda håt er lei vageessn a friesche ånziahgn und des ies lei a brämsspuhr?)
"schöne neue welt" (huxley) - du håst uns umfången. und
an scheenen guatn morgen
und an erfreulichen tåg
wientsch i eich von gånzm herzn.
