... wieda a neicha tåg. ob's a scheena werd, bezweifl i. und mit "sunne im herzn" - wia i sunst ållaweil xågt håb - werd des aa niex mehr.
wennst des gånze valogene getua då bei uns ånschaugst, waaßt wenigstns wia demokratie in dem scheenen landl funktioniert: såg jå zu dem, wås mia für di fier richtig håltn, sunst kriagst aans auf die goschn.
jå gips denn kaane nåssn fetzn bei uns, mit de man de gspensta vascheuchn können taatet? und ålle schaugn zua. i dapåck des niet.
jå wo seind denn de roatn, schwårzn, greanen und wås waaß i wia gfierbten acktöhre, de wås untanehmen können taatetn? aa wenn se sölba puta aufm plutza håbm tuamt - wo håmtze siech denn vasteckt? hienta wölcha holzgrädn (aus deren inhålt man aanige bolüdükaschädl schnietzn können taatet) huckn sie und schaugn zua, wia bei uns ållas den båch åbe geht?
wenn heit' an haufn unrasirte bårtate lötta in da gegend uma rennen, håt des falleicht den grund, dass de siech niamma rasirn, weil se siech nit in spiagl schaun getraun.
naa, wia xågg - i dapåck des niet.
und wenn hiatzt aana sågg "ruflo, reg di niet so auf!" - nåacha kriag i die kriese. wånn, wenn niet hiatzt, soll i mi sunst aufregn? wånn ållas z'spåt ies? odawia?
o-ton grölhaz: "Wir bleiben am Gipfel, wir lassen uns nicht mehr herunterholen!" und der mölltåla biergermasta, der ångst håt, dass sei gimeinde a  tierkische prowinz werd, schenkt ihm an bergsteiga-pickl aus de dreißga jåhr des vurign jåhrhunderts. ha? wia maanst? symbol?

nåjå - trotz ållm:

hallo, irmile ... geht eh recht guat, dånkscheen. hoffntlich wohl dir aa?

martin - a klaane auszeit wår notwendig, weil i wår unterm gulta und mei schwanzle - dås haaßt eigntlih des von mein kiehbohrd - wår z'kurz. bin i jå niet dazuakummen zu de tastnen zum draufdruckn, damiet dass meinige weißheitn då aufn munnitohr aufehupfm, miettn eine iens intranetz.
und lei fier de påår tåg mia a längares schwanzle zualegen - nana, des zåhlt siech jå niet aus.
und dass du heit schweinsbraatl miet kneedl kriagst, des gfreit mi gånz taamisch. und den kuhle erst, werst sehgn, der kummt aa noch miet an gummentahr daher, wia da beste schweinsbråtn da wölt ausschaugn und - oda schmecknen muaß. gånz bistiemmt, werst sehgn.
und des meibachle in fiellah ies trutzdähm grunnen, aa wenn es andale xågg håt, es terf niet. wårntze in kanadium beessa imfurmirt als wia dådedå im wermberg.

und den liabm pao lee, unsern kinesa, den håb i niet vageessn, auf den håb i fest gidenkt, der håt siehalieh schnaggerlestoßn kriagt. hiatzt waaß er wiaso. ob i hiatzt, - hientnnåch reitet die ålte urschl - noch zum purztåg kratuliern terf, waaß i niet. åba falleicht gültetz jå wohl noch. håb i eahm hålt a biessale jienger gmåcht. a urchidäenbleamle aus eigene zucht (und urdnung, hihi) wer' i da nåchschieckn, paule, muaß i erst a biessale klaanbeißn, bien i noch niet dazuakummen)

jå, kummt man siech binåhe vur wia zua de oastern. auferstehung und soo. gfierbte und miet schpeckschwårtnen pulirte aja, stått schienkn greichata laxe und soo. auferstähung des fleisches. (ojee - schaugg niet so suppa aus) dabei ies erst fåstnzeit.

wenn man so es gestriege tefaubrugramm siech vurnimmt, des mit de "bestn" lustign fåschingsschmäh aus gånz eestarreich, nåachan kummt man gaxt auf de idää, dass ma mia traurige zeitn håbm tuamt. fier a påår gischmåcks-beeinträchtigte schänklklopfa håtz jå wohl g'reicht. und zum trost kummt jå heite wohl da flure kupfablech. åba sunst---

naa - es beste kahpareh  liefern jå niet de hummohrign hummoristnen, sundern  de patajen. åba offt bleibt an nurmahln klaanen glerntn kärntna es låchn im håls steckn und veruhrsåcht årgn würgreiz. und gråd in dem mumment, wo i des schreibm tua, håtze seneren pataitåg, die FIK-patai (Freiheitliche In Kärntn), und damiet ånständig die musi spült, natierlih im kunzerthaus in klafutsch.

mietzale håt xågg, i soll mi wieda untern gulta schleichn, weil kerperlich gehtz jå wohl schon wieda, åba geistlich bien i noch niet so gånz beinånda (merk i eh sölba bei dem wås i då hiatzt so gschriebm håb) und follfitt aa  niet, derwehgen såg i hiatzt "fiateich" und fier die åltn germanisch-kärntnarieschn reckn "schiss" odawiadeshaaßt.

 

nåjå, soo schlecht seind se jå niet, die kassnbeißerlen. gachamål (sowia heit bei mir!) måcht sich hålt aans von de zahndlen sölbständig. solång man's niet vaschluckt: null problemo: a tröpfle suppakleba und schon passt wieda.
wennst aans vaschluckn tuast, muaßt hålt bei da kaasse a neichs holn und aufpassn, dass du dir niet nåch aaniga zeit sölba in hientern beißn tuast. åba so årg ies des aa wieda niet, weil es fahlt jå da gegnbiess. prutall werds lei nåachen, wennst zwaa vaschluckn tuast. då kånn nåachan aa die gibitzkaasse fier niex garantiern.

 

gehtzeichguatha? hoffentlich! mi håt a biessale die huastarei dawuschn, åba ies niet schlimm. werd schon wieda.
gestern auf d' nåcht håtz wieda a wengerl gschniebm, åba lei a påår müllimetta, nit da red' wert. gfållt ma vom petrus, dass der a riecksiecht niemmt auf uns ålte taggln. schneeschaufln ies eh niet meins.
 

die sally dufftet schon wieda bitörend unta mein sessl und da bello wårtet aa schon seit aana stund' - wås bleibt ma iebrig? eineschliafn in die schlapfn und gemma.
åba vurher noch: