fibile, werst da hårt tuan wennst dein killerkarnickel die uhrwatscheln zuahåltn wüllst, des håt jå mehr wia schultalånge löffln. am bestn bestöllst da an ghülfn. falleicht håt da wuhte zeit?

wia maanst, chrischtele? balkanfledamaus? sumpfhehne und hummele? Auweh, auweh, so vül leit biest du? åba seind eh ålls liabe fiecha. und dem schneck wern mia wås dazöhln, wenn mia ihn amål treffn. falleicht.
åba großa weißa fogl stiemmt nit - den håt jå schon da kuhle weckgfressn.

30.12.2009 22:48:
hihi, bärbele, i håb hiatzt a mähl kriagt, de haaßt "habediere@ruflo"

>>> "kenat i de nacha griagn? waß dos wer?" <<< naaa, schoba, glaab i  niet. du biest jå kaa fåckh. meina bischeidenen meinung nåch "viel lärm um nichts" wia schon da ålte herr schiettlspeer xågg håt.

i bin niet erst hiatzt aufgståndn, i bin schon wieda miad.

maaa, hund heee, so a indanatzionahla farein wia mia sein tuamt. und kuhle, i håb schon råtzn und schlången g'gessn. buääääh. und springbock und straußnfegl. mmmhm. von da amikost red' i liaba niet. åba gips siehalih a beessre såchn dabei als wia mäcklåppn. a so a zwaa-killo-tecksass-schteck ... des warat wås fier di.

29.12.2009 17:35:
wenn i mir vurstell, unsa sally als hotdog. schröckliech. oda an sechzg-killo-bello-hotdog...

heee, bärbl, lebawierscht bileidigte gips bei uns då hariennen jå niet. und wegn dem sterz håb i niex xågg, weil i die printschl sölba weckgfressn håb. hihi. åba schlecht getraamt håb i derwegn niet, weil sooo vül wia da kuhle iess i auf d' nåcht niet. då liegt mir lei gachamål es färnsähbrugramm im mågn.... håb i åba drutzdem es greaßare wampale wia er. :-)))

sissi, måcht jå niex, wennst a klafurterin im villacher net biest. seind jå aa leit. und oftamål recht liabe... maastns hålt. und fier den giburtzfähla könnentze jå niex dafier. hihi.

hallo, sissi, låss uns dechta niet als neigierige sterbm, dazöhl a biessale mehr!

i bin gråd von meina "hunderunde" hintakummen. (die sally ies unsa beagle und da bello is ihr freind, a groaßa bernhardiner, der bei uns iebern schwartlingzaun kraxlt und oftamål schon um sexe in da fruah vur unsara haustier wårtet).

jå, hiatzt muaß i unsern neichn  freindn dazähln, wia es pfeiferle zu sein' nåmen kummen ies.
wia er siech es erste mål bei uns als "smokedinpeace" gmöldet håt, håb i gidenkt, er ies a indijana und håb sein nåmen - miet meine bärfecktn inglitschkenntnisse - als "friedenspfeife" trahnsleitet. nåachan håt er uns åba xågg, er haaßt "geräuchert in frieden" - und niet er is a gräucherter (gsölchta) hundling, sundern er tuat gern fiesch (laxe) in friedn räuchern. nåjå, åba es "pfeiferle" ies ihm hålt gibliebm. und im hierbest, wia ma mia a fiellahatreffn auf da genottehöhe in villach ghåbt håbm, wår er aa dabei. und i kånns eich varråtn: so lång schon in kanada, åba ållweil noch da gleiche, liabe und greimte karntnabua, der er vur fuffzg jåhr gwesn ies. und wås uns bsunders gfreit håt: bei dem treffn wår aa unsa irmi aus köln dabei, de eggstra derwegn hergflogn ies, die manuela (fibi, phoebe) und da scheffe wuhte, baade aus wean wårn aa då. da ålte keisa taatet sågn "es war sehr schön, es hat uns sehr gefreut!"!

jå, sanktfeit ies a guatz pflåsta fiers fiellahanett. könntz eich noch arinnern, vur längara zeit wår aa a lustigs sanktfeita diandle bei uns, die andy. waaß irgendwer, wås aus ihr gwurdn ies und ob's ihr wohl guat geht?
und den wolfgang puck kenn i wohl. in aan von seine restaurants, in hollywood (sunset blvd) håb i schon nudalan gspeist und ihm die hånd gidruckt. åba er kennt es villacher.net und mi gånz siecha niet.

chrischtele, es maibachl riennt. åba pass auf beim åbefåhrn und fåhr niet z'schnell - waaßt eh, die fiehlaha bullezei.... !!!!

29.12.2009 09:55:
sodala, noch schnöll a büldle von da kreizn (kreuzen) und nåachan måch i vaschwindibus.

farm5.static.flickr.com/4022/4214830439_8f27c35e6f_b.jpg
www.flickr.com/photos/dueller



wenn i a beißzången hättet (mei mietzale ies kaane), taatet i des depperte stromkabl åbzwieckn. åba nåachan waratz beim pfårra fiensta. pfottoschopp taatet aa gehn, åba då bien i z'faul dazua.

GIIGGARIGGIIII!!!
aufstehn! ies schon hålbaneine und ållas huckt noch unterm gulta odawia???
an guatn morgen und an scheenen tåg wientsch i eich und dem pfeiferle a guate nåcht.
da bello håt sei freindin sally schon vur siebene bisuacht, nåachan håmtze mietanånda miet de kierchnglocknen a morgenliadle geträllert und hiatzt wer' i in die tscherfl eineschliafn und miet senen a runde drahn.
pfiateich derweil amål.

hahaha, i maan ån da kåschpl liegtz niet.
so i såg pfiateich fier heit. i geh iebers färnsähbrugramm lästern, damiet a gaude ies.
i maan, mei mietzale riechtet mir heit an sterz und an kuffee zum nåchtmåhl. i bien a riechtiga sterzgams, då könnet i mi zum togga fressn. åba går so vül brauchtz då eh niet. odawia.
pfiatetzeich bies murgn, wenn da hiemmlfåta wüll.

håb i gråd frieher a hefale druntagstöllt und gschaugt: wohl strohm riennt wohl ausa aus da steckdosn. und liacht briennt aa. wås wüll man mehr. ies lei die kombutterstajarung von da haazung ausgschåltat. miassn mia hålt sölba die demparatuhr mit dem dermostaht regeln, åba geht schon. hauptsåch - scheen wårm in die åltn gibeihne.
he schneck, då taatetn mia jå dafriern, wenn mia ållaweil wårtn miassn taatetn, bies du ausm allgäu daher grennt kummst miet an scheitl holz....

na, feifale, lei die elegtronnik ies ausgschåltet, nåchhaazn braucht kaana, des geht schon von sölba miet so aana årt schneckn. åba niet wåldschneckn, sundern förderschneckn. und scheitln brauchn mia lei zum scheitlknian, haazn tuamma mit håckschnietzl. i maan des ies so a årt wiener schnitzl aus holz. odaso. fressn kånnst's niet, kuhle!
feifale, wenn i (eh båld!) a ghost wer' ziahg i aus von da kreizn und geh in mei gilüptes fiellah åbe spuckn. huuuuuhuuuuuu....! und amål wer i nåch wernberg flåttern und den kuhle daschreckn, wenn er gråd beim bohnenhabern ies. hihihihi, des werd a gaude!!!