a klaana blumengruaß fier unsre diandlen in colonia, wean, schpittltschittie, wernberg (kuhle, dei lenale ies gmaant!), hienterarlberg und wåswaaßiwonochieberåll.

seas martin. gehtzdaguat in fahrradelberg?  apopo fahrradelberg:
aans da unerklärliehn rätzl ies, warum fahrradelberg fahrradelberg haaßn tuat. aa håmt de kaane aute odawia? oda moppalan oda sowås? wåhrscheinlih brauhn de settezeigs niet, weil des ländle eh so klaan ies und man ållas z'fuaß oda per radl aledign können tuat. åba fåhr amål miet dem fahrradel durch des långe loch im arlberg, då schaust di ån.
oda haaßt fahrradelberg går niet fahrradelberg, sundern vorarlberg? nåachan ies des erst rächt tutal fålsch. von da schweiz aus gsehgn taatet des jå stiemmen,  wenn es ländle zur schweiz ghearn taatet, wås aanige falleicht jå gern wolln taatetn. gheart åba niet. gheart zu estareich. und fier estareich liegt des jå hienta dem arlberg.
also: seas nåch hienterarlberg!

stöll da vur, då miaßat aana a gsibergariesches weartabiachl vafåssn. auweauweh - des taatet jå a gånze äntziklobädie werdn, bei dem gsprachlwerch, beinåhe so dieck wia die äntziklobädiabritanicka, hearst. miendestns.
då is schon gscheita, wenn de im URF sendungen ausm ländle miet untatüttel eindeitschn tuam tan.

seas pfeiferle. ållas okeh in kanadium? wenn da kuhle niet in wernberg, sundern bei dir in ottawa wohnen taatet - der taatet wåhrscheinlich sich glei so a canada-goose mit aana staanschleida oda aan pfitschipfeil åbaholn, rupfm, mit beifuaß einpaniern und ins båckrohr eineschiabm. (und nåachan wieda jammern, dass sei bauch sooo voll is, dass er niet schlåfn håt können.)
jå - glühwein - niet schlecht zum aufwarmen ... åba bei dem wetta, wås mia derzeitig då håbm, tuats a hefale fiellaha aa.

åba scheen ies es, kuhle, recht håst. blaua hiemml ohne wölklen, niet går a so kålt, binåhe wia im fruahjåhr.
andale, gehtzdaguat? (bleede fråg, wennst niet beim schmuggln dawuschn wurdn biest, wia werds da denn ånders gehn als wia guat...) und nudalan håst jå aa ghåbt. wumöglich pastaconfunghi - då wårn die funghi garantirt aus da kreizn.
hund, hee, fåhr amål zur schwammalezeit nåch feistritz ause - wennst kaa aute mit italo-kennzeichn am stråßnrånd parkn siehgst, zåhl i dir an lietta.

25.11.2009 15:28:
es erste büldl wår (und ies) vaschwundn, weil i's a biessale biårbeitet håb. es wår wölten flau. eh klår. und wia's mia da foteschopp wieda ausgspuckt håt, håb i's wieda einaghaut iens fiellahanett. derwegn.

 

i bin åba froh, dass mia an hund håbm tuamt. då muaß i zwaamål am tåg ause auf die friesche. wenn mia den niet håbm taatetn, taatet i wåhrscheinbår då hariennen vaschimpln in da bude. odawia.
mia håbm unsern hundling, du håst dei geliebte hupfarei - so håt a jeda wås, damiet dass er in biwegung bleibm tuat.

an guatn morgen ån dem wunderscheenen morgen und an erfreulichn tåg wientsch i eich. gehtzeichguat? bei uns in da kreizn ies ållas rotscha.
die sally sågt: "heb dein hintern in d' höh und schliaf eine in die tscherfl, i wüll gassi. da bello wårtet aa schon. gemma, gemma!"
i muaß parirn, sunst gips saures.
pfiateich bis späta

jå, schnecki, ies a åltes liad, dås man då siengen tuat. die bihördnen seind jå sooo bimüht um uns, wenns wirklich pressirt, lei die beåmtn seind oftamål a biessale danebm und singen fålsch oda in an vakehrtn tackt. und dass månchene ieberhauptz tacktlos seind, ies aa klår.
mir denkn vül auf di, håltn dir die daumen, dass ållas doch noch guat ausgeht und wientschn dir nur es beste. måch dir wegn uns kaane gidånkn, schaug aanfåch eina wennst lust håst, mir gfrein uns. und wia xågg: daumendruck und ållas guate.

a biessale gehtz mir jå gleich wia dir. i håb jå aa oft åndare surgn, åba - lufft schnåppm, kopf hoch und durch. muaß gehn. warat jå glåcht -

jå, meina knurrt aa gachamål. falleicht maant er, er  ies a hundling. dabei håb i unsa sally noch nianiet knurrn gheart. und den bello aa niet, der ies a gånz a liaba.
i maan, i geh auf a fiellaha zum nåchbårn. gestern håmtze jå ruhetåg ghåppet, åba heite seind se falleicht wieda då.
gachamål a hefale fiellaha ies guat fier die plåtta, des "treibt" und nåachan tröpflt wieda. hihi.

>>> "do schent wieda die sunn ( wos sol sie denn ondastmochn??)" <<<
sie könnet jå wieda amål miet uns vasteckn spüln. zum beischpül huckt sie hienta da wolke sieben, auf der du falleicht amål sietzn werst in etlene jåhr, und siengen werst "... luja, håb i xågg!"
i niet, weil i wer druntn a biessale prutzln und nåachan kårtnspüln und die teixelen tratzn und beim schwaaf ziahgn und so.

 

du kuhle, maanst håst di niet in da annatommischn geografie a biessale vaschaugt? "wenns baucherl brummt... " bei uns liegt der spruch a biessale weita siedöstlich. då haaßtz nämmlich "wenns arscherl brummt ies es herzerl xund". und des tuat nåachan niet lei brummen, sundern aa bitöhrend tufftn.