|
|
|
| ruflo am 10.10.2009 16:40 (vua 5891 Tåg) |
he kuhle, niet vazågn - ruflo frågn: niemmst a tubale suppakleba und paasst.
i hån in meine kaassnbeißalan schon siebmmål wieda a ausgibiessanes zahndle erfolgreich einegipickt.
lei amål wår i z'långsåm. wia i hån wolln es zahndle ausafieschn unta da zungen, håt siechs schon nåch hientn vafliechtigt.
und wårtn, bies es wieda von sölba den ausgång findet håb i aa niet wolln.
derwegn bin i zur kasse iens ampelatoriuhm gfåhrn, durt håmtze eh haufnweis neiche.
aufpaassn muaßt lei, dass es zahntale niet mitm suppakleba aufm fiengale pieckn bleibt. ies am bestn niemmst a prinzette.
10.10.2009 16:46:
seas pfeiferle. jå, da tschettläg ies a schwein, der hund!
dasebm, wia i von kaliphornium haam kummen bien, håtz binåhe fürzehn tåg gidauert, bies i wieda so hålbwex nurmal wår. åba des bien i eh lei recht söltn.
gehtzdaguatha? håst wohl niet fageessn, dei weibale scheen von uns griaßn?
dei murmelad miet da fahne drauf ies noch zua und steht noch ållaweil auf an ährenplatzl. ies jå eh lufftdücht zuagmåcht, falleicht kostn mia de zua de wein-nåchtn odaso. |
| ruflo am 10.10.2009 15:17 (vua 5891 Tåg) |
hallo, irmi!
mmmmhm åpflstrudl, ... taatet i schon mögn. åba bies i in kolonia bin, ies der schon vaschrumplt. leida.
es weetta ies bei uns durchwåchsn: heita bies lustig, ziemlich wolkig - åba gachamål bleanggatzt sugor die sunne durch. und regnen tuatz niamma.
du werst jå kaan tschettläg kriagt håbm von da fliagarei, hihi, åba es pfeiferle håtz siecha dawiescht - sunstn taatet sich der aa wieda amål möldn. åba werd schon.
mia wientschn dir a scheens wochnend. mia zwaa und die sally (inglusiffe bello, der gråd wieda iebern zaun gikraalt ies und mia vur lauta freid die tastatuhr vollgschlabbert håt) - nåjå, wer' i hålt die sally angschirrn und a runde drahn.
10.10.2009 15:21:
seas pao lee
gehtzdaguat?
ållas rotscha bei uns. |
| ruflo am 09.10.2009 10:55 (vua 5892 Tåg) |
da schnecki ies die fibi und ultraschåll ies schon vurbei. und er håt eh an suhn - also waaß er jå wias geht.
regnen tuatz aa noch niet und schaugt aus werd aa niet (bei uns). und sunst ies ållas rotscha.
i wår hiatzt miet mein mietzale in schpittltschittie a biessale göld vazarrn.
heit werd beim ebnerwirt gspeist - håmtze schon ållahånd guate såchn, weil am sunntåg ies jå schlåchtschmaus. |
| ruflo am 09.10.2009 07:13 (vua 5892 Tåg) |
guatn morgen. seibbes schon munta? ausgschlåfn?
es weetta ies noch ånnehmbår - åba man merkt, dass es hierbstlt.
wia's aa werdn werd - i wientsch eich an scheenen tåg. |
| ruflo am 08.10.2009 19:13 (vua 5893 Tåg) |
griaß eich. bin gråd erst haam kummen. unsa zweitältestes enkale ies heit 17e wurdn, då wårn mia in fiellah einglådn.
irnile, scheen dass du xunda haam kummen biest, noch scheena: dass du bei uns wårst.
i wientsch eich ålln an scheenen åbnd und a guate nåcht. |
| ruflo am 08.10.2009 09:03 (vua 5893 Tåg) |
als gebürtiger und "zwår-derzeit-niamma-durt-wohnender-åba-im-herzn-iemma-noch-fiellaha" is es mir a bidürfnis, da stådt villach zu gratuliern fier ihrn mut, die kärntner konsensgruppe auszuzeichnen.
a herzliches dånkscheen dem schef da kleinen zeitung, Hubert Patterer, fier sein aufrüttelnden artikl vom 8.10. (seitn 2 - 5)
es gibt bei uns niet lei "ewiggestriege" und so a artikl, wia heit in da klaanen, der tuat guat.
wia lång kärntn noch von aan - durch an tragischn unfåll vur aan jåhr vasturbenen - LH "regiert" werd, ies unklår.
und wenn man aufn kärntna åbwehrkåmpf denkt - des kånn dauern ...
åba aans is gwiess: a biessale vaschwiendet da mief durch die tür, wo die konsensgruppm und die stådt villach, und aa die klaane zeitung aufgstoßn håmt. und a biessale friescha wiend kummt eina.
man riacht den dufft von "senza confini"! |
| ruflo am 08.10.2009 07:53 (vua 5893 Tåg) |
... guat ies gången, niex ies gschehgn ... scheen, pfeiferle, dass du wieda glücklich in kanada glåndet bist. scheen wårs! und "dein" fülm in da klaanen zeitung håmma gsehgn.
dei geschenk håmma es mietzale und i noch niet aufgmåcht, des steht auf an ehrnplatzl am wohnziemmaschrånk.
irmile - wia du am såmståg erschienen biest - mia håtz die zaachalan fåst ausagedruckt - des wår a ieberråschung!
wennst heit wieda nåch köln fliagst: es mietzale, die sally und i mia wientschn dir an guatn flug und a såmpfte låndung. und i bin siecha - mia sehgn uns wieda.
an guatn morgen und an scheenen tåg (noch ies es bei uns scheen und fåst wolknlos) eich ålln! |
| ruflo am 07.10.2009 08:28 (vua 5894 Tåg) |
hallo christine, hallo ållezsåmm. gehtzeichguat? daumendruck dem kuhlatti fier sei untasuachung heit im LKH. irmile, an guatn flug mit sånfta låndung! kummst eh båld wieda amål? pfeiferle - heit nåchmittåg kummst haam nåch kanadium. vagiess niet, dei weibale gånz herzlich von uns griaßn. pfeiferle, schaug amål dådedå eine:
www.kleinezeitung.at/allgemein/video/multimedia.dokennst den kamotn lootta? sally mufflt - auf gehtz! |
| ruflo am 07.10.2009 06:57 (vua 5894 Tåg) |
morgääähn.
jå genau, siehgst - reahrdlsalåt ...
meine büldln seind zum teil a biessale - bies a biessale mehr - unschårf.
und des håt an grund:
i tua in aana gsöllschåft niet so gern blietzn, weil i waaß wia unånginehm des ies: du redest miet wem und aufamål siehgst lei mehr sterndlen, weil da iergendwer an blietz einegschossn håt. in die guggalan.
und kaum håst di erholt - zack, då ies da näxte (blietz)
derdawegn måch i des liaba, wenns niet so haklig ies, haamlich, stiell und leisig.
und weil da mäntsch in meinign exjugendlichn zustånd hålt schon mehr tåttarieg und zittarieg sein können tuat, derdawegn seind des aa seine büldln.
ållas klår???
_________________________________________________________________
håbbes des schon gwusst, dass es in eirohpa aa bahnahnenrebublicknen gebm tuat?
jå, ächt, gips!
då gips vagleichbåre zuaständ miet affricka und ladeinumericka, und so.
des gips, dass du glaabst, des gips niet.
da gips lända wo da ehemålege fünantzmünüsta - wia er noch acktif wår - und fier den sölbstvafreilich unschuldigkeitsbeteuerungen - naa, fålsch: unschuldigkeitsvamutung (hiatzt passt!) gülten tuat, also wo der ährenwerte månn in an nåchbårlånd dazähln tuat, wia se tuan miassn, damiet dass se ka fünantzgriese kriagn.
und dahaam fladern se vur seine augen 10 mülliohnen euro und steckn de iens eigane taschl. åba er siehgt nix davon. und håt aa niex davon gwiesst. dabei håt der niet lei die taajaste sundern aa noch de am besstn ünfurmirte hommpeitsch.
und dånn gips in eirohpa münüstabresidentnen, de wo siech die gisetze fier senare zwecke zrechtbiagn låssn können tuamt, dabei seind se eh schon gleicher als wia gleich. und hiatzt terf der ållas tuan wås er wüll, weil er håt de ümmunetätt und grienst siech aan åba.
und då gips in eirohpa ... naaa, såg i niex mehr, maanst i bien falleicht niet bleed odawia?
und dass da ane froschgreane untagattnen håt und siech da åndare seine brusthåår auf die glatze transportiern håt låssn - såg i aa niet, weil des geht mi nix ån.
hihihi... hoffntlich wåxn hiatzt niet dem zweitn brustwarznen aa noch auf da glåtzn. hihi. då taatetn siech an haufn scheene (??) und junge weiwa schiach grausn.
_________________________________________________________________
und mei mietzale håt xågg, i soll aufhearn miet dem schwadronirn, weil sie håt mia schon a putasemmale miet murmelade griechtet.
und an kuffee.
i g |
|
|
|
|
