inge, aanige von meine büldln seind falleicht recht scheen, nåjå, åba: 

29.09.2009 22:26:
so leitln, fier mi ies bed-taim. und von da inge ihre kunstwerke wer' i heite traamen.
guate nåcht und stölltz niex ån!

30.09.2009 07:32:

jåjå, geht klår.

@luschari: naa, den weg z'fuaß von haruntn aufn luschari taatetn mia zwaa niamma dapåckn.
åba: kuhle, es geht a kabinenseilbåhn von camporosso aufe. und von da bergstatziohn ies es lei a wienziges stieckle.
und aa wenns d' von durtn niet weita kummst (als wia zum erstn gåsthäusle, hihi) - bei scheenem weetta lohnt sich sugår von då aus die pfantaschtische aussiecht nåch sieden zua die julier (cacciatore, ...) und zua die karnischn. und wennst glick håst, - bei klåra siecht - siehgst haam eina bies zum großglockna.

håt er iemma auf da speiskårtn. am bestn seind se, wenn se noch gånz friesch seind. då werdn nämlich a gånze masse auf amål gmåcht und - wås niet glei gibraucht werd, tuamtze einfriern. am abestn telepfohnisch akundign.

>>> "hobs ihr a so an schenen oltn weibasumma?" <<<
kuhle, waaßt eh wia des ies, zua die diandlen muaß man heeflich sein, derwegn gips kaan åltweibasumma, sundern lein an jungdiandlfriehling. oda aa niet, jenåchdem.
so, die sålzburga büldln (a påår davon) seind drien im flickr. hiatzt könntz schaugn. wenn des wölltz. wenn niet - måcht aa niex.
www.flickr.com/photos/dueller/

seas sepp.

leida bin i jå erst gestern (montåg) in sålzburg gwesn. åba die "spurn" vom rupertikirchtåg håt man rund umman dom noch gsehgn. a riesnradl, a hålb åbgebautes ringlgspül, bierzölte und an haufn miest, der noch zum weckraamen wår. (und massnhåft japana und åndare gäst, de mir ållaweil ginau dånn vur die liensn gloffn seind, wenn i åbgidruckt håb).
åba traurig bien i derwegn niet gwesn, weil i so aan kierchtågsrummel am liabstn nåachan håb, wenn er vurbei ies.
wennst lust håst schaugst da amål die sålzburga büldln auf www.flickr.com/photos/dueller/ ån, de i heit im laufe des tåges einetuan wer'.
so guat kenn i mi in sålzburg aa wieda niet aus, falleicht kånnst ma sågn, ob i då eppes fålsch bischriftet håb.
scheen wårs auf ålle fälle, weetta håt aa gipasst und i bin froh dass mi mei bua mietgnummen håt. sei furtbüldungskurs wår von da firma kahlhofer aus, de du eh siehalih noch guat kennst, in itzling draußn.
_________________________________________________________________

auf gehtz, låssn mia de spåtzn in die wadln aanfåch tschwietschern und gemmas ån.

29.09.2009 09:10:


farm3.static.flickr.com/2236/3962415711_398940ab30_b.jpg

so, hiatzt passt's wieda. dås ies des foto, wås eigntlich untn sein sollat, åba niet durtn ies, weil mans niet siehgt. åba hiatzt ies es då harobm und hiatzt siehgt ma's wieda. okeh?

farm3.static.flickr.com/2236/3962415711_532da00a3a_b.jpg

sodala, bin wieda dahaam. håb a påår büldlen gmåcht in sålzburg (eh lei 297) und aanige davon kummen in flickr eine. åba niet heit. dazua bin i z'miad. håb den gånzn weg vom technologiezentrum itzling (unsa bua håt durt a schulung ghåbt) bis auf die festung hohensålzburg und wieda z'ruck z'fuaß gitscherflt. muaß man jå, wenn man fotigrafirn wüll.
åba hiatzt bien i streichfähig und hau mi in die kistn. pfiateich bis murgn.

glaab i niet. und wenn ächt, nåachan håst bistiemmt kaane pumpmprubläme mehr.
und obndrein schlåf i eh schon. tua sugår schon a biessale schnårchn.
n8

NAAAAAAAAAAAAAAAAAAAA, Inge,
mia treffn uns am såmståg, dem 3. oktoba um 16:00
auf da genottehöhe. warat scheen, wennst kummen könntest. und falleicht gehts dein' mannkale aa schon wieda a biessale beessa, dass d' ihn mitbringen kånnst? montåg geht jå niet, då måchn mia blau. wia kummst denn du ieberhauptz auf montåg? tststs....
kuhle - håst du wås giposslt? ha?

so und i geh hiatzt ins heiabetti und måch bettiheia. håb gråd in sky an aufwühlendn fülm iebern nelson mandela gsehgn. i hoff, dass i schlåfn kånn. robben-eiland håb i jå sölba gsehgn wia i in südafrika wår - åba lei vom tåflberg aus.

und murgn gehts in ålla fruah nåch sålzburg, drum wientsch i eich hiatzt schon an guatn morgen und an scheenen montåg.

n8 ållezsåmm.

27.09.2009 22:42:
he schneck, des seind jå ållas stinkmorchln und gifftreizka und mucknpülz (oda fliagn?) und a satanspülz ies aa dabei. glei nebm dem gnollenplättapülz.
zaag des büldl åba derwegn niet da ösipulezei, werst vahåftat. seind jå a biessale mehr als wia zwaa killo. odawia. und wia i di kenn håst de hienta da grenz giklaubt (also bei uns) und haamlich ins allgäu gschmugglt.

måhlzeit!

jåjå - de muhltifunziohns-kombigiräte von heite de seind a seiche!
måhlzeit diandlen und buamen.

und hiatzt såg i niex mehr, weil mia kriagn hiazt bisuch. unsa bua miet seine famülije kummt und es mietzale tuat schon fleißig kochn. åba henndi gips kaans, sundern an schweinischn schweinsbråtn und der tuat schon sooo0 guat tuften. dabei ies er noch im rohr drienn.
pfiateich bies auf d' nåcht oda so.

kuhle, mia können unsern pin sowieso niamma brauchn, des ies lei so a ånhängsl miet arinnerungen :o)))

siehgst, kuhle, des ies ginau des wås i såg. mia seimma schon z'ålt fier settene tanz. grufties und komposties terfn kaa henndi niet kriagn. oda se solln de kurz-bidienungsånleitung untn auf dera seitn studirn. nåachan gehtz aa.
åba niet bei mir. i bin schon so bischrenkt, dass i jedesmål ieberlegn muaß, "wås tua i hiatzt?" wenn i des glumpert aufklåppm tua.

27.09.2009 10:45:
heee - implantirn aa noch ... nochscheena, dass es nåachan wumöglich in mein wampale granda spült... tststs... idäen håbm die leit....

27.09.2009 10:48:
jå, olympus is guat, des ies a fotobarat zum fotegrafirn und a biessale fülmen und sunst nix. des paasst.  und wenn i intanetz-sörfen wüll, nåachan nimm i jå aa an combutter und niet an kuffee-autematt.

>>> "Und ma ka glaub blos Telefoniern damit." <<< ginau des ies jå dås brupläm. und wo bleibt dånn mei tåschnfeitl und mei defibrilator, ha? und mei fülmabarat? da kuhle taats jå weckfressn, des henndi, eh klår. åba i brieng sowås niet durch die gurgl.

>>> "gips noch mehr obkirzungen?" <<<
fralich gips, noch miendstns 93, åba i wüll da irmi jå miet aana kurzbischreibung hölfn. man soll die leit jå niet miet technische såchn ieberfurdern.

27.09.2009 10:19:
miet da technick ies a schaaß. wenn i a telepfohn håbm wüll zum in hosnsåck steckn, kriag i gleichzeitig an minitefau, an combutta, a radio miet an saund wia in de zwanzgajåhr im vurign jåhrhundert, an pfotoabarat zum fotegrafirn und fülmen miet 10 meckerbüchsel, a sörfbrett zum intanettsörfen, an wecka miet an tåschnfeitl, a weettastatziohn mit dem weetta von vurgestern, a postkastl - wo meine gånzen sumsen driennen seind, wo i eh niet lesn kånn weil de schrieft so klaan ies, und a minni-kochplåttn wo mei hiernkastl grülln tuat, wenn i länga einschåltn tua und hurch, ob wer ånruaft, und die tastnen seind gråd groß gnua fier die fingerlen von meine enkalan - åba niet fier mi.
und des ållas ies völlig kratis, brauch i mie lei 7 jåhr vapflüchten, dass i des glumpp möglichst oft vawendn tua, a wenn i's niet brauch.
hihi, wietzig, und jedesmål wenn mi wer ånruaft, spültz "granada" bei mir oda "hai nuun", jenåchdem. åba i hear des eh niet, weil i terrisch bien.
dafier åba kriag i gifühle wenn des im hosnsåck kribblt, weil des henndi ies wia a defibrilator - naa fålsch: fiehbrator haaßt des.
åba wås nutzn die gifühle - da geist ies wiellig, åba des fleisch....

Kurzform der bidienungsånleitung:
drucken sie GFPO um zu verbinden JKEE mit KRTW. wenn schalter POZI in stellung HTR, dann ist nicht moglich zu verbinden KTZ mit TRW.
gerat auch hat HFQ eingebaut, womit sie können verwenden TTG.
achtung wenn eindrehen apparat und akku ist leer, dann nicht funzen gut, mussen verwenden geladene akku.

irmile, håb i da hölfn können?