i bien åba sooo z'friedn, dass i mi håb opariern låssn, hiatzt siehg i wieda wia a uhu. oda a meusepussart oda wia der haaßt.

>>> "des wos an monn ausmocht" <<< aa - du maanst des glumpert, wås då umaglenggert? oftamål maant man, es ies schon hien, dabei ies es lei scheintot. gaxtamål erwåchtz wieda zum läbm.

sodala, noch schnöll a bahnorahma-büldl von da kreizn und nåachen geh i jausnen.
pfiateich.

des miet dem grauen star werd mia hoffntliech niamma passiern. weil i schon a siebmfåcha opa bin (und falleicht båld ur-opa, wer waaß) bien i schon auf baade äuglen opa - riert.

17.08.2009 15:40:
åba im suppa-mårkt kriagst schon noch aane packlen miet sauare ruabm. und am bauernmårkt aa noch gaxtamål.
und gschält hamma mia de niet, mia håmma se gfressn "äs it ies". 
lei die regnwierm håmma åbagipeitlt. und die erdn in die hosn einegwiescht.
dahaam håmma nåachan klesch (= tetschn, watschn, haue) kriagt, weil ma ausgschaugt håbm als wia de paraba.

åba håst schon rächt: so guat wia es sawagraut seind de ruabm niet. ies hålt gschmåckssåche.

>>>ruabn gfladate<<< gestohlene (gfladerte) rüben, vastehst. åba da HERRRR dopplwöltmaasta auf da wockabulariumseitn ies jå eigntlich da HERRRRR kuhflattich.

håmma mia als kienda aa ållaweil gitån: ruabm gfladert (und in da nåcht ins bett geprunzt, haha). beim vassacher- und beim leonhardersee drobm, in da nähe hålt, håtz aanige ruabm-acker g'gebm. heite wåxn durtn haufnweis wohnblöck in die lufft und då tobt siech da herr willroider aus (fiellaha stådtbaumaasta) und miet dem bett-saachn ies vurbei.
falleicht kummt des åba wieda (ohne ruabm).

die ruabm iebrigens kånnst wia es kraut einschneidn und in a fassl stopfn. nåachan håst nåch aanaiga zeit kaa sauakraut, sundern saure ruabm. schmeckn aa guat.
"ruabm fier die buabm, und kraut fier die braut!" (de siech niet traut)

wia håst denn des miet da libölln gmåcht, dass de so ruhig vur deina liensn gsessn ies, håst de narkutisirt odawia? auf ålle fälle - suppabüldln!

hoffntlich ies da dock mit dir z'friedn???

17.08.2009 15:24:
he, kuhle, schreib eine ins wertabiachl: 1000m/ünn haaßt "übern nåckertn nudistn am strånd" und die "nurmalnull" kånnst  in triest biwundern.

ierrdumm - i bin ölta, åba i siehg KAAN hierbest, fier mi biginnt gråd erst da zweite (driette, vierte???) auswårt. und da hierbest kånn mia gstohln bleibm. zumindest wås mi persönnlich bitrifft.
in da natuhr ies da hierbest schon wås scheenes. lei schåd, dass mia kaan "indian summer" håbm.
åba daweil amål håmma noch an platsch augusttåge, und då werd uns die sunne schon noch ånständig einhaazn. oda aa niet.

an scheenen blauen montåg wientsch i eich!

klår bin i dabei.
wenn ma glick håbm passt ållas zsåmm: da scheffe ies im septemba aa då (hailända-geims!), es feifale kummt aus kanadium...
warat des scheen, wenn es irmile und da schneck aa kummen könntn.
schaun mir amål, dånn sehgn mia schon.

16.08.2009 18:15:
jå, genottehöhe warat ideal. is hiatzt a åndara pächta, da petritsch ies in pensiohn.
fier die ortsunkundign a biessale schwaar zum findn, åba mia werdn senen des schon richtig bischreibm.

åckern tuamtze hiatzt in klafu - åba de seind sowiaso ållaweil an monat hientnnåch

i geh hiatzt jausnen und fernsehn.
pfiateich bis murgn.

griaßeich und an scheenen sunntåg. jå, heit bin i spåt drån, åba i håb schon an haufn hienta meina. um dreiviertl siebene wår i schon mit da hunderunde fertig, nåachan håmma liabm bisuach ghåbt aus kanadium (nit es feiferle, der kummt jå erst im septemba... feifale, wo biest denn ieberhauptz, ha?). z'mittåg wårn mia im gailtåla hof in matschiedl, (amål niet beim  enzian auf da windischn), und mia håbm durt wunderbår g'gessn. wia i haamkummen bin, wår i tutal vollgfressn und håb miassn a miettågsschlafale einlegn und hiatzt... jå hiatzt bin i eh då - oda sehgtz des eppa niet?

naanaanaa.... hiaztn sågntze zu unserm diandle schon >>> "antiker kaaton" <<< wo werd denn des noch hienfiehrn, ha?

a wundascheena morgen ies då bei uns - und den wientsch i eich aa. und an scheenen såmståg dazua.
håb die morgenrunde mit hundling absolwirt und an haufn frischluft gitankt.
gfruahstickt aa schon - also: gemmas ån!

seas irmi. des bring i niet z'såmm, i bin jå niet so a prutalla tüpp, i bin eha mehr såmpft und liab.

i wer mia hålt a packle watta kaafn und in die waschl einestopfm.

und wenn a åndra de erwürgarei iebernimmt, nåachan wer' i schon miethabern.

i håb ieberhaupt a biessale a gstörtes vahältnis zua de gåggern - håb als persch ållaweil miassn den hiahnaståll ausmistn und då håmt mi die heahndaläus gibiessn, dass lei so a freid wår. dabei bien i jå går ka gåggl niet. odawohl?

i wientsch da a scheenes wochnend. wånn kummst denn wieda amål nåch kärntn?

brauchst kaa ångst niet håbm, håmtze jå sugår taxi in schpittltschittie. lei u-båhn gips noch kaane.

auweh.... hängebauch.... hoffntlich kummt kaa krieppe dazua....

seas schnecki, gehtzdaguat?

warum i schon munta bien?
frågtz de håhnen warum de seit fümpfe in da fruah giggariggiiiiiiiieh schrajen.
ålle 10 bies 13 sikundn kraaht aana.
sowås haaßt nåachan püschoterror
wenn des so weita geht, gips båld an groaßn hefn heandasuppm.

und so a sauweetta ies aa noch dazu - då soll aana kaan grant niet kriegn....
a wås - miet sunne im herzn geht schon. (???) hoff i hålt.

unsa frounz ies frisch valiabt und håt wås bessares z'tuan, als wia mit zwaa ålte gruffties då zum kwatschn. åba er werd schon wieda kummen.
i geh in die kistn. guate nåcht.

13.08.2009 08:57:
an guatn morgen und an scheenen tåg wientsch i eich.

kuhle, hupf nit z'vül, werst lei miad.

tour de franz (radlrennen) is vurbei und i geh hiatzt jausnen
pfiateich und bleibtz xund

>>> "de radla sema ziemlch plunzn" <<< - okeh, åba i wer' derwegn schaugn, wenn i terf.

an guatn morgen und an scheenen tåg!

>>> "ruflo denk on de jungen weiwa" <<<
jåjå - i denk eh, åba nutzt des wås?

@fibi: jå, da christian håt xågg, se bleibm a wochn obm auf da alpe. håt er wenigstns an scheenen geburtztåg.

i wår hiatzt mit da sally untawex - a hitz håtz!

murgn ies bei uns in da kreizn ziel und endstatziohn (gh. staber) fier die radler: "tour de franz" (da klammer franze lådet prominente zum radlfåhrn ein, 100 km seindse untawex) - und damiet dass se niet vom fleisch fålln, kriagntze beim ebnerwirt aane kaasnudln.
so umma dreie nåchmittåg wernd die erstn eintrudln.
werd wohl da URF in "kärntn heute" aa birichtn.

11.08.2009 17:01:
und zum temma fiffaschwammalen oda ajalinge oda wias d' aa iemma sågn wüllst: mia håmma haja dreimål schwammalesooß mit kneedl ghåbt, und auf da windischn amål jagaschnitzl - aa mit aan gånzn hogga ajadinga drauf - hiatzt ich habe fertig bis näxtes jåhr.
miaßn mia jå a påår funghi fier unsare amitschii italjani aa iebrig låssn, damiet dass de niet tutal umasunst miet senare pkw-ånhänga eggstra aufafåhrn zu uns und suachn - und nåachan wumöglich niex fiendn.
da kuhle holt siech die fiffalinge eh z'ruck, wenn er in tafis pasta con funghi habert.