seas pfeiferle.
ob schnee oda niet, ob weinnåchtn oda ostan - ies eh lei wurscht, hauptsåch mia håmma an grund zum fajan.

kuhle, a påår tåg werstz wohl noch dawårtn, nåachan terfst di kuglrunt fressn. bies dåhin werst schon niet vo fleisch fålln. odawohl?
i tua jå aa feeesst fåstnen, åba niet wenn da pfårra sågg, sundern wenn i niex gscheitz dahaam håb.
und murgn, - kuhle gfrei di! - gips unsriege leipspeis: greane kuahflådn miet spiaglaja und greste. i gfrei mi! du aa?
(håb i heit schon a packle spinat gikaaft, weil de preennnessl seind bei uns noch niet so weit. und preennnesslspinat ies jå um a hauseck beessa als wia des greane giefft aus da kfriertruhgn im suppamårkt. åba spinat muaß sein. kånnst hoch oda nieda hupfm. und då fåhrt die eisnpåhn drieba.)

chrischtele und fibile dånkscheen fier die liabm büldln.

jå, er ies då, da auswart.
sunne scheint, es werd endlich würmer.
bleamlen schaugn ausm bodn, fegelen tschwitschern - a riechtige feglmettn!

er ies då, da friehling.
guat fier de åltn gibeine.

an guatn morgen und an scheenen tåg wientsch i eich!

bruuuaaahahahaha!
ginau, weh dem, der lügt von verona feldpooth.

... de åltn renntnamanndlen seind ålle geschlecksneitrahl. zumindestns de, wo i kenn. und aa wenn aana tuat åls wia wenn er a lustkreis warat... auweh ... håt schon da sälige herr schüttelspeer xågt: "weh dem, der lügt" und "viel lärm um nichts". hihi.
und ausnåhmen bistättigen die rehgel. odawia.

>>> "so werts sein, wennn er/sie schon sölba daufkummt" <<< ginau, i denk ma hålt "einsicht ies da erste weg zur böserunk."

a hasle/haseline (hihi: vasle - vaseline) håb i gsehgn. håt bei da nåchbårin aja/ajarinnen gfladert. und an pemsl/pemselin håt er/sie in da pfote/pfotin ghåbt. ies falleicht a ostahås/häsin gwesn.

scheißlich, de gschlechtzneitrale språch/språchin, wo uns die EU va-urdnet håt.
i wer lei mehr taamisch und de löcher/löcherinnen können mi.
i wer mi fier des niamma bigeistern.
fier mi bleibt a toggerin ållaweil noch a treappale.
bei uns då hariennen im fiellahanett gips de jå gottzeidånk niet*), åba in bruxelles streitn siech die bolüdüka, wia krump dass a bahnahne sein terf.
då durtn seind de degenen giwäxe rellatif dieck gsaat, die töggerlen und treappalan. niemmt aana/aane dem/der åndern es liacht weck, derwegn seind aa so vül von de friechte faul, schiach und unginießbår, wenns zu ernte kummt.

a wås solls. hauptsåch die/der göldkåtz/-kåta stiemmt. seind jå aa lei årm, wenn se (meerzåhl, brauchn mia kaa zweites gischlächt) so seenare hiernkastln/hiernkastelinnen strapatzirn miaßn.

daweil dass i då umaschwadronirn tua, ies es hasle schon wieda durchn gårtn ghopplt. åba falleicht ies des går niet da ostahås, håt lei die nåchbårin vagessn die tier vom håsnståll zuamåchn odawia.

____________________________________
*) häxtens da ruflo håt schon gachamål an festn huscha. åba kånnst nix måchn, den dabiagst niamma, der ies schon z'ålt.
und huscha hin - huscharin her:
i wientsch eich an guatn morgen und an scheenen tåg!

genau kuhle. wenn lei niet des depperte spiaglei warat, des vasaut den gånzn optischn eindruck.

@pfeiferle: die sally schaugt ernst drein, weil se kaan spaaß niet vastehn tuat. sie ies a gånz giferrliches rauptür. de ies lei zfriedn, wenn se jedn tåg an jaaga zreißt. nåachan låcht se.

06.04.2009 18:19:
so, i geh hiatzt meine hungafåltn entfernen. lei so wia beim macksundmohritz, wo den tieschla sei holde ihrn åltn miet an biegleisn glått gibiegelt håt, funzt des bei mia niet. i muaß då schon a biessale wås schluckn. und wenns lei a sterz ies.
pfiateich und tschau und serwas schretschno.

jå åba hallo, feiferle, an vogl håb i schon, åba voglsalåt? ies jå gråd erst da schnee weckgången. reahrdlsalåt gips schon, ies hiatzt bisunders ahrommatisch, weil se iebaråll jauchn ausgfiehrt håbm tuamt.
heit ies scheen wårm und wia i miet da sally untawex wår, håtze xågg "i taatet gern amål die liabn leit vom fiellahanett griaßn!" - okeh, håb i iebermiettelt. und a fotto von ihrn ies aa dådedå.
des kärntna diandlgwandle, wås se ånhåt, håmma eggstra beim kärntna heimatwerk gikaaft. und ånghenkt ies se, damiet dass se niet gaxt an ostahaslen nåchflietzt, de wo hiatzt schon fleißig in da gegend umahoppln tuamt.

i kumm erst hiatzt dazua, dass i mi möld, åba heit wår bischefftigunk pua in unserm gårtn: a ålte birkn (a büldl davon håb i vur a påår tåg gschickt, mit an  hogga schnee drauf) und a lärchn håmma mit vaeinte kräfte (fajawehr mit matursåg und ellkaweh) entfernen miaßn.
åba hiatzt seimma fertig. und hiatzt håmma wieda liacht in unserm gårtn.

hiatzt pass lei scheen auf auf dei lenale, kuhle, und tua sie niet z'vül ärgern, sunst geht sie wieda ins gitschtål. UND: tua sie scheen griaßn.

______________________________
zum foto (untn): mei pilot und i seimma iebern glockner nåch zell am see gflogn, (mit an aanmoturign motursegla, mit da "super-dimona") durchs salzach- und zederhaustål iebern katschberg zruck nåch kärntn und in da höhe rothenthurn håb i aufn auslösa gidruckt. lins vurn siehgt man a ziepfale vom millstätta see. in da miettn von vurn nåch hientn: kamering, ferndorf, feistritz, feffernitz und gååånz hintn siehgt man a biessale von fiellah und dahinta die karawankn. die drau und die autebåhn seind natierlich aa drauf.
an haufn flugaufnåhmen gips auf www.flickr.com/photos/dueller im vazeichnis "über den wolken"

an scheenen gruaß aus da kreizn. wetta is solala. åba werdschonwerdn. heit wår i mit da sally amål auf da åndern seitn untawex.


a echtes ruflo-büldl könntz im "draustädter" vom 2.4. auf da seitn 18 biwundern. die flugaufnåhme vom untern drautål.
und fier de, wo die zeitung niamma håbm, ies es dådedå nochamål zum sehgn:

jåjå, pfeif lei, pfeiferle, recht håst.
und den åndern, de scheen långsåm unterm gulter ausa kraln werdn:

an guatn morgen und an scheenen såmståg!

unsa enkale ies noch imma im krånknhaus und i muaß hiatzt mei frau åbholn, de iebern tåg bei ihr wår. pfiateich bis murgn