auweh, des wår heit ånstrengend. håmma den yukon als gåst und i bin mit zwaa hundling spaziern gången. seindse jå baade so brav, åba die sally måg's flott und stiermisch, und da yukon als ålta herr (so wia i) kamot und gimiatlich.
nåjå, håmma's aa gepåckt.
  

23.03.2009 15:58:
seas pfeiferle. recht håst, tua lei wås fier die darniedaliegende wiertschåft und gegn de eekelhåffte briaftaschlvafettung.

>>> "wenn er ihr mit  de kralln iba die nosn fohrt..."<<< tuat er jå niet. der ies zwår riiiiesengroß (fåst so wia die sally), åba gånz sånft und liab. er låsst sogår die zwielling auf sich "reitn".

so, mei auspuff (togga, naa, der vom aute!) ies aa wieda zuawegschwaaßt. hiatzt kånn i wieda gaas gebm.
brrrrrrummmmmmmmmmmmmm!


23.03.2009 11:18:
@chrischtele: måch da niex draus zwengs deine arantschn- oda mandarienenanntn.
mit dem fotegraffirn ies es binåhe wia mit de murphyschen gisetze beim petzeh: wås lei iergendwia schief gehn kånn, geht aa schief.
bassirt mia ållaweil wieda: wenn i mei olympus mithåb, stehnt wohl da rosennock, da tscheckel und da kowesnock bleed umanånda in da gegnd und sågnt "schaug, wia scheen mia sein!" - åba des ies es dånn aa schon.
låss i des luada dahaam, weil i ma denk "von de degenen gupf håb i eh schon 739 oda mehr büldln!" nåachan laaft ma garantirt a reachl oda a fucks iebern weg, grienst mi ån und sågt: "hättest se hålt mitgnummen, dei kammara!"

23.03.2009 11:25:
heit håb i ma beim hofabiellaliedl a neiche brülln gikaaft. maa, ies de scheen. kånn man schon durchschaugn aa, åba bessa ies draufsietzn. då siehgt man balmen und an siedseestrånd und dölfiehne und sowås.
und a grabbm ies aa dabei. de zwieckt di in åasch, wennst niet aufpassn tuast, ies nämmlich a glohbrülln.
håb i noch niet muntirt, muaß i erst wårtn, bies meine fingerlen wieda beessa draufsein und niet so starre.
nåachan gehtz, wenn i muaß, åb in die kariebick. wernmia schaugn, ob se durtn an strohruhm aa håbm tuamt oda lei den tschamaika-ruhm, wia da andale ållaweil sågg.

23.03.2009 11:36:
åba tschameika-tschicken brauch i kaans, wenn i då draußn a längare sietzung håb, weil mia kriagn heit z'miettåg eh so an ausglajerten guhmmi-gajer.
und ertäpfl-büro und kurkensalåt. oda paradeisa. oda an åndern, an saawaren hålt.

so, ruflo, und hiatzt måch endliech amål dei blabbamäulchen zua und schleich di in die kuchl.

nix runde mit sally, des kummt später. hiatzt muaß i mein auspuff - oda besssa den von mein aute - riechtn låssn.
und da merlin, da maine-coon von unserm buam, låsst eich aa scheen griaßn.

an guatn morgen und an scheenen wochnbeginn eich ålln!

... jå, des wientsch i eich aa.
mia fåhrn heit nåch fiellah, unsre zwielling håbm heit ihrn erstn geburtståg.

seas frounz, ålta kumpl.
tuabbes hålt unsriege diandlen guat untahåltn, weil i muaß mi hiatzt åbvaschiedn.
pflicht ruaft: (jausn, kärntnheite, zeitimbüld, fernsehschlåf beim blondn endsechzga-jiengling. aus. des wår da 21. mierz fier mi.)
und murgn kumm i falleicht wieda.
pfiateich, bleibz xund und praf.

jå, die sunne låcht und wenn ma beim fensta ause schaugt, kriagt man lust auf an spaziergång.
åba dånn - måchst die haustiere (naa, niet de, die hölzerne maan i) auf - und dei gånze lust ies davongiblåsn. so ein grausliecha, eisiga wind...
dabei solltn mia schon friehling håbm.

seas irmi. scheens weetta håbbes des. bei uns ies zwår niet sooo kålt (-3°), åba da eisblåse fåhrt aan durch bies auf die gibeine und man maant, es håt miendestns -30°. dabei scheint eh a weng die sunne.
a wundascheens büldl håst uns då gschickt. wenns niet so weit weg warat, taatet i då gern a biessale seitsi'ing måchn...

an guatn morgen und a wunderscheenes wochnend eich ålln!

des büldl ies von gestern auf d'nåcht. links da dobratsch, rechts  da bleiberg. aufgnommen von da nordausfåhrt villach-wollanig

so, måhlzeit, essn ies fertig. heit gips zweschpmkneedl miet breesl und brauna butta. (zweschpm håmma eingfrorn)
nåchmiettåg gips a große reise nåch fiellah, und am åbnd bin i wieda då. falleicht.

________________________
håt siech ållas tutal vaändat: aus de froschschenkalan seind kraahwaadl wurdn.

naa, håb i niet. höxtens kraahwaadln.

>>> "oba vielleicht hupft da ruflo mit da sally a mit" <<<
na, mit 73 bin i kaa hupfer mehr. ausghupft.

a jå da kuhle håt schon an flieger.
naa - tschuligunk - er IES a flieger.
und die planica warat fier ihn die richtige startbåhn. könnet er glei auf die wurzn aufehupfn - nudelen schmuggln und tschick fressn. oda umavakehrt.




20.03.2009 11:14:
apropo fliega: maa, i muaß wieda amål in nötsch in die super-dimona einekraxln und miet mein pilotn a greeßare runde ziahgn. des ies sowås von scheen. då ies es åbehupfn ieber die planica a lercherlschaaß dagegn.
es letzte mål seimma iebrigns iebern mittågskogl und ieber die planica åbegrauscht nåch istrien, in protoroz an kuffee trinkn und haam ieber die adria - udine, es kanaltål und wieda haam.
då ies da link dazua:
www.flickr.com/photos/dueller/sets/72157604330446858/

an guatn morgen und an scheenen tåg eich ålln!

MAIBACHL RINNT! www.kaernten.tv/default.aspx

hihi - 30% ies åba stärka und måcht beim gurgln die zähnt aa glei sauba

von wegn miest - da riechtige miest, da "keischlamiest" kummt von obm: des ies da spåte schnee.
noch schneibtz niet bei uns, åba a eisblåse waht, und wenn man ause schaugt, iebers drautål drieber ume, uijegerl, då gehts rund ieber da müllstätta alpe.
und da rosennock, die zundawänd und wås man von uns aus noch sehgn kånn, de håmt sich eingwicklt in dicke schneewolkn.
ausm gailtål, iebern kowesnock und iebern tscheckel, ieber die windische höh und ausm koflachgråbm kummts weiß daher.

und derweil i des hiatzt schreib - fångtz aa bei uns ån. da weiße kummt.