seas pfeiferle. jååååååå - da scheffe håt apsolut rächt. i maan - niex gegn die leit aus KAW (klafuu am wertasee), seind jå aa lei årme haschalen, könnent jå niex dafier, dass es dee då åbe vaschlågn håt, also niex gegn die leit - åba an lintwurben auf da wånt - tststs - wo wert denn des noch hienfiehrn, ha? wås tuast denn nåachan, wenn da der amål beim vurbeigehn ins knack einebeißt, ha? oda dir deine hauswierscht und deine reichalaxnen weckfriesst? då sågst åba niex mehr. niet amål da herr kuhles aufm neichn plåtz wert miet dem monnsta fertig. schon a påår hundat jåhr brupirt der dem luada aans aufn plutza zan gebm miet seina käule. und nutzt's wås? nietamåldenkn. der dråchn reißt ållaweil noch sei maul auf und spuckt gieft und gålln und wertaseewååssa. man miaßat jå diereckt ieberlegn, ob DER lintwurben niet a SIE ies. ållaweil die goschn offn. nana... åndriegenseitz håt er jå aan griengltn schwaaf - falleicht ies er (sie) a tswiettalintwurben(in), beim kopf a weible und weita untn a mannkale. jå. wer waaß.
falleicht könnet es wertaseemanndle miet sein fasslen de gegend då gånz unta wååssa setzn, damiet dass er dasauft. die leit könnet man vurher jå nåch ljubljana ewakuiehren, de håmt aa an lintwurben.
es fiellaha wåppn ies då gånz wås åndrieges. frei durch die liefte sägeln, von obm åba schaugn - a riechtiga ådla hålt.
nåjå - niet da gånze ådla, des aa wieda niet, åba hålt a krampale davon. hålt a trumm vom könig der liefte. frei und ungibundn. jå.
und es klafurzer wåppm? ha? eingsperrt ies er (sie) der (die) wurben(in) in an turm. hihi - nutzt åba niex, lebt noch ållaweil, obwohl dass es schon lång kaane jungfrauen niamma gips zum fuattern. oxn håmma wohl ginua in unserm landl, åba de måg es lintile niamma. warat schon a gaude, wånn der (de) unsre gånzn rientfiecha vaspeisn tuan taatet ...
so ruflo, hiatzt reichtz åba. håltz goscherl, sunst kummt zu dir da herr kuhles mit seina käule.
an guatn murgen und an scheenen wochnbiginn eich ålln! und hiatzt bin i schon furt wia rauch. und aufn wallentiehn håb i vagessn. tuat ma laad. åltersdemmentz. jå.
